Sumarólympíuleikarnir 1972

Úr Wikipediu, frjálsa alfræðiritinu

Sumarólympíuleikarnir 1972 voru haldnir í Munchen í Vestur-Þýskalandi frá 26. ágúst til 10. september.

Aðdragandi og skipulagning[breyta | breyta frumkóða]

Ákvörðunin um keppnisstað var tekin vorið 1966 á fundi Alþjóðaólympíunefndarinnar. Fjórar borgir sóttust eftir gestgjafahlutverkinu. Auk München voru það Madrid, Montréal og Detroit. München fékk langflest atkvæði í fyrstu umferð valsins en þó ekki tilskilinn meirihluta. Norðu-Amerísku borgirnar tvær fengu fæst atkvæði í þeirri umferð, sex talsins og féll Detroit þá úr leik. Í næstu umferð fékk München 31 atkvæði á móti 16 atkvæðum Madrid og 13 atkvæðum Montréal.

Keppnisgreinar[breyta | breyta frumkóða]

Keppt var í 195 greinum. Fjöldi keppna í einstökum íþróttaflokkum er gefinn upp í sviga.

Handknattleikskeppni ÓL 1972[breyta | breyta frumkóða]

Innanhússhandknattleikur var í fyrsta sinn á dagskrá Ólympíuleikanna árið 1972. Íslenska landsliðið tryggði sér keppnisrétt með góðum árangri í forkeppni á Spáni í marsmánuði.

Sextán lið tóku þátt og var Ísland í B-riðli ásamt Austur-Þýskalandi, Tékkóslóvakíu og Túnis. Íslendingar töpuðu fyrir Austur-Þjóðverjum í fyrstu viðureign og misstu unninn leik gegn Tékkóslóvakíu niður í jafntefli. Íslenska liðið hefði þurft að vinna 22 marka sigur á Túnis í lokaleik til að komast áfram úr riðlinum, en það tókst ekki. Eftir töp gegn Pólverjum og Japönum hafnaði íslenska liðið loks í tólfta sæti.

Lið Júgóslava hlaut gullverðlaunin eftir sigur á Tékkum í úrslitaleik og bronsverðlaunin komu í hlut Rúmena.

Þátttaka Íslendinga á leikunum[breyta | breyta frumkóða]

Auk handknattleikslandsliðsins, sendu Íslendingar fjóra sundmenn, fjóra frjálsíþróttamenn og tvo lyftingamenn á leikana þá Óskar Sigurpálsson og Guðmund Sigurðsson.

Í Ólympískum Lyftingum varð Óskar Sigurpálsson í 19 sæti í -110 kg. flokki og Guðmundur Sigurðsson í 13. sæti í - 90 kg. flokki.

Guðjón Guðmundsson náði bestum árangri sundmanna. Hann varð 36. í 100 metra bringusundi á nýju Norðurlandameti. Var hann valinn Íþróttamaður ársins 1972 fyrir afrek sitt. Sundkappinn Guðmundur Gíslason keppti á sínum fjórðu Ólympíuleikum.

Í frjálsíþróttakeppninni varð Bjarni Stefánsson 30. í milliriðli í 400 metra hlaupi, en hafði áður sett nýtt Íslandsmet í forriðli. Lára Sveinsdóttir keppti í hástökki og varð þar með fyrst íslenskra kvenna til að keppa í frjálsum íþróttum á leikunum.

Verðlaunaskipting eftir löndum[breyta | breyta frumkóða]

Nr. Land Gull Silfur Brons Samtals
1 Flag of the Soviet Union.svg Sovétríkin 50 27 22 99
2 Fáni Bandaríkjana Bandaríkin 33 31 30 94
3 Flag of East Germany.svg Austur-Þýskaland 20 23 23 66
4 Flag of Germany.svg Vestur-Þýskaland 13 11 16 40
5  Japan 13 8 8 29
6 Fáni Ástralíu Ástralía 8 7 2 17
7 Flag of Poland.svg Pólland 7 5 9 21
8 Fáni Ungverjalands Ungverjaland 6 13 16 35
9 Flag of Bulgaria.svg Búlgaría 6 10 5 21
10 Fáni Ítalíu Ítalía 5 3 10 18
11  Svíþjóð 4 6 6 16
12  Bretland 4 5 9 18
13 Flag of Romania.svg Rúmenía 3 6 7 16
14 Flag of Cuba.svg Kúba 3 1 4 8
 Finnland 3 1 4 8
16 Flag of the Netherlands.svg Holland 3 1 1 5
17  Frakkland 2 4 7 13
18 Flag of the Czech Republic.svg Tékkóslóvakía 2 4 2 8
19 Flag of Kenya.svg Kenýa 2 3 4 9
20 Flag of Yugoslavia (1946-1992).svg Júgóslavía 2 1 2 5
21  Noregur 2 1 1 4
22 Flag of North Korea.svg Norður-Kórea 1 1 3 5
23 Flag of New Zealand.svg Nýja Sjáland 1 1 1 3
24 Flag of Uganda.svg Úganda 1 1 0 2
25  Danmörk 1 0 0 1
26  Sviss 0 3 0 3
27  Kanada 0 2 3 5
28 Flag of Iran.svg Íran 0 2 1 3
29  Belgía 0 2 0 2
Flag of Greece (1822-1978).svg Grikkland 0 2 0 2
31  Austurríki 0 1 2 3
Flag of Colombia.svg Kólumbía 0 1 2 3
33 Flag of Argentina.svg Argentína 0 1 0 1
Flag of South Korea.svg Suður-Kórea 0 1 0 1
Flag of Lebanon.svg Líbanon 0 1 0 1
Flag of Mexico.svg Mexíkó 0 1 0 1
Flag of Mongolia.svg Mongólía 0 1 0 1
Flag of Pakistan.svg Pakistan 0 1 0 1
Flag of Tunisia.svg Túnis 0 1 0 1
Flag of Turkey.svg Tyrkland 0 1 0 1
41  Brasilía 0 0 2 2
41 Flag of Ethiopia (1897–1974).svg Eþíópía 0 0 2 2
43 Flag of Ghana.svg Ghana 0 0 1 1
 Indland 0 0 1 1
Flag of Jamaica.svg Jamæka 0 0 1 1
Flag of Niger.svg Níger 0 0 1 1
Flag of Nigeria.svg Nígería 0 0 1 1
Flag of Spain (1945–1977).svg Spánn 0 0 1 1
Alls 195 195 210 600


Wikimedia Commons er með margmiðlunarefni sem tengist