Níger

Úr Wikipediu, frjálsa alfræðiritinu
Stökkva á: flakk, leita
République du Niger
Fáni Níger Skjaldamerki Níger
Fáni Skjaldarmerki
Kjörorð:
„Fraternité, Travail, Progrès
(franska: Bræðralag, Vinna, Framfarir)“
Þjóðsöngur:
La Nigérienne
Staðsetning Níger
Höfuðborg Níamey
Opinbert tungumál franska (opinbert), hásamál, kanúrí, gourmanchéma, sarma, tamajak
Stjórnarfar Lýðveldi
Mahamadou Issoufou
Brigi Rafini
Sjálfstæði
 - frá Frakklandi 3. ágúst 1960 
Flatarmál
 - Samtals
 - Vatn (%)
21. sæti
1.267.000 km²
0,02
Mannfjöldi
 - Samtals (2016)
 - Þéttleiki byggðar
61. sæti
20.672.987
12,1/km²
VLF (KMJ)
- Samtals
- á mann
áætl. 2017
21,742 millj. dala (141. sæti)
1.159 dalir (183. sæti)
VÞL (2014) Dark Green Arrow Up.svg 0.348 (188. sæti)
Gjaldmiðill CFA-franki
Tímabelti UTC +1
Þjóðarlén .ne
Landsnúmer 227

Níger er landlukt land í Vestur-Afríku sunnan Sahara, með landamæriNígeríu í suðri, Malí í vestri, Alsír og Lýbíu í norðri og Tjad í austri. Landið dregur nafn sitt af Nígerfljóti sem rennur gegnum suðvesturhluta þess. Níger nær yfir nær 1.270.000 ferkílómetra og er því stærsta land Vestur-Afríku. Um 80% landsins eru í Saharaeyðimörkinni. Íbúafjöldi er um 21 milljón. Langflestir íbúar eru múslimar og búa í suðvesturhluta landsins þar sem höfuðborgin, Níamey, er staðsett.

Níger er þróunarland og var í neðsta sæti vísitölunnar um þróun lífsgæða árið 2012. Þeir landshlutar sem ekki eru í eyðimörkinni eiga á hættu að verða eyðimerkurmyndun að bráð. Níger er eitt af fátækustu löndum heims og efnahagur þess byggist að mestu á sjálfsþurftarbúskap, kvikfjárrækt og vinnslu á úrani sem stendur undir 72% af útflutningstekjum landsins. Landið stendur frammi fyrir miklum áskorunum vegna vanþróaðs landbúnaðar, offjölgunar, lágs menntunarstigs, skorts á innviðum, lélegrar heilbrigðisþjónustu og jarðvegseyðingar.

Sögulega séð hefur svæðið sem nú er Níger skipst milli ólíkra þjóðflokka. Frakkar hófu að leggja svæðið undir sig frá aldamótunum 1900 og Níger varð hluti af Frönsku Vestur-Afríku. Eftir að landið fékk sjálfstæði 1960 var það í sautján ár undir stjórn Hamani Diori. Miklir þurrkar og ásakanir um spillingu leiddu til þess að honum var steypt af stóli af herforingjaráði undir stjórn Seyni Kountché sem ríkti til dauðadags árið 1987. Lengst af síðan var landið undir herforingjastjórnum en árið 2011 voru haldnar lýðræðislegar kosningar og núverandi stjórn tók við.

Stjórnsýsluskipting[breyta | breyta frumkóða]

Níger skiptist í 7 héruð og eitt höfuðborgarsvæði. Héruðin skiptast í 36 umdæmi sem aftur skiptast í sveitarfélög af ýmsum toga. Árið 2006 voru sveitarfélögin 265 talsins, þar á meðal bæjarfélög í þéttbýli, sveitarfélög í dreifbýli og stjórnarsetur á mjög dreifbýlum svæðum og hersvæðum. Sveitarfélög skiptast stundum í þorp og byggðir en bæjarfélög í hverfi.

Helstu borgir Níger eru Níamey (með yfir 770 þúsund íbúa), Zinder (með yfir 190 þúsund íbúa), Maradi (með yfir 160 þúsund íbúa), Agadez (með tæplega 90 þúsund íbúa) og Tahoua (með um 80 þúsund íbúa).

Héruðin eru:

Wikimedia Commons er með margmiðlunarefni sem tengist
  Þessi Afríkugrein er stubbur. Þú getur hjálpað til með því að bæta við greinina.