Blóðbaðið í München

Byggingin þar sem gíslatakan fór fram.

Blóðbaðið í München var hryðjuverkaárás á sumarólympíuleikunum í München, Þýskalandi, árið 1972 þegar átta meðlimir palestínsku skæruliðasamtakanna Svarta september tóku 11 ísraelska íþróttamenn í gíslingu. Árásin leiddi til dauða allra ellefu gíslanna, eins þýsks lögreglumanns og fimm af átta hryðjuverkamönnum þegar þýska lögreglan reyndi að stöðva hryðjuverkamennina á Fürstenfeldbruck-flugstöðinni nálægt München. Síðar tók ísraelska leyniþjónustan flesta forsprakkana af lífi nema einn, Jamal Al-Gashey.

Segja má að hryðjuverkamennirnir hafi náð því fram sem þeir ætluðu sér; nefnilega að beina athygli umheimsins að baráttunni milli Ísrael og Palestínumanna. Einnig líta margir þannig á að með gíslatökunni og því sem á eftir kom hafi verið sleginn nýr og dekkri tónn í alþjólegum hryðjuverkum.