Al Gore

Úr Wikipediu, frjálsa alfræðiritinu
Jump to navigation Jump to search
Al Gore
Al Gore, Vice President of the United States, official portrait 1994.jpg
Varaforseti Bandaríkjanna
Í embætti
20. janúar 1993 – 20. janúar 2001
Öldungadeildarþingmaður fyrir Tennessee
Í embætti
3. janúar 1985 – 2. janúar 1993
Fulltrúadeildarþingmaður fyrir Tennessee
Í embætti
3. janúar 1977 – 3. janúar 1985
Persónulegar upplýsingar
Fæddur31. mars 1948 (1948-03-31) (72 ára)
Washington, D.C., Bandaríkjunum
StjórnmálaflokkurDemókrataflokkurinn
MakiTipper Aitcheson ​(g. 1970; sk. 2010)
Börn4
HáskóliHarvard-háskóli
Vanderbilt-háskóli
StarfStjórnmálamaður, lögfræðingur, athafnamaður, blaðamaður
VerðlaunNobel prize medal.svg Friðarverðlaun Nóbels (2007)
Undirskrift

Albert „Al“ Arnold Gore (f. 31. mars 1948) var forsetaefni demókrata í forsetakosningunum árið 2000 sem voru einar umdeildustu kosningar í sögu Bandaríkjanna. Hann fékk hálfri milljón fleiri atkvæði en keppinautur hans, George W. Bush, en færri kjörmenn í kjörmannaráðinu. Bandaríska kosningakerfið er flókið, en eftir að niðurstöðurnar höfðu velkst um í dómskerfinu úrskurðaði hæstiréttur að Bush væri sigurvegari og því forseti Bandaríkjanna.

Árið 1965 innritaðist Gore til náms í ensku í Harvard-háskóla. Honum leiddist í því námi og eftir tvö ár skipti hann um námsbraut og hóf nám í stjórnmálafræði og lauk BA prófi með sóma í júní 1969. Eftir herþjónustu í nokkra mánuði í Víetnam stundaði hann nám í trúfræðum við Vanderbilt-skólann og hóf síðar lögfræðinám þar, en hvarf frá því án prófs vegna framboðs síns í kosningum til fylkisþings Tennessee árið 1976.

Gore gegndi stöðu forseta bandarísku sjónvarpsstöðvarinnar Current TV sem vann Emmy-verðlaunin árið 2007 fyrir framúrskarandi þróun á gagnvirku sjónvarpi. Hann er einnig stjórnarformaður í Generation Investment Management, í stjórn Apple tölvufyrirtækisins auk þess að vera óopinber ráðgjafi yfirstjórnenda Google og stjórnarformaður umhverfissamtakanna Alliance for Climate Protection. Verðlaunafé friðarverðlauna Nóbels sem kemur í hlut Gore rann að öllu leyti til samtakanna.

Varaforsetinn fyrrverandi hefur löngum haft áhuga á umhverfismálum. Hann var einn þeirra sem kom Kyoto-bókuninni á og þrátt fyrir andstöðu Bandaríkjaþings skrifaði hann undir samninginn árið 1998, en Bandaríkin neituðu að skrifa undir samninginn árinu áður.

Hann tilkynnti árið 2002 að hann myndi ekki keppa við Bush um forsetaembættið árið 2004 og gagnrýndi Bush fyrir stríðið í Írak.


Fyrirrennari:
Dan Quayle
Varaforseti Bandaríkjanna
(1993 – 2001)
Eftirmaður:
Dick Cheney