Petsórahaf
Petsórahaf er hafsvæði í suðausturhluta Barentshafs á milli Kolgújeveyjar, Vajgarskeyjar, Júgorskískaga og suðvesturströnd Novaja Semlja. Hafið er mjög grunnt, aðeins 6 metra djúpt að meðaltali en dýpsti punktur þess er á 210 metra dýpi. Hafið er ísi lagt frá nóvember og fram í júní. Það heitir eftir ánni Petsóra sem rennur í það.
Í Petsórahafi er sérstakt botndýralíf. Þar er nokkur olíuvinnsla á vegum Gazprom sem hefur verið gagnrýnd fyrir að stefna lífríki hafsins í voða. [1]
Tilvísanir
[breyta | breyta frumkóða]- ↑ „Environmentalists warn of risk of oil production in the Russian Arctic“. The Washington Post. Associated Press. 14 ágúst 2012. Afrit af upprunalegu geymt þann 3. september 2019. Sótt 15 ágúst 2012.
