Fara í innihald

Selma Björnsdóttir

Úr Wikipediu, frjálsa alfræðiritinu
Selma
Selma árið 2010
Selma árið 2010
Upplýsingar
FæddSelma Björnsdóttir
13. júní 1974 (1974-06-13) (50 ára)
Reykjavík, Ísland
Störf
  • Söngvari
  • leikari
Ár virk1996–í dag
MakiRúnar Freyr Gíslason (2005–2010)
Stefnur
HljóðfæriRödd

Selma Björnsdóttir (f. 13. júní 1974), þekkt sem Selma, er íslensk söngkona, leikkona og leikstjóri sem öðlaðist mikla frægð eftir að hún hafnaði í öðru sæti í Söngvakeppni evrópskra sjónvarpsstöðva árið 1999 með laginu „All Out of Luck“ sem var þá besti árangur Íslands í keppninni. Sama ár gaf hún gaf út sólóplötuna sína I Am, sem varð söluhæsta hljómplata ársins á Íslandi. Selma hefur síðan gefið út tvær aðrar hljómplötur (Life Won't Wait og Alla leið til Texas) sem einsöngkona og tvær safnplötur ásamt Hönsu (Sögur af sviðinu og Sögur af konum). Hún hefur einnig notið mikilla vinsælda sem sviðsleikkona í leiksýningum eins og Grease, Ávaxtakörfunni og Litlu hryllingsbúðinni og unnið sem leikstjóri á leiksýningum á borð við Vesalingana og Gosa.

Æska

[breyta | breyta frumkóða]

Selma Björnsdóttir fæddist í Reykjavík þann 13. júní 1974, þriðja af fjórum börnum Björns Friðbjörnssonar og Aldísar Elíasdóttur.[1] Hún á þrjár systur, Hrafnhildi sem er óperusöngkona, Birnu og Guðfinnu sem eru báðar dansarar og danskennarar. Í barnæsku sinni fór Selma í danstíma ásamt systrum sínum hjá Heiðari Ástvaldssyni. „Ég hætti þar fljótlega af því að ég þurfti að dansa við stráka. Það gat ég ekki hugsað mér.“[2] Fimm ára gömul fór Selma að læra á selló sem hún æfði í þrjú ár. Frumraun hennar í leikhúsi kom þegar hún var aðeins sjö ára gömul en hún söng álfadísina í uppfærslu barnakórs Garðabæjar af Öskubusku. Þegar Selma var tíu ára fengu hún og systur hennar hlutverk í barnaóperunni Örkinni hans Nóa sem var sýnd í Íslensku óperunni og stuttu seinna komu þær fram í óperunni Carmen. Einnig fékk hún hlutverk í barnaleikritinu Kardemommubænum í Þjóðleikhúsinu. Árið 1990 hóf Selma nám við Verzlunarskóla Íslands og hafði hún mikinn metnað í námi sínu og mikinn áhuga á íslensku, bókmenntafræði og sögu. Hún var mjög virk í félagslífi skólans en hún tók ekki þátt í neinum söngleikjum fyrr en á lokaári sínu. Hún tók þátt í söngvakeppni skólans, Verzló Væli, fyrir tilviljun en vinkona hennar skráði hana til leiks án vitundar hennar. Þegar kom að keppninni fór hún með sigur af hólmi. Hún var danshöfundur í nemendamótssýningunni á söngleiknum Jesus Christ Superstar og það var við undirbúning sýningarinnar sem hún kynntist Þorvaldi Bjarna Þorvaldssyni sem hún síðar vann náið með.[3]

Ferill

[breyta | breyta frumkóða]

1995–1998: Upphaf ferils

[breyta | breyta frumkóða]

Árið 1995 eftir að hafa ústkrifast úr menntaskóla var Selma ráðin til að leika Rosaliu í uppfærslu Þjóðleikhússins af West Side Story. Hún hafði ætlað að fara í lögfræðinám en ákvað að taka sér ársfrí eftir skólann eftir að hún hafði fengið hlutverkið. Árið 1996 hóf sjónvarpsþátturinn Ó göngu sína á dagskrá RÚV í stjórn Selmu og Markúsar Þórs Andréssonar. Þættirnir voru miðaðir að unglingu og urðu frekar umdeildir en þeir samantóðu af umfjöllun um umræðuefni eins og klám og fíkniefni, frumsömdum atriðum, fréttum og allskonar menningarumfjöllun.[4] Árið 1998 var Selma ráðin í aðalkvenhlutverkið í söngleiknum „Grease” í Borgarleikhúsinu á móti Rúnari Frey Gíslasyni sem hún síðar giftist. Söngleikurinn naut gífurlegra vinsælda og var það þar sem Selma öðlaðist fyrst frama sem söng-og leikkona.

1999: Eurovision frægð og I Am

[breyta | breyta frumkóða]
Smáskífa Selmu „All Out of Luck“ seldist í yfir sex þúsund eintökum.

Í byrjun ársins 1999 var Selma beðin um að vera fulltrúi Íslands í Söngvakeppni evrópskra sjónvarpsstöðva vorið 1999.[5] Lagið átti hún að semja ásamt lagahöfundi að hennar eigin vali. Hún valdi Þorvald Bjarna en þau höfðu þá nýlegast unnið að tónlistinni í kvikmyndinni Sporlaust árið áður.[6] Eftir að hafa kynnt sér fyrri keppnir var Selma viss Selma valdi lagið „All Out of Luck“ úr hópi nítján laga sem Þorvaldur Bjarni hafði samið, en textinn var eftir Sveinbjörn I. Baldvinsson. Þann 9. apríl 1999 var myndbandið við lagið í leikstjórn Óskars Jónassonar frumsýnt en það var tekið upp víða í Reykjavík.[7][8] Föruneyti Selmu innhélt Hönsu, Rúnu G. Stefánsdóttur og Stefán Hilmarsson í bakröddum, Brynjar Örn Þorleifsson og Daníel Traustason dansara og Þorvald Bjarna.[9] Selma hlaut töluverða athygli þegar hún kom til Jerúsalem fyrir keppnina og trónaði hún á toppi flestra veðbanka. Blaðamannafundur íslenska hópsins var sá fjölmennasti og þótti hún mjög sigurstrangleg í keppninni.[10] Lagið hafði þá náð toppi tónlistans á Íslandi sjö vikur í röð.[11] Selma náði öðru sæti í keppninni og hlaut 146 stig en þá var það þá besti árangur Íslands í keppninni. Kjóllinn sem Selma klæddist á sviðinu var síðar settur til sýnis á Hard Rock Café í Kringlunni.[12] Árangur Selmu í Eurovision var stökkpallur fyrir hana til að koma sér fyrir á erlendum vettvangi. Stuttu síðar skrifaði hún undir samning við Universal upp á þrjár plötur og hóf hún að syngja á fyrsu sólóplötu sína um leið. Platan bar nafnið I Am og í viðtali sagði Selma að hún væri „popplata en það eru nokkur rokklög og ballöður á henni líka.”[13] Selmu voru einnig veitt verðlaunin fyrir Flytjanda ársins á íslensku tónlistarverðlaununum 1999 eftir velgengni sína á árinu.[14]

2000–2004: Life Won't Wait og Sögur af Sviðinu

[breyta | breyta frumkóða]

Aðeins ári eftir að fyrsta plata hennar, I Am kom út, gaf Selma út aðra plötu sína Life Won't Wait. Þrátt fyrir að platan hafi ekki náð að jafna velgengni I Am náði hún fjórða sæti á vinsældarlistanum. Stuttu eftir útgáfu Life Won't Wait ákváðu Selma og Þorvaldur að rifta samninginn við Universal eftir að hafa beðið í ár til að fá að koma fyrri plötunni út á heimsmarkað. Selma lýsti samt upplifun sinni á samningnum sem góðum, „ég söng úti um alla Evrópu og skemmti og söng hjá sjónvarpsstöðvum og á tónlistarhátíðum og gerði dýr og flott myndbönd. Þannig að ég lærði helling á þessu.“ Í desember 2001 höfðu Selma og Hansa haldið jólatónleika í Vesturporti og síðar Borgarleikhúsinu sem innihéldu eingöngu söngleikjatónlist og nutu mikillavinsælda. Viðbrögð voru svo góð að Skífan sýndi því áhuga að gefa út hljómplötu með söngleikjatónlist.[15] Eftir fæðingu sonar hennar í desember 2002 ákvað Selma að draga sig úr sviðsljósinu og vann þá helst við að aðstoða keppendur í Idol stjörnuleit með dansatriði.[16] Árið 2003 sneri hún svo aftur í Söngvakeppni evrópskra sjónvarpsstöðva þegar hún fylgdi Birgittu Haukdal til Ríga og sá um sviðshreyfingarnar á sviðinu. Íslenska lagið sem hét „Open Your Heart“ hafnaði í áttunda sæti með 81 stig og tryggði sá árangur að Ísland fengi að vera í aðalkeppninni árið eftir.[17]

Einkalíf

[breyta | breyta frumkóða]

Selma kynntist Rúnari Frey Gíslasyni árið 1998 þegar þau léku á móti hvort öðru í söngleiknum Grease. Rúnar hafði áður verið skólabróðir hennar í Verzlunarskólanum en þau höfðu aldrei kynnst vegna þess hann var árinu eldri. Selma og Rúnar giftu sig í janúar 2006. Þau eiga tvö börn saman[18][19]

Útgefið efni

[breyta | breyta frumkóða]

Breiðskífur

[breyta | breyta frumkóða]
Útgáfuár Plötuheiti Sæti Eintök Vottun
1999 I Am 1[20] 10.000[21] Platínuplata
2000 Life Won't Wait 4[22][23]
2002 Sögur af Sviðinu 3[24]
2006 Sögur af Konum 18
2010 Alla leið til Texas 13[25]

Smáskífur

[breyta | breyta frumkóða]
Útgáfuár Plötuheiti Sæti Eintök Vottun
1998 Nóttin 39
1998 Weekender 37
1998 All the Wrong People 26
1999 All Out of Luck 1 6.000[26] Gullplata
1999 Hitgirl 14
1999 I Am 16
2000 I Regret It 7
2000 Respect Yourself 18
2000 Every Little Thing 10
2005 If I Had Your Love 2[27]

Ferilskrá

[breyta | breyta frumkóða]

Leikkona

[breyta | breyta frumkóða]
Ár Leikrit Hlutverk Leikhús
1995 West Side Story Rósalía Þjóðleikhúsið
1995 Rocky Horror Picture Show Kólumbía Flugfélagið Loftur
1995 Áfram Latibær! Solla Stirða Flugfélagið Loftur
1996 Skari Skrípó Dapra Flugfélagið Loftur
1997 Hið Ljúfa Líf María Borgarleikhúsið
1998 Grease Sandí Borgarleikhúsið
1998 Ávaxtakarfan Graskerið Draumasmiðjan
1999 Litla hryllingsbúðin Tríó Borgarleikhúsið
2001 Sungið í rigningunni Kathy Selden Borgarleikhúsið
2002 Benedikt Búálfur Brynhildur álfadrottning Draumasmiðjan
2004 Hárið Sheila Franklin Menningarfélag alþýðunnar
2004 Grease Rizzo Borgarleikhúsið
2004 Rómeó og Júlía Frú Capulet Vesturportið
2005 Ávaxtakarfan Eva appelsína Austurbær
2006 Hafið bláa Skatan ógurlega Austurbær
2006 Footloose Iris Borgarleikhúsið
2010 Metamorphosis Grete Vesturportið

Leikstjóri

[breyta | breyta frumkóða]
Ár Leikrit Leikhús
2007 Gosi Borgarleikhúsið
2009 Kardemommubærinn Þjóðleikhúsið
2009 Grease Loftkastalinn
2009 Ólíver Þjóðleikhúsið
2012 Vesalingarnir Þjóðleikhúsið

Danshöfundur

[breyta | breyta frumkóða]
Ár Leikrit Leikhús
1994 Jesus Christ Superstar Verzlunarskóli Íslands
1995 The Wall Verzlunarskóli Íslands
1996 Cats Verzlunarskóli Íslands
1997 Saturday Night Fever Verzlunarskóli Íslands
1997 Að eilífu Hermóður og Háðvör
1998 Mambo Kings Verzlunarskóli Íslands
1999 Dirty Dancing Verzlunarskóli Íslands
1999 Baneitrað samband á Njálsgötunni Draumasmiðjan
2001 Töfraflautan Íslenska óperan
2002 Benedikt Búálfur Draumasmiðjan
2004 Hárið Menningarfélag alþýðunnar

Heimildir

[breyta | breyta frumkóða]
  1. ↑ (21. maí 2005), Selma og sönggenið, DV
  2. ↑ Gunnlaugur Árnason (5. júlí 1998), Þeir hæfustu lifa af, Morgunblaðið
  3. ↑ (4. maí 1996), Færslu á undan kennaranum, Morgunblaðið
  4. ↑ Ó
  5. ↑ (11. janúar 1999), Selma til Ísraels, DV
  6. ↑ Árni Sæberg (14. janúar 1999), Selma keppir fyrir Íslands hönd, Morgunblaðið
  7. ↑ (19. mars 1999), Brosað framan í heiminn, Dagur
  8. ↑ (27. mars 1999), Til Jerúsalem, Dagblaðið Vísir
  9. ↑ (22. maí 1999), Hverjir fara með Selmu?, DV
  10. ↑ (27. maí 1999), Selma í sjokki, DV
  11. ↑ (4. júní 1999), Íslenski listinn, Fókus
  12. ↑ (19. desember 1999), Stjarna Selmu skín skært, Morgunblaðið
  13. ↑ (1. júní 1999), Selma, Skinfaxi
  14. ↑ (18. mars 2000), Íslensku tónlistarverðlaunin, DV
  15. ↑ JKÁ (19. október 2002), Aldrei liðið betur, DV
  16. ↑ (21. maí 2005), Selma og sönggenið, DV
  17. ↑ Inga Rún Sigurðardóttir (24. maí 2003), Borgin breytist í Evróvisjónborg, Morgunblaðið
  18. ↑ Gifta sig um helgina Geymt 20 mars 2016 í Wayback Machine, Hér og Nú
  19. ↑ (6. júlí 2007), Ný kynslóð, sömu nöfn, Sirkus
  20. ↑ (26. nóvember 1999) Vel úti látnar kræsingar, Morgunblaðið
  21. ↑ (27. febrúar 1999), Plata Selmu sú sem seldist best hjá skífunni, Morgunblaðið
  22. ↑ (8. desember 2000), Selma snýr aftur!, Morgunblaðið
  23. ↑ Arnar Eggert Thoroddsen (15. desember 2000), Tónlistinn 49. vika, Morgunblaðið
  24. ↑ (2. nóvember 2002), Tónlistinn 43. vika 2002, Morgunblaðið
  25. ↑ Plötutíðindi 25.-28. nóvember
  26. ↑ (19. desember 1999), Stjarna Selmu skín skært, Morgunblaðið
  27. ↑ Netlistinn viku 14, 2005, Tónlistinn
Sótt frá „https://is.wikipedia.org/w/index.php?title=Selma_Björnsdóttir&oldid=1858612“