Vinir Sjonna

Úr Wikipediu, frjálsa alfræðiritinu
Jump to navigation Jump to search
Vinir Sjonna
Uppruni Fáni Íslands Reykjavík, Íslandi
Ár 2009-2011
Útgefandi Sena
Meðlimir
Núverandi Gunnar Ólason,
Vignir Snær Vigfússon,
Pálmi Sigurhjartarson,
Matthías Matthíasson,
Hreimur Örn Heimisson,
Benedikt Brynleifsson

Vinir Sjonna var strákaband sem flutti lagið Aftur heim í virðingarvotti við Sigurjón Brink (Sjonna). Meðlimir voru þekktir úr íslenskum hljómsveitum: Gunnar Ólason í Skítamóral, Vignir Snær Vigfússon var í Írafár, Pálmi Sigurhjartarson í Sniglabandinu, Matthías Matthíasson í Pöpunum, Hreimur Örn Heimisson í Landi og sonum og loks Benedikt Brynleifsson í Todmobile.

Vinir Sjonna hafa tvisvar sinnum tekið þátt í söngvakeppni sjónvarpsins. Í fyrsta skiptið fluttu þeir lagið Waterslide árið 2009 með Sjonna Brink. Nafnið Vinir Sjonna festist þó ekki við hópinn fyrr en tilkynnt var af ættingjum og vandamönnum Sigurjóns Brink að sex vinir hans myndu flytja lagið Aftur heim fyrir hans hönd árið 2011.[1] Lagið vann keppnina hér á landi og keppti í Söngvakeppni evrópskra sjónvarpstöðva í Dusseldorf, Þýskalandi í maí. Þar hafnaði það í 20. sæti.

Heimildir[breyta | breyta frumkóða]

Wiki letter w.svg  Þessi grein er stubbur. Þú getur hjálpað til með því að bæta við greinina.