Daði og Gagnamagnið

Daði og Gagnamagnið er synthpopphljómsveit sem Daði Freyr Pétursson fer fyrir. Hljómsveitin tók þátt í Söngvakeppni Sjónvarpsins árið 2017 með lagið "Hvað með það? og lenti í 2. sæti. Aftur reyndi hljómsveitin fyrir sér árið 2020 með lagið Gagnamagnið/(Think About Things) og sigraði keppnina og var ætlunin að halda út til Rotterdam sem fulltrúi Íslands í Söngvakeppni evrópskra sjónvarpsstöðva í maí 2020. Kórónaveirufaraldur 2019-2020 kom í veg fyrir það en Daði hlaut þó nokkurt fylgi í óformlegum kosningum og sigraði til að mynda í kosningum í Svíþjóð og Noregi. RÚV valdi hljómsveitina til að taka þátt í keppninni árið 2021 með lagið 10 Years. Hljómsveitin lenti í 4. sæti í aðalkeppninni.

Meðlimir

• Daði Freyr Pétursson (söngur og útsetning)
• Sigrún Birna Pétursdóttir (bakraddir)
• Hulda Kristín Kolbrúnardóttir (bakraddir)
• Árný Fjóla Ásmundsdóttir (dansari)
• Jóhann Sigurður Jóhannsson (dansari)

Fyrrum meðlimir

• Stefán Hannesson (dansari)

Útgefið efni

Stökur

• Hvað með það/Is this love? (2017)
• Gagnamagnið/Think About Things (2020)
• 10 Years (2021)