Kjörnir alþingismenn 2024
Í Alþingiskosningunum 30. nóvember 2024 náðu eftirfarandi þingmenn kjöri:
Nánar um kjörna alþingismenn
[breyta | breyta frumkóða]35 karlar náðu kjöri en 28 konur. Yngsti kjörni þingmaðurinn var Ingvar Þóroddsson en hann var 26 ára gamall. Elsti kjörni þingmaðurinn var Jónína Björk Óskarsdóttir en hún var 71 árs gömul.
Starfsaldursforseti nýkjörins þings var Þorgerður Katrín Gunnarsdóttir. 21 þingmenn voru nýliðar á móti 42 sem áður höfðu gegnt þingmennsku.
Mikil endurnýjun var á þingi í kosningunum en ríkisstjórnarflokkarnir misstu umtalsvert fylgi í kosningunum. Samfylkingin, Viðreisn, Flokkur fólksins og Miðflokkurinn bættu við sig umtalsverðu fylgi en Vinstri græn og Píratar þurrkuðust út af þingi í fyrsta skipti í sögu flokkanna.[1]
Nokkrir þingmenn sneru aftur á alþingi en það eru Karl Gauti Hjaltason, Sigríður Á. Andersen, Lilja Rafney Magnúsdóttir, Pawel Bartoszek og Sigurjón Þórðarson. Þá hafa nokkrir nýkjörnir þingmenn áður tekið sæti á þingi sem varaþingmenn.
Tveir fyrrverandi borgarstjórar Reykjavíkur náðu kjöri á þing þeir Jón Gnarr og Dagur B. Eggertsson í sitthvoru Reykjavíkurkjördæminu. Þá náðu Eiríkur Björn Björgvinsson fyrrverandi bæjarstjóri Akureyrar og Rósa Guðbjartsdóttir fráfarandi bæjarstjóri Hafnarfjarðar bæði kjöri í Suðvesturkjördæmi.[2]
Útstrikanir og breytingar áður en þing kom saman
[breyta | breyta frumkóða]- ^a Dagur B. Eggertsson var í 2. sæti framboðslista Samfylkingarinnar en var strikaður út eða færður neðar á lista á 1.453 atkvæðisseðlum og féll því niður um eitt sæti.
- ^b Í aðdraganda kosninga lýsti Þórður Snær Júlíusson því yfir að hann myndi ekki taka sæti á Alþingi vegna máls sem varðaði ósmekkleg gömul bloggskrif. Við það varð Dagur B. Eggertsson að fjórða þingmanni kjördæmisins, Dagbjört Hákonardóttir að áttunda þingmanni og Sigmundur Ernir Rúnarsson kom nýr inn á þing sem ellefti þingmaður þess.
- ^c Þann 6. janúar 2025 lýsti Bjarni Benediktsson því yfir að hann myndi hætta sem formaður Sjálfstæðisflokksins og ekki taka sæti á Alþingi. Við það verður Þórdís Kolbrún Reykfjörð Gylfadóttir að fyrsta þingmanni kjördæmisins, Bryndís Haraldsdóttir að fimmta og Rósa Guðbjartsdóttir að níunda. Jón Gunnarsson kemur þá inn á þing sem þrettándi þingmaður Suðvesturkjördæmis.
Breytingar á kjörtímabilinu
[breyta | breyta frumkóða]- ^d C → C - 16. janúar 2026. Guðbrandur Einarsson sagði af sér þingmennsku. Sandra Sigurðardóttir tók sæti hans.
- ^e F → X - 13. apríl 2026. Guðmundur Ingi Kristinsson saðgi skilið við Flokk fólksins og varð þingmaður utan flokka.
| Fyrir: Kjörnir alþingismenn 2021 |
Kjörnir alþingismenn | Eftir: Kjörnir alþingismenn 2028 |
Tilvísanir
[breyta | breyta frumkóða]- ↑ RÚV, Fréttastofa (1. desember 2024). „Lokatölur fleyttu Sigurði Inga inn á þing - RÚV.is“. RÚV. Sótt 1. desember 2024.
- ↑ Hverjir eru nýju þingmennirnir Rúv, sótt 1. desember, 2024