Þríeykið
Þríeykið er viðurnefni sem notað var af fjölmiðlum á Íslandi á tíma alþjóðlega kórónuveirufaraldursins yfir Ölmu Möller landlækni, Víði Reynisson yfirlögregluþjón almannavarnarsviðs og Þórólf Guðnason sóttvarnalækni.[1] Alma, Víðir og Þórólfur birtust reglulega saman á upplýsingafundum almannavarna á hápunkti faraldursins árin 2020 og 2021 og svöruðu fyrirspurnum um útbreiðslu Covid-19, sóttvarnaaðgerðir og bólusetningar. Þau urðu þjóðþekkt vegna upplýsingafundanna og urðu eins konar andlit viðbragða hins opinbera við faraldrinum.[2] Þríeykið naut töluverðra vinsælda á tíma faraldursins en varð einnig fyrir nokkurri gagnrýni, einkum af hálfu andstæðinga sóttvarnaaðgerða.[3]
Alma, Víðir og Þórólfur hlutu riddarakross Hinnar íslensku fálkaorðu þann 17. júní árið 2020 fyrir störf í þágu heilbrigðismála og framlag þeirra í baráttu við kórónuveirufaraldurinn.[4] „Þríeykið“ var valið annað af orðum ársins 2020 ásamt „sóttkví“ af Ríkisútvarpinu.[5] Meðlimir þríeykisins voru jafnframt saman valin manneskja ársins á Rás 2 árið 2020.[6]
Tilvísanir
[breyta | breyta frumkóða]- ↑ Gunnhildur Arna Gunnarsdóttir (2020). „Skilvirk, fókuseruð og með skýra sýn - viðtal við þríeykið“. Læknablaðið. Sótt 19. október 2024.
- ↑ Andri Yrkill Valsson (14. apríl 2020). „Þríeykið fastur liður á óvissutímum - en ekki í dag“. RÚV. Sótt 19. október 2024.
- ↑ „Víðir um þríeykið: „Við fögnum gagnrýni"“. Hringbraut. 13. apríl 2021. Sótt 19. október 2024.
- ↑ Bjarni Pétur Jónsson (17. júní 2020). „Þríeykið fékk fálkaorðuna“. RÚV. Sótt 19. október 2024.
- ↑ Anna Sigríður Þráinsdóttir (20. janúar 2021). „Þríeykið og sóttkví eru orð ársins 2020“. RÚV. Sótt 19. október 2024.
- ↑ „Þríeykið er manneskja ársins á Rás 2“. Ríkisútvarpið. 3. janúar 2021. Sótt 25. júní 2024.