Sankti Lúsía

	Saint Lucia
Fáni	Skjaldarmerki
	Kjörorð:; The Land, The People, The Light
	Þjóðsöngur:; Sons and Daughters of Saint Lucia
Höfuðborg	Castries
Opinbert tungumál	enska
Stjórnarfar	Þingbundin konungsstjórn
Konungur	Karl 3.
Landstjóri	Cyril Errol Charles
Forsætisráðherra	Philip Pierre
Flatarmál; • Samtals; • Vatn (%)	176. sæti; 616,3 km²; 1,6
Mannfjöldi; • Samtals (2010); • Þéttleiki byggðar	175. sæti; 165.595; 269/km²
VLF (KMJ)	áætl. 2005
• Samtals	945 millj. dala (173. sæti)
• Á mann	5.350 dalir (101. sæti)
Gjaldmiðill	austkarabískur dollar (XCD)
Tímabelti	UTC-4
Þjóðarlén	.lc
Landsnúmer	+1-758

Sankti Lúsía eða Saint Lucia er sjálfstætt eyríki á frjósamri og hálendri eldfjallaeyju; í Litlu-Antillaeyjaklasanum á mörkum Karíbahafs og Atlantshafs. Ríkið sem telur 165.595 íbúa (2010), byggir á þingræðibundnu lýðræði en í konugssambandi við samveldið.

Landlýsing

Eyjan er 616 km² að stærð og er hluti af Windward eyjaklasanum í Karíbahafi. Eyjan er sunnan við Sankti Vinsent og Grenadíneyjar og norðan við Martinique. Sankti Lúsía hefur verið í Breska samveldinu frá 1979. Hún er frjósöm og hálend eldfjallaeyja; hæsti tindur: Gimie, 959 m. Á eyjunni er hitabeltisloftslag. Höfuðborgin er Castries.

Íbúar

Íbúar (2010) eru um 165.595. Íbúarnir eru aðallega af afrískum uppruna og Kaþólska kirkjan er ríkjandi trú, en þar er einnig stór hópur mótmælenda. Enska er opinbert tungumál, en Kwéyòl, franskur Creole, er einnig víða töluð, og margir eyjaskeggjar tala einnig frönsku eða spænsku.

Saga

Kristófer Kólumbus hefur líklega séð til eyjarinnar árið 1502. Bretum mistókst í fyrstu tilraun þeirra að nýlenduvæða eyjuna upphafi 17. aldar. Eyjan var síðar byggð af frökkum sem gerðu samning við eyjaskeggja árið 1660. Bretar og Frakkar deildu um Sankti Lúsíu en því lauk með því að bretar tryggðu sér völd árið 1814. Eyjan varð þá hluti af nýlendum Bretlands á Kulborðseyjum. Þegar nýlendan var leyst upp árið 1958-62 varð Sankti Lúsía hluti af Sambandsríki Vestur-Indía. Árið 1967 fékk Sankti Lúsía nokkurt sjálfstæði sem eitt af sex ríkjum í Sambandsríki Vestur-Indía. Þann 22. febrúar árið 1979 hlaut Sankti Lúsía fullt sjálfstæði og er það þjóðhátíðardagur eyjarinnar.

Hagkerfi

Hagkerfi byggir að miklu leyti á útflutningi landbúnaðarafurða (banana, kakó og annarra landbúnaðarvara úr hitabeltinu) og ferðaþjónusta. Sankti Lúsía hefur laða að erlenda fjárfestingu einkum í bankastarfsemi og létts iðnaðar, olíuhreinsunar og flutninga. Bandaríkin og Frakkland eru helstu viðskiptaríki.

Stjórnarfar

Samkvæmt stjórnarskrá landsins frá 1979 er landið er þingræðibundið lýðræði. Á þjóðþinginu eru tvær deildir: öldungadeild með 11 þingsæti og Neðri deild (House of Assembly) með 17 sæti. Forsætisráðherra leiðir ríkisstjórnina. Sankti Lúsía er í Breska Samveldinu og hefur því þjóðhöfðingja samkvæmt konungssambandi við Stóra-Bretland og Norður Írland.

Sankti Lúsía hefur alið flesta nóbelsverðlaunahafa miðað við höfðatölu. Það eru þeir Sir Arthur Lewis sem fékk nóbelsverðlaun í hagfræði 1979, og Derek Walcott sem fékk nóbelsverðlaunin í bókmenntum 1992. Þeir eru báðir fæddir 23. janúar, en ekki sama ár.

Ytri tenglar

Opinber vefur Sankti Lúsía ríkis
Þjóðsöngur Sankti Lúsíu
Vefur með tenglum í Sankti Lúsía Geymt 10 janúar 2010 í Wayback Machine
Upplýsingavefur Leyniþjónustu Bandaríkjanna: Um ríkisstjórn Sankti Lúsía Geymt 26 október 2009 í Wayback Machine
Upplýsingavefur Leyniþjónustu Bandaríkjanna (CIA World Factbook) um Sankti Lúsíu Geymt 30 janúar 2016 í Wayback Machine
Vefur Verslunarráðs Sankti Lúsíu^{[óvirkur tengill]}
Yfirlit yfir helstu fasteignasölur Sankti Lúsíu Geymt 27 október 2009 í Wayback Machine