Arúba

Aruba
Fáni	Skjaldarmerki
Kjörorð: „ekkert“
Þjóðsöngur: Aruba Dushi Tera
Höfuðborg	Oranjestad
Opinbert tungumál	hollenska og papiamento
Stjórnarfar Konungur Landstjóri Forsætisráðherra	þingbundin konungsstjórn Vilhjálmur Alexander Fredis Refunjol Mike Eman
Hollenskt sjálfstjórnarsvæði
- frá Hollensku Antillaeyjum	1. janúar 1986
Flatarmál  - Samtals  - Vatn (%)	ótilgr. sæti 180 km² nær ekkert
Mannfjöldi  - Samtals (2010)  - Þéttleiki byggðar	197. sæti 102.484 567/km²
VLF (KMJ) - Samtals - á mann	áætl. 2007 2,400 millj. dala (187. sæti) 23.831 dalir (32. sæti)
Gjaldmiðill	arúbönsk flórína (AWG)
Tímabelti	UTC-4
Þjóðarlén	.aw
Landsnúmer	297

Arúba er eyja í Karíbahafi, aðeins 25 km norðan við Paraguaná-skaga í Venesúela. Eyjan er hluti af Konungsríkinu Hollandi sem skildi sig frá Hollensku Antillaeyjum árið 1986. Loftslag á eyjunni er þurrt, ólíkt öðrum eyjum í Karíbahafi, sem hefur gert hana að vinsælum ferðamannastað. Ferðaþjónusta stendur undir þremur fjórðu hlutum landsframleiðslu Arúba en aðrar mikilvægar undirstöður undir efnahagslíf eyjarinnar eru gull- og fosfatnámur og olíuhreinsun.

Eyjan er 33 km að lengd, að mestu flöt og laus við ár og vötn. Hvítar sandstrendur er að finna á suður- og vesturströnd eyjarinnar þar sem skjól er fyrir hafstraumum. Austan megin við Arúba eru eyjarnar Bonaire og Curaçao sem mynda suðvesturhluta Hollensku Antillaeyja.

Upphaflegir íbúar Arúba voru caquetio-mælandi Aravakindíánar. Spánverjar lögðu eyjuna undir sig um 1500 en Hollendingar unnu hana af þeim árið 1636. Árið 1928 var olíuhreinsistöð opnuð á eyjunni sem jók velmegun og ýtti undir kröfur um sjálfstæði. Í þjóðaratkvæðagreiðslu árið 1977 reyndust yfir 80% íbúa vera fylgjandi sjálfstæði og í kjölfarið hófust samningaviðræður við Holland. Árið 1990 var sjálfstæðisferlinu frestað um óákveðinn tíma.

Héruð

Arúba skiptist í átta héruð sem eru ekki stjórnsýslueiningar heldur aðeins til að auðvelda söfnun tölfræðiupplýsinga.

Heiti	Flatarmál (km²)	Íbúar Manntal 1991	Íbúar Manntal 2000	Íbúar Manntal 2010
Noord / Tanki Leendert	34,62	10.056	16.944	21.495
Oranjestad West	9,29	8.779	12.131	13.976
Oranjestad Oost	12,88	11.266	14.224	14.318
Paradera	20,49	6.189	9.037	12.024
San Nicolas Noord	23,19	8.206	10.118	10.433
San Nicolas Zuid	9,64	5.304	5.730	4.850
Santa Cruz	41,04	9.587	12.326	12.870
Savaneta	27,76	7.273	9.996	11.518
Arúba alls	178,91	66.687	90.506	101.484

  Þessi landafræðigrein er stubbur. Þú getur hjálpað til með því að bæta við greinina.