Jamaíka

Jamaica
Fáni	Skjaldarmerki
Kjörorð: Out of Many One People
Þjóðsöngur: Jamaica, Land We Love
Höfuðborg	Kingston
Opinbert tungumál	enska
Stjórnarfar	Þingbundin konungsstjórn
Bretadrottning	Elísabet 2.
Landstjóri	Patrick Allen
Forsætisráðherra	Andrew Holness
Sjálfstæði	frá Bretlandi
• Veitt	6. ágúst 1962
Flatarmál  • Samtals  • Vatn (%)	160. sæti 10.991 km² 1,5
Mannfjöldi  • Samtals (2018)  • Þéttleiki byggðar	141. sæti 2.726.667 266/km²
VLF (KMJ)	áætl. 2018
• Samtals	26,981 millj. dala (134. sæti)
• Á mann	9.434 dalir (109. sæti)
VÞL (2019)	0.734 (101. sæti)
Gjaldmiðill	jamaískur dalur
Tímabelti	UTC-5
Þjóðarlén	.jm
Landsnúmer	+1-876

Jamaíka er eyríki í Karíbahafi, 150 kílómetra sunnan við Kúbu og 280 kílómetra vestan við eyjuna Hispaníólu (Haítí og Dóminíska lýðveldið). Eyjan er 240 km að lengd og 80 kílómetrar að breidd. Áður var hún spænsk nýlenda sem nefndist Santiago þar til Bretar hertóku hana árið 1655. Íbúar eyjarinnar eru flestir afkomendur afrískra þræla sem voru fluttir þangað til að vinna á sykurplantekrum. Árið 1958 varð hún hluti af Sambandsríki Vestur-Indía en lýsti yfir sjálfstæði árið 1962.

Íbúar Jamaíka eru tæplega þrjár milljónir og landið er því þriðja fjölmennasta enskumælandi landið í Ameríku, á eftir Bandaríkjunum og Kanada. Höfuðborg ríkisins er Kingston með tæplega milljón íbúa. Vegna mikils brottflutnings búa stórir hópar fólks sem er upprunnið á Jamaíku í löndum eins og Bandaríkjunum, Bretlandi, Kanada og öðrum Mið-Ameríkuríkjum. Langflestir íbúar Jamaíku eru kristnir og margir tilheyra nýtrúarhreyfingum. Rastafaratrú er upprunnin á Jamaíku.

Jamaíka er hluti af Breska samveldinu og Elísabet 2. er þjóðhöfðingi landsins.

Sóknir

Jamaíka skiptist í fjórtán sóknir í þremur sögulegum sýslum sem hafa enga stjórnsýslulega þýðingu.

Cornwall-sýsla		Höfuðstaður	km2	Middlesex-sýsla		Höfuðstaður	km2	Surrey-sýsla		Höfuðstaður	km2
1	Hanover	Lucea	450	6	Clarendon	May Pen	1.196	11	Kingston	Kingston	25
2	Saint Elizabeth	Black River	1,212	7	Manchester	Mandeville	830	12	Portland	Port Antonio	814
3	Saint James	Montego Bay	595	8	Saint Ann	St. Ann's Bay	1.213	13	Saint Andrew	Half Way Tree	453
4	Trelawny	Falmouth	875	9	Saint Catherine	Spanish Town	1.192	14	Saint Thomas	Morant Bay	743
5	Westmoreland	Savanna-la-Mar	807	10	Saint Mary	Port Maria	611

Tenglar

  Þessi landafræðigrein er stubbur. Þú getur hjálpað til með því að bæta við greinina.