Lóður
Lóður er einn ása í norrænni goðafræði.
Í Völuspá birtist Lóður ásamt Óðni og Hæni sem einn af sköpurum mannanna. Þar er kveðið á um að Lóður hafi gefið mönnunum (Askur og Embla) „lá“.[1] Óvíst er hver merking þessa orðs er í þessu samhengi en líklega er átt við að Lóður hafi gefið mönnunum líf. Aðrar frásagnir af sköpun fyrstu mannanna í norrænum kveðskap nefna bræður Óðins, Vilja og Vé í þessu samhengi fremur en Hæni og Lóð og má því vera að Lóðurr sé annað nafn á Vé.
Uppi eru nokkrar kenningar um að Loki og Lóður séu sama persónan vegna hljóðlíkingar, eða að Lóður sé kenning fyrir Frey,[2] en engin eining er um það.
Tilvísanir[breyta | breyta frumkóða]
- ↑ Völuspá 18da erindi, Snerpa, sótt 4. desember 2023.
- ↑ Simek, Rudolf (2006). Lexikon der germanischen Mythologie. Kröners Taschenausgabe (3., völlig überarbeitete Aufl. útgáfa). Stuttgart: Alfred Kröner. ISBN 978-3-520-36803-4.
