Álfheimur

Úr Wikipediu, frjálsa alfræðiritinu
Jump to navigation Jump to search
Álfar úti á engi, málverk eftir Nils Blommér, 1850.

Álfheimur í norrænni goðafræði er sá staður þar sem Ljósálfar búa. Snorra-Edda talar um að tvenns konar álfar finnist í forn norrænni heimsmynd, Ljósálfar og Dökkálfar. Dökkálfar búa í jörðu og eru ólíkir Ljósálfum í útliti og hafa enn ólíkara innræti. Ljósálfar eru fegri en sólin sýnum og hafa göfugt innræti, Dökkálfar eru svartir sem bik en innræti þeirra óþekkt.