Söngvakeppni evrópskra sjónvarpsstöðva 1957

Söngvakeppni evrópskra sjónvarpsstöðva 1957
Dagsetningar
Úrslit	3. mars 1957
Umsjón
Staður	Frankfurt, Vestur-Þýskaland
Kynnar	Anaïd Iplicjian
Sjónvarpsstöð	HR/ARD
Vefsíða	eurovision.tv/event/frankfurt-1957
Þátttakendur
Fjöldi þátttakenda	10
Frumraun landa	Austurríki Danmörk Bretland
Þátttakendur á korti   Lönd sem taka þátt

Söngvakeppni evrópskra sjónvarpsstöðva 1957 var önnur söngvakeppni evrópskra sjónvarpsstöðva. Hún var haldin sunnudaginn 3. mars 1957 í Frankfurt, Vestur-Þýskalandi. Holland vann keppnina með laginu „Net als toen“ sem sungið var af Corry Brokken. Líkt og ári áður var keppnin að mestu leyti útvarpsþáttur en mun fleiri horfðu þó á hana í sjónvarpi þetta ár en árinu áður.

Lengi voru uppi sögusagnir um að Þýskaland hafi fengið að halda keppnina vegna þess að það lenti í öðru sæti árið 1956 með laginu „Im Wartesaal zum großen Glück“ með Walter Andreas Schwarz. Raunin var þó sú að úrslit annarra laga en sigurlagsins voru aldrei kunngjörð árið 1956 og að reglan um að sigurlandið héldi keppnina ári seinna var ekki komin til svona snemma. Á þessum árum áttu löndin sem kepptu að skiptast á að halda keppnina, sama hver útkoman væri. Vegna þess hve keppnislöndum fjölgaði hratt var þó hætt við þá reglu.

Staðsetning

Keppnin fór fram í Großer Sendesaal des Hessischen Runfunks tónlistarhöllinni í Frankfurt, einni af stærstu borgum Vestur-Þýskalands. Rúmum áratug eftir lok seinni heimstyrjaldarinnar hafði Frankfurt náð að endurbyggja sig á örskömmum tíma, en borgin kom mjög illa út úr stríðinu.

Fyrirkomulag

Í söngvakeppni evrópskra sjónvarpsstöðva 1957 var lengsta lag keppninnar, hið ítalska, 5 mínútur og 9 sekúndur en það breska aðeins 1 mínúta og 52 sekúndur. Það var vegna slíkra laga sem reglan um að lög mættu ekki vera lengri en þrjár mínútur var sett. Sú regla er enn í gildi.

Aðrar breytingar frá fyrra ári voru þær að nú máttu dúettar taka þátt en ekki aðeins einleikarar. Fyrsti dúettinn í sögu söngvakeppninnar voru dönsku keppendurnir 1957, Birthe Wilke og Gustav Winckler. Í lok danska atriðisins mátti einnig sjá lengsta koss í sögu keppninnar. Ástæða þessa langa kossar var sá að manneskjan sem átti að gefa merki til dúettsins um að hætta kossinum gleymdi sér.

Söngvakeppnin 1957 var fyrsta keppnin þar sem hringt var í dómnefndirnar úr símum. Eins var þetta fyrsta keppnin sem Holland vann. Önnur, og mikilvæg breyting, var sú að nú máttu dómnefndir landanna ekki kjósa sitt eigið land. Það er regla sem haldist hefur allt til dagsins í dag.

Þátttakendur

Belgía, Frakkland, Holland, Ítalía, Lúxemborg, Sviss og Þýskaland tóku öll þátt í annað skiptið í kjölfar frumþátttöku þeirra árið áður. Austurríki og Danmörk kepptu í fyrsta skiptið en vildu þó fá að taka þátt árið 1956 en höfðu verið of sein að skila inn lagi í keppnina og þar með misstu þau þátttökuréttinn. Bretland keppti einnig í fyrsta skiptið og þar með urðu þátttökulöndin tíu talsins.

Tveir þátttakendur keppninnar 1957 höfðu einnig keppt árinu áður. Það voru Corry Brokken fyrir Holland og Lys Assia fyrir Sviss.

Hljómsveitarstjórnendur

Belgía - Willy Berking

Lúxemborg - Willy Berking

Bretland - Eric Robinson

Ítalía - Armando Trovajoli

Austurríki - Carl de Groof

Holland - Dolf van der Linden

Þýskaland - Willy Berking

Frakkland - Paul Durand

Danmörk - Kai Mortensen

Sviss - Willy Berking

Úrslit

	Land	Lag	Íslensk þýðing	Flytjandi	Tugumál	Sæti	Stig
1	Belgía	Straatdeuntje	Götulag	Bobbejaan Schoepen	Hollenska	9	5
2	Lúxemborg	Amours mortes (tant de peine)	Dauð ást (svo mikil sorg)	Danièle Dupré	Franska	5	8
3	Bretland	All	Allt	Patricia Bredin	Enska	7	6
4	Ítalía	Corde della mia chitarra	Gítarstrengirnir mínir	Nunzio Gallo	Ítalska	6	7
5	Austuríki	Wohin, kleines Pony?	Hvar, litli hestur?	Bob Martin	Þýska	10	3
6	Holland	Net als toen	Eins og þá	Corry Brokken	Hollenska	1	31
7	Þýskaland	Telefon, Telefon	Sími, sími	Margot Hielscher	Þýska	4	8
8	Frakkland	La belle amour	Falleg ást	Paule Desjardins	Franska	2	17
9	Danmörk	Skibet skal sejle i nat	Skipið siglir í nótt	Birthe Wilke & Gustav Winckler	Danska	3	10
10	Sviss	L'enfant que j'étais	Barnið sem ég var	Lys Assia	Franska	8	5

Stigatafla

		Úrslit dómnefndar
	Belgía	5							2		2	1
	Lúxemborg	8			1	4	3
	Bretland	6	1	1			1	1				2
	Ítalía	7	1	1	2			2			1
	Austurríki	3			2			1
	Holland	31	5	3	1	1	6		1	4	3	7
	Þýskaland	8	1			1				6
	Frakkland	17	2	4	2			1	6		2
	Danmörk	10			2	3		5
	Sviss	5		1		1			1		2