Söngvakeppni evrópskra sjónvarpsstöðva 1959

Úr Wikipediu, frjálsa alfræðiritinu
Stökkva á: flakk, leita
Söngvakeppni evrópskra sjónvarpsstöðva 1959
Úrslit 11. mars 1959
Kynnar Jacqueline Joubert
Sjónvarpsstöð Fáni Frakklands Radiodiffusion-Télévision Française RTF
Staður Palais des Festivals et des Congrès í Cannes í Frakklandi
Sigurlag Fáni Holland „Een beetje“
Fjöldi ríkja 10
Frumþátttaka Fáni Mónakó
Endurkomur Fáni Bretlands Bretland
Lönd sem ekki taka þátt Fáni Lúxemborg
1958  Wiki Eurovision Heart (Infobox).svg  1960

Söngvakeppni evrópskra sjónvarpsstöðva 1959 var fjórða söngvakeppni evrópskra sjónvarpsstöðva. Hún var haldin miðvikudaginn 11. mars 1959 í Cannes í Frakklandi eftir að landið hafði unnið keppnina árið 1958. Holland vann keppnina 1959 með laginu „Een beetje“ sem flutt var af Teddy Scholten. Þetta var í annað skipti sem landið vann keppnina og í fyrsta skipti sem land vann í annað sinn í keppninni. Auk þess var höfundur texta sigurlagsins, Willy van Hemert, höfundur fyrra sigurlags Hollands „Net als toen“ , sem vann keppnina árið 1957. Willy var fyrsta manneskjan til að vinna söngvakeppni evrópskra sjónvarpsstöðva tvisvar.

Staðsetning[breyta | breyta frumkóða]

Söngvakeppnin fór að þessu sinni fram í Palais des Festivals et des Congrès höllinni í Cannes í Frakklandi eftir að Frakkland öðlaðist réttinn til að halda keppnina í kjölfar þess að vinna keppnina 1958 með laginu „Dors, mon amour“ sem flutt var af André Claveau. Cannes er staðsett á frönsku rivíerunni og hefur lengi verið vinsæll ferðamannastaður og er heimsfræg fyrir kvikmyndahátið sem er haldin þar ár hvert. Palais des Festivals et des Congrès var byggt 1949 og hefur oft hýst kvikmyndahátíðina frægu.

Fyrirkomulag[breyta | breyta frumkóða]

Þetta ár tók ný regla í gildi sem gerði það að verkum að engir þekktir lagahöfundar eða útgefendur máttu taka sæti í dómnefndum landanna.

Annað og þriðja sæti fengu að flytja lag sitt aftur í lok keppninnar líkt og sigurlagið.

Þátttakendur[breyta | breyta frumkóða]

Lúxemborg dróg sig úr keppni og keppti ekki í fyrsta skiptið í sögu söngvakeppninnar. Bretland kom til baka eftir að hafa misst af keppni fyrra árs og lenti í fyrsta sinn í öðru sæti. Landið átti eftir að lenda í öðru sæti í fjórtán skipti í viðbót. Mónakó tók þátt í keppninni í fyrsta skiptið, en lenti í síðasta sæti.

Tveir fyrrum keppendur tóku aftur þátt í keppninni 1959. Það voru Birthe Wilke fyrir Danmörku (áður 1957) og Domenico Modugno fyrir Ítalíu (áður 1958).

Hljómsveitarstjórnendur[breyta | breyta frumkóða]

Fáni Frakklands Frakkland - Franck Pourcel

Fáni Danmerkur Danmörk - Kai Mortensen

Fáni Ítalíu Ítalía - William Galassini

Fáni Mónakó - Franck Pourcel

Fáni Holland - Dolf van der Linden

Fáni Þýskalands Þýskaland - Franck Pourcel

Fáni Sviþjóðar Svíþjóð - Franck Pourcel

Fáni Austuríkis Austurríki - Franck Pourcel

Fáni Bretlands Bretland - Eric Robinson

Fáni Belgíu Belgía - Francis Bay

Úrslit[breyta | breyta frumkóða]

Röð Land Flytjandi Lag Tungumál Sæti Stig
1 Fáni Frakklands Frakkland Jean Philippe „Oui, oui, oui, oui“ franska 3 15
2 Fáni Danmerkur Danmörk Birthe Wilke „Uh, jeg ville ønske jeg var dig“ danska 5 12
3 Fáni Ítalíu Ítalía Domenico Modugno „Piove (Ciao, ciao bambina)“ ítalska 6 9
4 Fáni Mónakó Jacques Pills „Mon ami Pierrot“ franska 11 1
5 Fáni Holland Teddy Scholten „Een beetje“ hollenska 1 21
6 Fáni Þýskalands Þýskaland Alice & Ellen Kessler „Heute Abend wollen wir tanzen geh'n“ þýska 8 5
7 Fáni Sviþjóðar Svíþjóð Brita Borg „Augustin“ sænska 9 4
8 Fáni Sviss Sviss Christa Williams „Irgendwoher“ þýska 4 14
9 Fáni Austuríkis Austurríki Ferry Graf „Der K und K Kalypso aus Wien“ þýska 9 4
10 Fáni Bretlands Bretland Pearl Carr & Teddy Johnson „Sing, Little Birdie“ enska 2 16
11 Fáni Belgíu Belgía Bob Benny „Hou toch van mij“ hollenska 6 9