Heimsmeistaramót landsliða í knattspyrnu karla 1998

Úr Wikipediu, frjálsa alfræðiritinu
Jump to navigation Jump to search

Heimsmeistaramót landsliða í knattspyrnu karla 1998 var í 16. sinn sem mótið var haldið. Keppni fór fram í Frakklandi 10. júní til 12. júlí, en áður höfðu Frakkar haldið mótið árið 1938. Þátttökuliðum var fjölgað úr 24 í 32 í fyrsta sinn. Alls voru leiknir 64 leikir á mótinu sem fram fóru í tíu borgum.

Heimamenn Frakka urðu heimsmeistarar eftir 3:0 sigur á Brasilíu í úrslitum. Þetta var í sjötta sinn sem keppnin vannst á heimavelli.

Val á gestgjöfum[breyta | breyta frumkóða]

HM 1998 var úthlutað á fundi FIFA árið 1992. Svisslendingar hugðust sækjast eftir keppninni, en þurftu að draga sig til baka þar sem boð þeirra uppfyllti ekki kröfur alþjóðaknattspyrnusambandsins. Valið stóð því á milli Frakklands og Marokkó. Frakkar hlutu tólf atkvæði á móti sjö atkvæðum Norður-Afríkubúanna. Síðar komu fram ásakanir um að Marokkóstjórn hefði reynt að beita mútum til að hafa áhrif á valið.

Þátttökulið[breyta | breyta frumkóða]

24 þjóðir mættu til leiks frá fimm heimsálfum. Króatía, Japan, Jamaíka og Suður-Afríka kepptu í fyrsta sinn til úrslita.

Keppnin[breyta | breyta frumkóða]

Riðlakeppnin[breyta | breyta frumkóða]

Keppt var í átta riðlum, hverjum með fjórum keppnisliðum. Tvö efstu liðin fóru í 16-liða úrslit.

Riðill 1[breyta | breyta frumkóða]

Heimsmeistarar Brasilíumanna lentu í nokkru basli í riðlakeppninni. Þeir unnu nauman sigur á Skotum í opnunarleik mótsins, 2:1 og tryggðu sér sæti í næstu umferð með stórsigri á Marókkó. Afríska liðið vann 3:0 sigur á Skotum í lokaleiknum og virtist öruggt um að komast áfram, en tvö mörk Norðmanna gegn Brasilíu undir lokin tryggðu þeim sigur, 2:1. Norðmenn hafa aldrei tapað fyrir Brasilíu í landsleik karla í knattspyrnu.

Sæti Lið L U J T Sk Fe M.munur Stig
1 Flag of Brazil.svg Brasilía 3 2 0 1 6 3 +3 6
2 Flag of Norway.svg Noregur 3 1 2 0 5 4 +1 5
3 Flag of Morocco.svg Marokkó 3 1 1 1 5 5 0 4
4 Flag of Scotland.svg Skotland 3 0 1 2 2 6 -4 1

10. júní - Stade de France, Saint-Denis

  • Flag of Brazil.svg Brasilía 2 : 1 Flag of Scotland.svg Skotland

10. júní - Stade de la Mosson, Montpellier

  • Flag of Morocco.svg Marokkó 2 : 2 Flag of Norway.svg Noregur

16. júní - Parc Lescure, Bordeaux

  • Flag of Scotland.svg Skotland 1 : 1 Flag of Norway.svg Noregur

16. júní - Stade de la Beaujoire, Nantes

  • Flag of Brazil.svg Brasilía 3 : 0 Flag of Morocco.svg Marokkó

23. júní - Stade Vélodrome, Marseille

  • Flag of Brazil.svg Brasilía 1 : 2 Flag of Norway.svg Noregur

23. júní - Stade Geoffroy-Guichard, Saint-Étienne

  • Flag of Scotland.svg Skotland 0 : 3 Flag of Morocco.svg Marokkó

Riðill 2[breyta | breyta frumkóða]

Austurríkismenn skoruðu tvívegis í uppbótartíma, í jafnteflisleikjum gegn Kamerún og Síle. Það dugði liðinu þó ekki til að komast upp úr riðlinum. Ítalir tóku efsta sætið en Síle fylgdi þar á eftir.

Sæti Lið L U J T Sk Fe M.munur Stig
1 Flag of Italy.svg Ítalía 3 2 1 0 7 3 +4 7
2 Flag of Chile.svg Síle 3 0 3 0 4 4 0 3
3 Flag of Austria.svg Austurríki 3 0 2 1 3 4 -1 2
4 Flag of Cameroon.svg Kamerún 3 0 2 1 2 5 -3 2

11. júní - Parc Lescure, Bordeaux

  • Flag of Italy.svg Ítalía 2 : 2 Flag of Chile.svg Síle

11. júní - Stade de Toulouse, Toulouse

  • Flag of Cameroon.svg Kamerún 1 : 1 Flag of Austria.svg Austurríki

17. júní - Stade Geoffroy-Guichard, Saint-Étienne

  • Flag of Chile.svg Síle 1 : 1 Flag of Austria.svg Austurríki

17. júní - Stade de la Mosson, Montpellier

  • Flag of Italy.svg Ítalía 3 : 0 Flag of Cameroon.svg Kamerún

23. júní - Stade de France, Saint-Denis

  • Flag of Italy.svg Ítalía 2 : 1 Flag of Austria.svg Austurríki

23. júní - Stade de la Beaujoire, Nantes

  • Flag of Chile.svg Síle 1 : 1 Flag of Cameroon.svg Kamerún

Riðill 3[breyta | breyta frumkóða]

Heimamenn Frakka unnu alla þrjá leiki sína. Suður-Afríkumenn áttu kost á að komast áfram með stórsigri á Sádi-Arabíu í lokaleiknum en náðu aðeins jafntefli og Danir fóru í 16-liða úrslitin.

Sæti Lið L U J T Sk Fe M.munur Stig
1 Flag of France.svg Frakkland 3 3 0 0 9 1 +8 9
2 Flag of Denmark.svg Danmörk 3 1 1 1 3 3 0 4
3 Flag of South Africa.svg Suður-Afríka 3 0 2 1 3 6 -3 2
4 Flag of Saudi Arabia.svg Sádi-Arabía 3 0 1 2 2 7 -5 1

12. júní - Stade Félix-Bollaert, Lens

  • Flag of Saudi Arabia.svg Sádi-Arabía 0 : 1 Flag of Denmark.svg Danmörk

12. júní - Stade Vélodrome, Marseille

  • Flag of France.svg Frakkland 3 : 0 Flag of South Africa.svg Suður-Afríka

18. júní - Stade de Toulouse, Toulouse

  • Flag of South Africa.svg Suður-Afríka 1 : 1 Flag of Denmark.svg Danmörk

18. júní - Stade de France, Saint-Denis

  • Flag of France.svg Frakkland 4 : 0 Flag of Saudi Arabia.svg Sádi-Arabía

24. júní - Stade de Gerland, Lyon

  • Flag of France.svg Frakkland 2 : 1 Flag of Denmark.svg Danmörk

24. júní - Parc Lescure, Bordeaux

  • Flag of South Africa.svg Suður-Afríka 2 : 2 Flag of Saudi Arabia.svg Sádi-Arabía

Riðill 4[breyta | breyta frumkóða]

Spánverjar komust í tvígang yfir gegn Nígeríu en töpuðu að lokum 2:3. Það reyndist þeim dýrkeypt því markalaust jafntefli við Paragvæ kostaði liðið sæti í 16-liða úrslitum þrátt fyrir 6:1 stórsigur á lánlausum Búlögurm í lokaumferðinni. Nígeríumenn höfðu tryggt sér toppsætið fyrir síðasta leikinn og máttu því við tapi gegn Paragvæ sem einnig komst áfram.

Sæti Lið L U J T Sk Fe M.munur Stig
1 Flag of Nigeria.svg Nígería 3 2 0 1 5 5 0 6
2 Flag of Paraguay.svg Paragvæ 3 1 2 0 4 1 +2 5
3 Flag of Spain.svg Spánn 3 1 1 1 8 4 +4 4
4 Flag of Bulgaria.svg Búlgaría 3 0 1 2 1 7 -6 1

12. júní - Stade de la Mosson, Montpellier

  • Flag of Paraguay.svg Paragvæ 0 : 0 Flag of Bulgaria.svg Búlgaría

13. júní - Stade de la Beaujoire, Nantes

  • Flag of Spain.svg Spánn 2 : 3 Flag of Nigeria.svg Nígería

19. júní - Parc des Princes, Paris

  • Flag of Nigeria.svg Nígería 1 : 0 Flag of Bulgaria.svg Búlgaría

19. júní - Stade Geoffroy-Guichard, Saint-Étienne

  • Flag of Spain.svg Spánn 0 : 0 Flag of Paraguay.svg Paragvæ

24. júní - Stade de Toulouse, Toulouse

  • Flag of Nigeria.svg Nígería 1 : 3 Flag of Paraguay.svg Paragvæ

24. júní - Stade Félix-Bollaert, Lens

  • Flag of Spain.svg Spánn 6 : 1 Flag of Bulgaria.svg Búlgaría

Riðill 5[breyta | breyta frumkóða]

Belgar féllu taplausir úr keppni eftir þrjú jafntefli í 5. riðli. Holland og Mexíkó skiptu með sér toppsætunum með fimm stig hvort lið en Suður-Kórea rak lestina.

Sæti Lið L U J T Sk Fe M.munur Stig
1 Flag of Netherlands.svg Holland 3 1 2 0 7 2 +5 5
2 Flag of Mexico.svg Mexíkó 3 1 2 0 7 6 +2 5
3 Flag of Belgium.svg Belgía 3 0 3 0 3 3 0 3
4 Flag of South Korea.svg Suður-Kórea 3 0 1 2 2 9 -7 1

13. júní - Stade de Gerland, Lyon

  • Flag of South Korea.svg Suður-Kórea 1 : 3 Flag of Mexico.svg Mexíkó

13. júní - Stade de France, Saint-Denis

  • Flag of Netherlands.svg Holland 0 : 0 Flag of Belgium.svg Belgía

20. júní - Parc Lescure, Bordeaux

  • Flag of Belgium.svg Belgía 2 : 2 Flag of Mexico.svg Mexíkó

20. júní - Stade Vélodrome, Marseille

  • Flag of Netherlands.svg Holland 5 : 0 Flag of South Korea.svg Suður-Kórea

25. júní - Stade Geoffroy-Guichard, Saint-Étienne

  • Flag of Netherlands.svg Holland 2 : 2 Flag of Mexico.svg Mexíkó

26. júní - Parc des Princes, Paris

  • Flag of Belgium.svg Belgía 1 : 1 Flag of South Korea.svg Suður-Kórea

Riðill 6[breyta | breyta frumkóða]

Júgóslavar misstu niður tveggja marka forystu og gerðu jafntefli við Þjóðverja sem að lokum kostaði liðið toppsætið í 6. riðli. Íranir náðu þriðja sætinu eftir tilfinningaríkan sigur á Bandaríkjunum.

Sæti Lið L U J T Sk Fe M.munur Stig
1 Flag of Germany.svg Þýskaland 3 2 1 0 6 2 +4 7
2 Flag of Yugoslavia.svg Júgóslavía 3 2 1 0 4 2 +2 7
3 Flag of Iran.svg Íran 3 1 0 2 2 4 -2 3
4 Flag of United States.svg Bandaríkin 3 0 1 2 1 7 -6 0

14. júní - Stade Geoffroy-Guichard, Saint-Étienne

  • Flag of Yugoslavia.svg Júgóslavía 1 : 0 Flag of Iran.svg Íran

15. júní - Parc des Princes, Paris

  • Flag of Germany.svg Þýskaland 2 : 0 Flag of USA.svg Bandaríkin

21. júní - Stade Félix-Bollaert, Lens

  • Flag of Germany.svg Þýskaland 2 : 2 Flag of Yugoslavia.svg Júgóslavía

21. júní - Stade de Gerland, Lyon

  • Flag of USA.svg Bandaríkin 1 : 2 Flag of Iran.svg Íran

25. júní - Stade de la Beaujoire, Nantes

  • Flag of USA.svg Bandaríkin 0 : 1 Flag of Yugoslavia.svg Júgóslavía

25. júní - Stade de la Mosson, Montpellier

  • Flag of Germany.svg Þýskaland 2 : 0 Flag of Iran.svg Íran

Riðill 7[breyta | breyta frumkóða]

Búist var við því að Englendingar og Kólumbíumenn bitust um toppsætið í 7. riðli en Rúmenar lögðu báðar þessar þjóðir í fyrstu tveimur umferðunum og tryggðu sér toppsætið auðveldlega. England tók annað sætið eftir hreinan úrslitaleik gegn Kólumbíu, en Túnis rak lestina.

Sæti Lið L U J T Sk Fe M.munur Stig
1 Flag of Romania.svg Rúmenía 3 2 1 0 4 2 +2 7
2 Flag of England.svg England 3 2 0 1 5 2 +3 6
3 Flag of Colombia.svg Jamaíka 3 1 0 2 1 3 -2 3
4 Flag of Tunisia.svg Túnis 3 0 1 2 1 4 -3 1

15. júní - Stade Vélodrome, Marseille

  • Flag of England.svg England 2 : 0 Flag of Tunisia.svg Túnis

15. júní - Stade de Gerland, Lyon

  • Flag of Romania.svg Rúmenía 1 : 0 Flag of Colombia.svg Kólumbía

22. júní - Stade de la Mosson, Montpellier

  • Flag of Colombia.svg Kólumbía 1 : 0 Flag of Tunisia.svg Túnis

22. júní - Stade de Toulouse, Toulouse

  • Flag of Romania.svg Rúmenía 2 : 1 Flag of England.svg England

26. júní - Stade Félix-Bollaert, Lens

  • Flag of Colombia.svg Kólumbía 0 : 2 Flag of England.svg England

26. júní - Stade de France, Saint-Denis

  • Flag of Romania.svg Rúmenía 1 : 1 Flag of Tunisia.svg Túnis

Riðill 8[breyta | breyta frumkóða]

Áttundi riðill hafði að geyma þrjá af fjórum nýliðum heimsmeistaramótsins. Argentínumenn unnu alla sína leiki og Króatar fylgdu þeim áfram í 16-liða úrslitin.

Sæti Lið L U J T Sk Fe M.munur Stig
1 Flag of Argentina.svg Argentína 3 3 0 0 7 0 +7 9
2 Flag of Croatia.svg Króatía 3 2 0 1 4 2 +2 6
3 Flag of Jamaica.svg Jamaíka 3 1 0 2 3 9 -6 3
4 Flag of Japan.svg Japan 3 0 0 3 1 6 -3 0

14. júní - Stade de Toulouse, Toulouse

  • Flag of Argentina.svg Argentína 1 : 0 Flag of Japan.svg Japan

14. júní - Stade Félix-Bollaert, Lens

  • Flag of Jamaica.svg Jamaíka 1 : 3 Flag of Croatia.svg Króatía

20. júní - Stade de la Beaujoire, Nantes

  • Flag of Japan.svg Japan 0 : 1 Flag of Croatia.svg Króatía

21. júní - Parc des Princes, Paris

  • Flag of Argentina.svg Argentína 5 : 0 Flag of Jamaica.svg Jamaíka

26. júní - Parc Lescure, Bordeaux

  • Flag of Argentina.svg Argentína 1 : 0 Flag of Croatia.svg Króatía

26. júní - Stade de Gerland, Lyon

  • Flag of Japan.svg Japan 1 : 2 Flag of Jamaica.svg Jamaíka

Útsláttarkeppnin[breyta | breyta frumkóða]

Tvö efstu liðin úr hverjum forriðli fóru áfram í 16-liða úrslit sem leikin voru með útsláttarfyrirkomulagi.

16-liða úrslit[breyta | breyta frumkóða]

Frakkar þurftu framlengingu til að leggja Paragvæ að velli í 16-liða úrslitunum. Þjóðverjar komust í hann krappann á móti Mexíkó en tryggðu sér sigurinn með tveimur mörkum á síðasta stundarfjórðungnum. Edgar Davids tryggði Hollendingum sæti í næstu umferð með marki í uppbótartíma gegn Júgóslavíu. Mesta dramatíkin var þó í viðureign Englendinga og Argentínumanna þar sem David Beckham var rekinn af velli fyrir að slæma fæti til Diego Simeone áður en grípa þurfti til framlengingar og vítaspyrnukeppni.

27. júní - Stade Vélodrome, Marseille, áh. 55.000

27. júní - Parc des Princes, París, áh. 45.400

28. júní - Stade Félix-Bollaert, Lens, áh. 31.800

28. júní - Stade de France, Saint-Denis, áh. 77.000

29. júní - Stade de la Mosson, Montpellier, áh. 29.800

29. júní - Stade de Toulouse, Toulouse, áh. 33.500

30. júní - Parc Lescure, Bordeaux, áh. 31.800

30. júní - Stade Geoffroy-Guichard, Saint-Étienne, áh. 30.600

Fjórðungsúrslit[breyta | breyta frumkóða]

Líkt og á HM fjórum árum fyrr féllu Ítalir úr keppni eftir vítaspyrnukeppni. Brasilíumenn lentu í miklum vandræðum með spræka Dani og Króatar komu mjög á óvart með stórsigri á Þjóðverjum. Hollendingar komust í undanúrslitin með sigurmarki á lokamínútunni.

3. júlí - Stade de France, Saint-Denis, áh. 77.000

3. júlí - Stade de la Beaujoire, Nantes, áh. 35.500

4. júlí - Stade Vélodrome, Marseille, áh. 55.000

4. júlí - Stade de Gerland, Lyon, áh. 39.100

Undanúrslit[breyta | breyta frumkóða]

Patrick Kluivert jafnaði metin fyrir Hollendinga í blálokin á móti Brasilíu, en það kom fyrir lítið þar sem Suður-Ameríkumennirnir unnu í vítakeppni. Í hinni undanúrslitaviðureigninni virtist ævintýri Króata ætla að halda áfram þegar Davor Šuker kom þeim yfir en tvö mörk frá Lilian Thuram komu Frökkum í sinn fyrsta úrslitaleik í sögunni.

7. júlí - Stade Vélodrome, Marseille, áh. 54.000

8. júlí - Stade de France, Saint-Denis, áh. 76.000

Bronsleikur[breyta | breyta frumkóða]

Króatar mættu einbeittari til leiks í viðureigninni um þriðja sætið, staðráðnir í að vinna til verðlauna á sínu fyrsta heimsmeistaramóti. Þeir lögðu ekki minni áherslu á að koma Šuker á markalistann til að tryggja honum gullskóinn. Hvort tveggja tókst.

11. júlí - Parc des Princes, Paris, áh. 45.500

Úrslitaleikur[breyta | breyta frumkóða]

Í aðdraganda úrslitaleiksins hverfðust umræður manna um það hvort Ronaldo yrði með Brasilíumönnum. Í upphaflegri liðsuppstillingu var ekki gert ráð fyrir honum í byrjunarliði en því var þó breytt á síðustu stundu. Ronaldo virtist ekki sjálfum sér líkur í leiknum og kom lítið við sögu. Í kjölfarið fóru af stað háværar umræður um að hann hefði ekki verið leikfær en engu að síður látinn spila að kröfu styrktaraðilans Nike. Hvað sem því líður virtust Brasilíumenn illa tilbúnir í verkefnið og Zidane skoraði tvívegis í fyrri hálfleik. Emmanuel Petit gulltryggði sigurinn undi lokin, 3:0 og Frakkar fögnuðu sínum fyrsta heimsmeistaratitli í sögunni. Nokkrum dögum eftir sigurinn tilkynnti þjálfarinn Aimé Jacquet að hann hefði látið af störfum.

12. júlí - Stade de France, Saint-Denis, áh. 75.000

Markahæstu leikmenn[breyta | breyta frumkóða]

Davor Šuker hreppti gullskó FIFA með sex mörk skoruð. Alls skiptu 112 leikmenn á milli sín 171 marki.

6 mörk
5 mörk
4 mörk