Sveitarfélagið Hornafjörður
Sveitarfélagið Hornafjörður | |
|---|---|
 Jökulsárlón í Vatnajökulsþjóðgarði | |
 Skjaldarmerki | |
 Staðsetning Sveitarfélagsins Hornafjarðar | |
| Hnit: 64°15′14″N 15°12′43″V / 64.254°N 15.212°V | |
| Land | Ísland |
| Kjördæmi | Suðurkjördæmi |
| Þéttbýliskjarnar | |
| Stjórnarfar | |
| • Bæjarstjóri | Sigurjón Andrésson |
| Flatarmál | |
| • Samtals | 6.309 km2 |
| • Sæti | 4. sæti |
| Mannfjöldi (2025) | |
| • Samtals | 2.589 |
| • Sæti | 21. sæti |
| • Þéttleiki | 0,41/km2 |
| Póstnúmer | 780 |
| Sveitarfélagsnúmer | 8401 |
| Vefsíða | hornafjordur |
Hornafjörður er sveitarfélag á Suðausturlandi. Sveitarfélagið varð til 6. júní 1998 við sameiningu allra sveitarfélaga Austur-Skaftafellssýslu: Hornafjarðarbæjar, Bæjarhrepps, Borgarhafnarhrepps og Hofshrepps.
Stjórnmál
[breyta | breyta frumkóða]Í sveitarstjórn í Hornafirði árið 2002-2006 átti Sjálfstæðisflokkurinn 3 menn, Framsóknarflokkurinn 3 og Krían, samtök óháðra og félagshyggjufólks 1 mann. Í sveitarstjórnarkosningunum 2006 voru þrír flokkar í framboði, Sjálfstæðisflokkurinn, Framsóknarflokkurinn og Samfylkingin. Framsóknarflokkurinn fékk þrjá menn kjörna, en Sjálfstæðisflokkurinn og Samfylkingin tvo hvor flokkur. Framsóknarflokkur og Samfylking mynduðu meirihluta og varð Sjálfstæðisflokkurinn því í minnihluta í Hornafirði í fyrsta skipti í mörg ár.
Í sveitarstjórnarkosningunum 2010 voru fjórir flokkar í framboði, Sjálfstæðisflokkurinn, Framsóknarflokkurinn, Samfylkingin og Vinstrihreyfingin – grænt framboð. Framsóknarflokkurinn fékk fjóra menn kjörna og eru því með hreinan meirihluta. Sjálfstæðisflokkurinn fékk tvo menn kjörna og Samfylkingin einn. Vinstri grænir náðu ekki inn manni. [1]
Bæjarstjóri Sveitarfélagsins Hornafjarðar er frá 2018 Matthildur Ásmundardóttir[2]
Þegar kjördæmaskipan vegna kosninga til Alþingis var breytt eftir kosningarnar 1999 var það álitamál hvort að sveitarfélagið Hornafjörður ætti fremur að fylgja Suðurkjördæmi eða Norðausturkjördæmi í hinni nýju skipan en sveitarfélagið hafði áður tilheyrt Austurlandskjördæmi í eldri kjördæmaskipan. Gerð var skoðanakönnun hjá íbúum sveitarfélagsins sem leiddi í ljós að 58% aðspurðra kusu fremur að fylgja Suðurkjördæmi.[3] Farið var að þeirri niðurstöðu.
Sveitarfélagið gekk í Samtök sunnlenskra sveitarfélaga 1. janúar 2009 og um leið úr landshlutasamtökum sveitarfélaga á Austurlandi.[4] Við endurskipulagningu embætta lögreglu og sýslumanna árið 2014 var sveitarfélagið einnig látið fylgja Suðurlandi fremur en Austurlandi.
Heimildir
[breyta | breyta frumkóða]- ↑ „Að afloknum sveitarstjórnarkosningum 2010“.
- ↑ „Bæjarstjóri“. Hornafjörður. Sótt 22. mars 2021.
- ↑ Í suðurkjördæmi? (30. mars 2000). Austri
- ↑ Ársþing SASS 2009. sass.is
Tenglar
[breyta | breyta frumkóða]