Sveitarfélagið Hornafjörður

Sveitarfélagið Hornafjörður
Sveitarfélag
Jökulsárlón í Vatnajökulsþjóðgarði
Skjaldarmerki
Staðsetning Sveitarfélagsins Hornafjarðar
Hnit: 64.254°N 15.212°V / 64.254; -15.212
Land	Ísland
Kjördæmi	Suðurkjördæmi
Þéttbýliskjarnar	Höfn Nes
Stjórnarfar
• Bæjarstjóri	Hjalti Þór Vignisson
Flatarmál
• Samtals	6.309 km2
• Sæti	4. sæti
Mannfjöldi  (2026)
• Samtals	2.631
• Sæti	21. sæti
• Þéttleiki	0,42/km2
Póstnúmer	780
Sveitarfélagsnúmer	8401
Vefsíða	hornafjordur.is

Hornafjörður er sveitarfélag á Suðausturlandi. Sveitarfélagið varð til 6. júní 1998 við sameiningu allra sveitarfélaga Austur-Skaftafellssýslu: Hornafjarðarbæjar, Bæjarhrepps, Borgarhafnarhrepps og Hofshrepps.

Stjórnmál

Höfn

Bæjarstjóri Sveitarfélagsins Hornafjarðar er frá 2026 Hjalti Þór Vignisson .

Þegar kjördæmaskipan vegna kosninga til Alþingis var breytt eftir kosningarnar 1999 var það álitamál hvort að sveitarfélagið Hornafjörður ætti fremur að fylgja Suðurkjördæmi eða Norðausturkjördæmi í hinni nýju skipan en sveitarfélagið hafði áður tilheyrt Austurlandskjördæmi í eldri kjördæmaskipan. Gerð var skoðanakönnun hjá íbúum sveitarfélagsins sem leiddi í ljós að 58% aðspurðra kusu fremur að fylgja Suðurkjördæmi. Farið var að þeirri niðurstöðu.

Sveitarfélagið gekk í Samtök sunnlenskra sveitarfélaga 1. janúar 2009 og um leið úr landshlutasamtökum sveitarfélaga á Austurlandi. Við endurskipulagningu embætta lögreglu og sýslumanna árið 2014 var sveitarfélagið einnig látið fylgja Suðurlandi fremur en Austurlandi. Sveitarfélagið heyrir þó enn undir Héraðsdóm Austurlands.

Tenglar

• Heimasíða Stjórnsýslu
• Ágrip af sögu bæjarins Geymt 29 apríl 2026 í Wayback Machine
• Frétta- og upplýsingasíða Sveitarfélagsins