Skagafjörður (sveitarfélag)
Skagafjörður | |
|---|---|
 | |
 Skjaldarmerki | |
 Staðsetning Skagafjarðar | |
| Hnit: 65°45′N 19°38′V / 65.750°N 19.633°V | |
| Land | Ísland |
| Kjördæmi | Norðvesturkjördæmi |
| Þéttbýliskjarnar | |
| Stjórnarfar | |
| • Sveitarstjóri | Sigfús Ingi Sigfússon |
| Flatarmál | |
| • Samtals | 5.543 km2 |
| • Sæti | 5. sæti |
| Mannfjöldi (2025) | |
| • Samtals | 4.316 |
| • Sæti | 14. sæti |
| • Þéttleiki | 0,78/km2 |
| Póstnúmer | 550–570 |
| Sveitarfélagsnúmer | 5716 |
| Vefsíða | skagafjordur |
Skagafjörður er sveitarfélag á Norðvesturlandi sem þekur mest allt svæðið í kringum Skagafjörð.
Sveitarfélagið varð til 6. júní 1998 við sameiningu 11 sveitarfélaga í Skagafirði: Skefilsstaðahrepps, Sauðárkrókskaupstaðar, Skarðshrepps, Staðarhrepps, Seyluhrepps, Lýtingsstaðahrepps, Rípurhrepps, Viðvíkurhrepps, Hólahrepps, Hofshrepps og Fljótahrepps. Höfðu íbúar þeirra samþykkt sameininguna í kosningum 15. nóvember árið áður. Akrahreppur var eina sveitarfélagið í firðinum sem ákvað að vera ekki með.
Innan vébanda hins nýja sveitarfélags búa nú um 4.000 manns, þar af 2600 á Sauðárkróki, sem er langstærsti bærinn. Auk þess er þéttbýli á Hofsósi, á Hólum í Hjaltadal og í Varmahlíð.
Íbúar Sveitarfélagsins Skagafjarðar og Akrahrepps samþykktu sameiningu árið 2022, og fékk nýja sveitarfélagið nafnið Skagafjörður.
Sveitastjórn
[breyta | breyta frumkóða]Í sveitastjórn Sveitarfélagsins Skagafjarðar sitja 9 fulltrúar sem kjörnir eru hlutfallskosningu á fjögurra ára fresti. Síðast var kosið til sveitastjórnar í sveitarstjórnarkosningunum 14. maí 2022.
Djúpidalur
Hólar
