Kjósarhreppur
| Kjósarhreppur | |
|---|---|
| Sveitarfélag | |
 Laxá í Hvalfirði | |
 Merki | |
 Staðsetning Kjósarhrepps Hnit: 64°20′29.8″N 21°35′33.4″V / 64.341611°N 21.592611°A | |
| Kjördæmi | Suðvesturkjördæmi |
| Flatarmál – Samtals | 42. sæti 284 km² |
| Mannfjöldi – Samtals – Þéttleiki | 54. sæti 285 (2023) 1/km² |
| Sveitarstjóri | Karl Magnús Kristjánsson |
| Þéttbýliskjarnar | Engir |
| Sveitarfélagsnúmer | 1606 |
| Póstnúmer | 276 |
| kjos.is | |
Kjósarhreppur er sveitarfélag á Vesturlandi. Stundum er talað um Kjósina sem „sveit í borg“ vegna nálægðarinnar við Reykjavík. Aðalatvinnuvegur er landbúnaður.
Kjósarhreppur er 302 ferkílómetra að stærð og liggur í norðanverðri Kjósarsýslu. Hreppurinn liggur að Reykjavík, Bláskógabyggð og Hvalfjarðarsveit.
Íbúar í Kjósarhreppi[breyta | breyta frumkóða]
Íbúar Kjósarhrepps voru 450 um aldamót 19. og 20. aldar en voru 250 árið 2021. Börn í hreppnum sækja Klébergsskóla á Kjalarnesi. Félagsheimilið Félagsgarður er leigt út til veisluhalda. Ásgarður gamli barnaskólinn hýsir skrifstofu hreppsins. Um 600 frístundahús eru í hreppnum. Samkvæmt jarðarskrá 2005 eru 47 jarðir skráðar í Kjósarhrepp og þar af eru 37 í ábúð. Á 27 bújörðum er jarðareigandi ábúandi.
Fjöll, hálsar og heiðar[breyta | breyta frumkóða]
Í hreppnum er norðanverð Esjan, norðanverðir Móskarðahnúkar og norðanvert Skálafell, Kjölur, Kjósarheiði, Botnssúlur (sunnanhluti fjallaklasans), sunnan- og vestanvert Múlafjall, Þrándarstaðafjall, Sandfell, Meðalfell, Möðruvallaháls, Sandfell, Eyrarfjall.
Dalir[breyta | breyta frumkóða]
Í hreppnum eru dalirnir Miðdalur, Eilífsdalur, Flekkudalur, Eyjadalur, Laxárdalur, Svínadalur, Fossárdalur og Brynjudalur.
Vatnsföll[breyta | breyta frumkóða]
Í hreppum renna árnar Kiðafellsá, Laxá í Kjós, Bugða, Skorá, Dælsá, Miðdalsá, Flekkudalsá, Sandá, Svínadalsá, Þverá, Hálsá, Fossá, Brynjudalsá. Laxá er ein besta veiðiá landsins. Í henni er Þórufoss.
Vötn[breyta | breyta frumkóða]
Í hreppnum eru Meðalfellsvatn, Myrkavatn, Sandvatn, Grindagilstjörn, Sandfellstjörn, Eyjatjörn og Hurðarbakssef.
Í hreppnum eru vogarnir Botnsvogur , Brynjudalsvogur og Laxvogur og víkin Hvammsvík og nesið Hvítanes.
Heimild[breyta | breyta frumkóða]
Þessi Íslandsgrein sem tengist landafræði er stubbur. Þú getur hjálpað til með því að bæta við greinina.