Grettislaug
Grettislaug er heit laug rétt við sjóinn í landi Reykja á Reykjaströnd,[1] kennd við Gretti Ásmundarson, en sagt er að hann hafi eftir Drangeyjarsund sitt „bakast þar lengi um nóttina, því honum var kalt orðið eftir sundið nokkuð svo“.[2]
Allt fram á 20. öld voru laugarnar tvær, önnur hlaðin upp og notuð til þvotta og kallaðist Reykjalaug en hin lítill pollur sem nefndur var Grettislaug. Haustið 1934 gerði mikið óveður á Skagafirði og eyðilögðust laugarnar þá báðar í brimi, því sjávarkamburinn færðist ofar. Heita vatnið kom þá upp sjávarmegin við hann.[1]
Árið 1992 var laugin svo endurgerð að undirlagi Jóns Eiríkssonar Drangeyjarjarls, bónda á Fagranesi, hlaðin upp og varnargarður gerður fyrir framan hana. Síðan hefur hún kallast Grettislaug.[3] Laugin er um 4,5 s 3,75 m og um 80 cm djúp. Vatnið er um 42°C heitt.[4]
Heimildir
[breyta | breyta frumkóða]- Hjalti Pálsson (ritstj.): Byggðasaga Skagafjarðar I. bindi. Skefilsstaðahreppur - Skarðshreppur. Sögufélag Skagfirðinga, 1999. ISBN 978-9979-861-18-8
Tilvísanir
[breyta | breyta frumkóða]- 1 2 Eiríksson, Kristján. „Reykir á Reykjaströnd“. nafnid.arnastofnun.is. Sótt 25 júlí 2025.
- ↑ „Grettis saga“. www.snerpa.is. Sótt 25 júlí 2025.
- ↑ „Byggði Grettislaug eftir eigin hugmyndum“. timarit.is. 22 júlí 1993. Sótt 25 júlí 2025.
- ↑ sindri (22 nóvember 2012). „Heitar náttúrulaugar á Íslandi“. Áttavitinn.is. Sótt 25 júlí 2025.