Katrín Júlíusdóttir
| Katrín Júlíusdóttir | |||||||||
|---|---|---|---|---|---|---|---|---|---|
 | |||||||||
| Fjármála- og efnahagsráðherra | |||||||||
| Í embætti 1. október 2012 – 23. maí 2013 | |||||||||
| Forsætisráðherra | Jóhanna Sigurðardóttir | ||||||||
| Forveri | Oddný G. Harðardóttir | ||||||||
| Eftirmaður | Bjarni Benediktsson | ||||||||
| Iðnaðarráðherra | |||||||||
| Í embætti 10. maí 2009 – 4. september 2012 | |||||||||
| Forsætisráðherra | Jóhanna Sigurðardóttir | ||||||||
| Forveri | Össur Skarphéðinsson | ||||||||
| Eftirmaður | embætti aflagt | ||||||||
| Alþingismaður | |||||||||
| |||||||||
| Persónulegar upplýsingar | |||||||||
| Fædd | 23. nóvember 1974 Reykjavík | ||||||||
| Æviágrip á vef Alþingis | |||||||||
Katrín Júlíusdóttir (fædd 23. nóvember 1974) er rithöfundur og ráðgjafi hjá Athygli ehf. Hún er fyrrverandi ráðherra og alþingismaður. Katrín settist á þing fyrir Samfylkinguna í Suðvesturkjördæmi árið 2003. Á þingsetu sinni hefur hún m.a. gegnt embætti iðnaðar- og fjármálaráðherra og embætti varaformanns Samfylkingarinnar. Katrín hætti í stjórnmálum árið 2016 og hefur frá þeim tíma starfað sem framkvæmdastjóri Samtaka fyrirtækja í fjármálaþjónustu (2016-2022) og sinnt ráðgjafaverkefnum. Árið 2020 kom út hennar fyrsta skáldsaga, Sykur, sem hlaut spennusagnaverðlaunin Svartfuglinn. Sykur hefur nú verið gefin út í Bretlandi, Bandaríkjunum, Kanada og Tékklandi.
Ævi
[breyta | breyta frumkóða]Katrín fæddist 23. nóvember 1974 í Reykjavík en er alin upp í Kópavogi. [1] Foreldrar hennar eru Júlíus Stefánsson fv. framkvæmdarstjóri og Gerður Lúðvíksdóttir fv. skrifstofukona. Hún á eina eldri systur og yngri tvíburabræður.[2][3] Katrín er komin af útgerðarfjölskyldu frá Húsavík og byrjaði ung að vinna í fiskvinnslu en síðar vann hún sem innkaupastjóri hjá G. Einarsson & co. ehf. sem flutti inn barnaföt og rak barnafataverslanirnar Lipurtá, á meðan hún var nemandi hjá Menntaskólanum í Kópavogi. Að stúdentsprófi loknu árið 1994 varð hún framkvæmdarstjóri þess.[1] [3] [2] Í menntaskóla kviknaði áhugi hennar á stjórnmálum en hún var fyrst stuðningsmaður Alþýðubandalagsins og átján ára gömul endurvakti hún ásamt fleirum ungliðahreyfingu flokksins í Kópavogi, Vakningu. Síðar tók hún að sér stöðu ritara Alþýðubandalagsins í Kópavogi og sat síðar í miðstjórn flokksins á landvísu. Eftir að hún útskrifaðist úr MK árið 1994 tók hún sér ársleyfi frá námi áður en hún hóf nám í mannfræði við Háskóla Íslands haustið 1995. Árið 1997 var hún kjörin í háskólaráð H.Í. og stúdentaráð fyrir Röskvu.
Katrín starfaði innan Samfylkingarinnar frá stofnun hennar og var hún kjörin í framkvæmdarstjórn flokksins á stofnfundi árið 2000. Hún var fyrsti varaformaður ungra jafnaðarmanna árið 2000 og var hún kjörin formaður Ungra jafnaðarmanna sama ár og sat til ársins 2001.[2] Í lok ársins 2002 fór hún í prófkjör fyrir þingkosningarnar 2003 og náði fjórða sæti flokksins í Suðvesturkjördæmi[1] sem skilaði henni þingsæti 28 ára gamalli.
Þingferill
[breyta | breyta frumkóða]Katrín sat á þingi frá 2003-2016 fyrir Samfylkinguna. Hún ákvað að segja skilið við stjórnmálin árið 2016 [4]
Skoðanir
[breyta | breyta frumkóða]Katrín kennir sig við jafnaðarstefnuna og berst gegn misskiptingu og fyrir jöfnum tækifærum.[1] Fyrsta þingveturinn sinn lagði hún áherslu á bætta stöðu samkynhneigðra í íslensku samfélagi og kvaðst styðja sambúð og ættleiðingu samkynhneigðra para.[3]
Evrópusambandið
[breyta | breyta frumkóða]Katrín er hlynnt inngöngu Íslands í Evrópusambandið og studdi aðildarumsóknina þegar hún var borin undir þingið sumarið 2009. Hún sat í stjórn Evrópusamtakanna frá 2000 til 2003 og er yfirlýstur alþjóða- og friðarsinni og byggir stuðning sinn við aðild Ísland að ESB á þeim grunni. Hún barðist gegn því að umsóknin um aðild að ESB yrði dregin til baka vorið 2014 þegar Gunnar Bragi Sveinsson utanríkisráðherra lagði fram þingsályktunartillögu þess efnis.
Heimildir
[breyta | breyta frumkóða]- 1 2 3 4 DV, Ég er tilbúin í slaginn, Skoðað 27. desember 2014.
- 1 2 3 „Æviágrip: Katrín Júlíusdóttir“. Sótt 27. desember 2014.
- 1 2 3 DV Sokkalaus á þingi, Skoðað 27. desember 2014.
- ↑ Katrín Júlíusdóttir hættir á þingi Vísir. Skoðað 14. september, 2016
| Fyrirrennari: Oddný G. Harðardóttir |
|
Eftirmaður: Bjarni Benediktsson | |||
| Fyrirrennari: Össur Skarphéðinsson |
|
Eftirmaður: enginn | |||