Gylfi Magnússon

Gylfi Magnússon á fundi fjármálaráðherra í Kaupmannahöfn, 4. desember 2009

Gylfi Magnússon (f. 1966) er prófessor í viðskiptafræðideild Háskóla Íslands og sat sem efnahags- og viðskiptaráðherra utan þings á árunum 2009-2010.

Gylfi varð dósent við viðskiptafræðideild Háskóla Íslands á árinu 1998 og síðar prófessor. Gylfi útskrifaðist sem stúdent frá Menntaskólanum í Reykjavík, sem viðskiptafræðingur frá Háskóla Íslands og með doktorsgráðu í hagfræði frá Yale-háskóla í Bandaríkjunum.

Eftir að önnur ríkisstjórn Geirs H. Haarde féll í byrjun árs 2009 var Gylfi skipaður viðskiptaráðherra í minnihlutastjórn ríkisstjórnar Jóhönnu Sigurðardóttur. Gylfi var fyrsti efnahags- og viðskiptaráðherra eftir að ný lög um stjórnarráð Íslands tóku gildi 1. október 2009. Verksvið ráðuneytisins stækkaði með því verulega. Undir það heyrði þá Seðlabanki Íslands og flest annað sem viðkemur stjórn efnahagsmála í stjórnsýslu ríkisins.

Gylfi lét af ráðherraembætti 2. september 2010 og hélt aftur til starfa í Háskóla Íslands.

Tenglar

• Vefsíða Gylfa hjá Háskóla Íslands Geymt 15 febrúar 2009 í Wayback Machine
• Æviágrip Gylfa Magnússonar

Fyrirrennari: Björgvin G. Sigurðsson	Viðskiptaráðherra (1. febrúar 2009 – 1. október 2009)	Eftirmaður: Enginn
Fyrirrennari: Enginn	Efnahags- og viðskiptaráðherra (1. október 2009 – 2. september 2010)	Eftirmaður: Árni Páll Árnason

  Þetta æviágrip sem tengist Íslandi er stubbur. Þú getur hjálpað til með því að bæta við greinina.