Ungt jafnaðarfólk
| Ungt Jafnaðarfólk | |
|---|---|
| Forseti | Jóhannes Óli Sveinsson |
| Varaforseti | Soffía Svanhvít Árnadóttir |
| Stofnár | 2000 |
| Vefsíða | https://www.politik.is/ |
Ungt jafnaðarfólk er ungliðahreyfing Samfylkingarinnar og var stofnuð 11. mars árið 2000. Hreyfingin hefur það markmið að auka samskipti og samkennd ungs jafnaðar- og félagshyggjufólks með áherslu á samfélagsábyrgð með því að stofna til víðtækra skoðanaskipta, umræðu og málefnavinnu, sérstaklega í málaflokkum er varða ungt fólk og byggja á grunnhugmyndum jafnaðarstefnunnar um frelsi, jafnrétti og samstöðu.[1]
Um fimm þúsund félagar eru skráðir í hreyfinguna á landsvísu. Forseti samtakanna er Jóhannes Óli Sveinsson og varaforseti Soffía Svanhvít Árnadóttir.
Málgagn Ungs jafnaðarfólks kallast Jöfn og frjáls, og er gefið út einu sinni á ári að jafnaði.
Ungt jafnaðarfólk á Alþingi
[breyta | breyta frumkóða]Katrín Júlíusdóttir var formaður félagsins árinn 2000–2001 og við henni tók Ágúst Ólafur Ágústsson frá 2001–2003 en voru bæði kjörin á þing fyrir Samfylkinguna árið 2003 ásamt unga jafnaðarmanninum Björgvini G. Sigurðssyni. Katrín Júlíusdóttir átti eftir að gegna embætti iðnaðarráðherra frá 2009-2012 og fjármálaráðherra frá 2012-2013. Björgvin G. Sigurðsson gegndi embætti viðskiptaráðherra frá 2007-2009.
Kristrún Frostadóttir forsætisráðherra og Jóhann Páll Jóhannsson umhverfis- orku- og loftslagsráðherra voru bæði kjörin á þing árið 2021 verandi meðlimir Ungs Jafnaðarfólks. Ragna Sigurðardóttir var forseti félagsins 2020 - 2022 en hún var kjörin inn á þing árið 2024.
Listi yfir forseta UJ
[breyta | breyta frumkóða]Forsetar UJ frá upphafi:[2]
2000-2001 Katrín Júlíusdóttir
2001-2003 Ágúst Ólafur Ágústsson
2003-2006 Andrés Jónsson
2006-2007 Magnús Már Guðmundsson
2007-2009 Anna Pála Sverrisdóttir
2009-2010 Dagný Ósk Aradóttir Pind
2010-2012 Guðrún Jóna Jónsdóttir
2012-2014 Stefán Rafn Sigurbjörnsson
2014-2016 Eva Indriðadóttir
2016-2018 Þórarinn Snorri Sigurgeirsson
2018-2020 Nikólína Hildur Sveinsdóttir
2020-2022 Ragna Sigurðardóttir
2022-2023 Arnór Heiðar Benónýsson
2023-2025 Lilja Hrönn Ö. Hrannarsdóttir
2025- Jóhannes Óli Sveinsson
Tenglar
[breyta | breyta frumkóða]
Þessi stjórnmálagrein sem tengist Íslandi er stubbur. Þú getur hjálpað til með því að bæta við greinina.- ↑ „Manifesto/stefnulýsing Ungs jafnaðarfólks“. Politik. Sótt 9 október 2025.
- ↑ „Fyrri stjórnir“. Politik. Sótt 14. mars 2025.