Steingrímur J. Sigfússon

Steingrímur J. Sigfússon
Forseti Alþingis
Í embætti 2017 – 2021
Forveri	Unnur Brá Konráðsdóttir
Eftirmaður	Birgir Ármannsson
Í embætti 2016 – 2017
Forveri	Einar K. Guðfinnsson
Eftirmaður	Unnur Brá Konráðsdóttir
Atvinnuvega- og nýsköpunarráðherra Íslandsa
Í embætti 31. desember 2011 – 23. maí 2013
Forsætisráðherra	Jóhanna Sigurðardóttir
Forveri	Jón Bjarnason (sem sjávarútvegs- og landbúnaðaráðherra) Árni Páll Árnason (sem efnahags- og viðskiptaráðherra)
Eftirmaður	Ragnheiður Elín Árnadóttir
Sjávarútvegs- og landbúnaðarráðherra Íslands
Í embætti 1. febrúar 2009 – 10. maí 2009
Forsætisráðherra	Jóhanna Sigurðardóttir
Forveri	Einar K. Guðfinnsson
Eftirmaður	Jón Bjarnason
Fjármálaráðherra Íslands
Í embætti 1. febrúar 2009 – 31. desember 2011
Forsætisráðherra	Jóhanna Sigurðardóttir
Forveri	Árni M. Mathiesen
Eftirmaður	Oddný G. Harðardóttir
Landbúnaðar- og samgönguráðherra Íslands
Í embætti 28. september 1988 – 30. apríl 1991
Forsætisráðherra	Steingrímur Hermannsson
Forveri	Mattías Á. Mathiesen (sem samgönguráðherra) Jón Helgason (sem landbúnaðarráðherra)
Eftirmaður	Halldór Blöndal (sem samgönguráðherra) Guðmundur Bjarnason (sem landbúnaðarráðherra)
Formaður Vinstrihreyfingarinnar – græns framboðs
Í embætti 6. febrúar 1999 – 23. febrúar 2013
Forveri	embætti stofnað
Eftirmaður	Katrín Jakobsdóttir
Alþingismaður
frá til  kjördæmi    þingflokkur 1983 1998  Norðurl. e.  Alþýðub. 1998 1999  Norðurl. e.  Þingfl. óháðra 1999 2003  Norðurl. e.  Vinstri græn 2003 2021  Norðaustur  Vinstri græn
Persónulegar upplýsingar
Fæddur	4. ágúst 1955 (1955-08-04) Gunnarsstaðir í Þistilfirði
Stjórnmálaflokkur	Vinstrihreyfingin – grænt framboð
Maki	Bergný Marvinsdóttir
Börn	4
Menntun	Jarðfræði
Háskóli	Háskóli Íslands
Æviágrip á vef Alþingis
^a  Gegndi embættum sjávarútvegs- og landbúnaðarráðherra og efnahags- og viðskiptaráðherra samhliða frá 31. desember 2011 til 1. september 2012 þegar ráðherraembættin sameinuðust í eitt embætti atvinnuvega- og nýsköpunarráðherra.

Steingrímur Jóhann Sigfússon (fæddur 4. ágúst 1955) er fyrrum ráðherra og forseti Alþingis. Steingrímur sat sem þingmaður Alþýðubandalagsins frá 1983 til 1998 og var síðan stofnandi og formaður Vinstrihreyfingarinnar - græns framboðs á árunum 1999 til 2013. Hann gegndi embætti landbúnaðar- og samgönguráðherra frá 1988-1991, fjármálaráðherra frá 2009-2011, atvinnuvegaráðherra frá 2011-2013 og sem forseti Alþingis frá 2016-2017 og aftur frá 2017-2021.

Steingrímur sat á Alþingi í 38 ár, frá 1983-2021. Hann var með þaulsetnustu þingmönnum íslenskrar stjórnmálasögu þegar hann lét af þingmennsku og aðeins þrír hafa setið lengur á Alþingi. Steingrímur var síðustu átta árin á þingi starfsaldursforseti þess. Steingrímur sat sem þingmaður Alþýðubandalags 1983-1998, óháður þingmaður 1998-1999 og þingmaður VG 1999-2021. Steingrímur var þingmaður Norðurlandskjördæmis eystra 1983-2003 og frá 2003 fyrir Norðausturkjördæmi eftir kjördæmabreytinguna.

Steingrímur var varaformaður Alþýðubandalagsins 1989-1995 en tapaði naumlega fyrir Margréti Frímannsdóttur í formannskjöri 1995. Steingrímur sagði skilið við Alþýðubandalagið í aðdraganda stofnunar Samfylkingarinnar og beitti sér fyrir stofnun Vinstrihreyfingarinnar - græns framboðs, nýs vinstriflokks, árið 1999 og var fyrsti formaður hennar.

Steingrímur var samgönguráðherra og landbúnaðarráðherra frá 28. september 1988 til 30. apríl 1991. Steingrímur tók við fjármálaráðuneytinu eftir efnahagshrunið sem varð haustið 2008 og var fjármálaráðherra á árunum 2009-2011. Árin 2011-2012 var hann sjávarútvegs- og landbúnaðarráðherra og efnahags- og viðskiptaráðherra. Steingrímur var svo atvinnuvega- og nýsköpunarráðherra 2012-2013.

Steingrímur var kosinn forseti Alþingis 6. desember 2016 og sat á meðan stjórnarkreppa ríkti, þar til Unnur Brá Konráðsdóttir tók við 24. janúar 2017 eftir myndum ríkisstjórnar Bjarna Benediktssonar. Steingrímur var aftur kjörinn forseti Alþingis 14. desember 2017 eftir að VG, Sjálfstæðisflokkur og Framsóknarflokkur mynduðu ríkisstjórn og sat á forsetastóli það sem eftir lifði af þingferli hans.

Steingrímur var formaður Vinstri hreyfingarinnar — græns framboðs frá stofnun flokksins 1999 til ársins 2013, þegar Katrín Jakobsdóttir tók við formennskunni.

Steingrímur býr í Reykjavík en er fæddur og uppalinn á Gunnarsstöðum í Þistilfirði. Hann er sonur Sigfúsar Aðalbergs Jóhannessonar og konu hans, Sigríðar Jóhannesdóttur. Steingrímur er jarðfræðingur að mennt og áhugamaður um útivist og íþróttir. Sumarið 2005 gekk hann frá Reykjanestá að Langanesi.

Steingrímur slasaðist illa þann 16. janúar 2006 þegar bíll hans fór út af og valt á hringveginum við Klif, á milli Ártúna í Langadal og Bólstaðarhlíðar í Svartárdal. Hann náði sér nánast að fullu eftir slysið.

Í nóvember 2006 kom út eftir hann bókin Við öll - íslenskt velferðarsamfélag á tímamótum Geymt 11 mars 2007 í Wayback Machine hjá Bókaútgáfunni Sölku.

Árið 2020 ákvað Steingrímur að yfirstandandi kjörtímabil yrði hans síðasta. Hann er í fjórða sæti yfir þá sem hafa setið lengst á Alþingi.

Tenglar

• Stutt æviágrip á heimasíðu Alþingis
• Defending the welfare system, viðtal við Steingrím í tímaritinu Grapevine

Tilvísanir

Fyrirrennari: enginn	Atvinnuvega- og nýsköpunarráðherra (1. september 2012 – 23. maí 2013)	Eftirmaður: Sigurður Ingi Jóhannsson Ragnheiður Elín Árnadóttir
Fyrirrennari: Árni Páll Árnason	Efnahags- og viðskiptaráðherra (31. desember 2011 – 1. september 2012)	Eftirmaður: enginn
Fyrirrennari: Jón Bjarnason	Landbúnaðarráðherra (31. desember 2011 – 1. september 2012)	Eftirmaður: enginn
Fyrirrennari: Jón Bjarnason	Sjávarútvegsráðherra (31. desember 2011 – 1. september 2012)	Eftirmaður: enginn
Fyrirrennari: Árni M. Mathiesen	Fjármálaráðherra (1. febrúar 2009 – 31. desember 2011)	Eftirmaður: Oddný G. Harðardóttir
Fyrirrennari: Einar K. Guðfinnsson	Sjávarútvegsráðherra (1. febrúar 2009 – 10. maí 2009)	Eftirmaður: Jón Bjarnason
Fyrirrennari: Einar K. Guðfinnsson	Landbúnaðarráðherra (1. febrúar 2009 – 10. maí 2009)	Eftirmaður: Jón Bjarnason
Fyrirrennari: Mattías Á. Mathiesen	Samgönguráðherra (28. september 1988 – 30. apríl 1991)	Eftirmaður: Halldór Blöndal
Fyrirrennari: Jón Helgason	Landbúnaðarráðherra (28. september 1988 – 30. apríl 1991)	Eftirmaður: Guðmundur Bjarnason
Fyrirrennari: Embætti stofnað	Formaður Vinstri grænna (6. febrúar 1999 – 23. febrúar 2013)	Eftirmaður: Katrín Jakobsdóttir