Árni Páll Árnason

Þessi grein fjallar um stjórnmálamanninn. Sjá Herra Hnetusmjör fyrir greinina um tónlistarmanninn.

Árni Páll Árnason (ÁPÁ)
Árni Páll árið 2024.
Félags- og tryggingamálaráðherra
Í embætti 10. maí 2009 – 2. september 2010
Forsætisráðherra	Jóhanna Sigurðardóttir
Forveri	Ásta R. Jóhannesdóttir
Eftirmaður	Guðbjartur Hannesson
Efnahags- og viðskiptaráðherra
Í embætti 31. desember 2011 – 2. september 2010
Forsætisráðherra	Jóhanna Sigurðardóttir
Forveri	Gylfi Magnússon
Eftirmaður	Steingrímur J. Sigfússon
Formaður Samfylkingarinnar
Í embætti 2. febrúar 2013 – 3. júní 2016
Forveri	Jóhanna Sigurðardóttir
Eftirmaður	Oddný G. Harðardóttir
Varaforseti Eftirlitsstofnunar EFTA
Núverandi
Tók við embætti 1. janúar 2022
Persónulegar upplýsingar
Fæddur	23. maí 1966 (1966-05-23) Reykjavík, Íslandi
Stjórnmálaflokkur	Samfylkingin
Menntun	Menntaskólinn við Hamrahlíð (1985) Háskóli Íslands (1991) Collège d’Europe (1991-1992) Harvard Law School European University Institute (1999)

Árni Páll Árnason (f. 23. maí 1966) er íslenskur stjórnmálamaður og viðskiptamaður sem að er sitjandi varaforseti Eftirlitsstofnunar EFTA frá 2022. Árni Páll sat á Alþingi fyrir Samfylkinguna frá 2007 til 2016 fyrir Suðvesturkjördæmi. Á þeim árum var hann Félags- og tryggingarmálaráðherra frá 2009 til 2010 og Efnahags- og viðskiptaráðherra frá 2010 til 2011. Hann var formaður Samfylkingarinnar frá 2013 til 2016.

Menntun og fyrri störf

Árni Páll lauk stúdentspróf frá Menntaskólanum við Hamrahlíð 1985 og lögfræðiprófi frá Háskóla Íslands 1991. Hann stundaði nám í Evrópurétti við Collège d’Europe í Brugge í Belgíu 1991-1992, í Evrópurétti við Harvard Law School / European University Institute í Flórens 1999. Árni Páll varð héraðsdómslögmaður 1997.

Hann var ráðgjafi utanríkisráðherra í Evrópumálum 1992-1994, deildarsérfræðingur á viðskiptaskrifstofu utanríkisráðuneytisins 1994 og lögfræðingur varnarmálaskrifstofu 1994-1995. Hann starfaði sem lögmaður með eigin rekstur og ráðgjafi 1998-2007.

Eftir að stjórnmálaferli Árna Páls lauk starfaði hann sem varaframkvæmdastjóri Uppbyggingasjóðs EES frá 2018 til 2021 og sem varaforseti ESA, Eftirlitsstofnunar EFTA, frá 2022.

Stjórnmálaferill

Árni Páll sat á þingi fyrir Samfylkinguna í Suðvesturkjördæmi frá árinu 2007 til 2016. Árni Páll datt út af þingi í kosningunum árið 2016 þegar Samfylkingin hlaut afhroð með 5,7% atkvæða og aðeins þrjá þingmenn inn.

Ráðherraferill

Árni Páll var oft sagður vera nokkuð hægrisinnaður vinstrimaður og lagði hann áherslu á erlendar fjárfestingar og Landsvirkjun í ráðherratíð sinni. Árni Páll gegndi embætti félags- og tryggingamálaráðherra frá 2009 til 2010 og embætti efnahags- og viðskiptaráðherra frá 2010 til 2011. Árni Páll lét af embætti í desember 2011 þegar að ákveðið var að leggja niður ráðuneyti hans.

Árni Páll árið 2008.

Formaður Samfylkingarnar

Árni Páll var kjörinn formaður Samfylkingarinnar í febrúar 2013, og hafði betur með 62,2% gegn Guðbjarti Hannessyni í kjörinu, sem allir flokksmenn í Samfylkingunni gátu tekið þátt í með netkosningu. Árni Páll leiddi flokkinn í gegnum kosningarnar 2013 þar sem að flokkurinn hlaut 12,9% og missti 16,9% frá kosningunum 2009. Árni Páll sóttist eftir að halda áfram sem formaður Samfylkingarinnar á landsfundi flokksins 2016 en hætti síðan við í maí 2016. Oddný G. Harðardóttir tók við af Árna sem formaður flokksins þann 3. júní 2016.

Tilvísanir

Fyrirrennari: Jóhanna Sigurðardóttir	Formaður Samfylkingarinnar (2. febrúar 2013 – 3. júní 2016)	Eftirmaður: Oddný G. Harðardóttir
Fyrirrennari: Ásta Ragnheiður Jóhannesdóttir	Félags- og tryggingamálaráðherra (10. maí 2009 – 2. september 2010)	Eftirmaður: Guðbjartur Hannesson
Fyrirrennari: Gylfi Magnússon	Efnahags- og viðskiptaráðherra (2. september 2010 – 31. desember 2011)	Eftirmaður: Steingrímur J. Sigfússon

  Þetta æviágrip er stubbur. Þú getur hjálpað til með því að bæta við greinina.