Dynjandi

Dynjandi
Kort sem sýnir staðsetningu fossins
Staðsetning	Arnarfjörður, Vestfirðir, Ísland
Hnit	65°43′57″N 23°11′55″V
Hæð	100 m
Vatnsrás	Dynjandisá

Dynjandi getur líka átt við TF-RVR Dynjanda, flugbát Loftleiða.

Dynjandi (eða Fjallfoss) er 100 metra hár foss í Arnarfirði á Vestfjörðum Íslands. Fossinn kemur ofan af Dynjandisheiði og fyrir neðan hann er einnig eyðibýli sem heitir Dynjandi. Á bjargbrún er fossinn 30 metra breiður en 60 metra breiður neðst. Fleiri fossar eru í fossaröðinni: Bæjarfoss, Hundafoss, Göngumannafoss, Strompglúfrafoss og Hæstahjallafoss. Fossinn var friðlýstur árið 1980.

Meðal sumarrennsli Dynjandisár er 2 til 8 rúmmetrar en meðal vetrarrennsli er 1 til 4 rúmmetrar vatns á sekúndu. Upptök sín á áin í smávötnum á Dynjandisheiði.

Myndir

• 
• 
• 
• 
• 
• 

Heimild

• „Dynjandisfoss“. Sótt 1. desember 2005.

Tenglar

• „Foss á Vestfjörðum er bæði kallaður Dynjandi og Fjallfoss. Hvort nafnið er réttara og af hverju?“. Vísindavefurinn.

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.