Staupasteinn

Hnit: 64°21′35″N 21°32′45″V / 64.359839°N 21.54585°V / 64.359839; -21.54585
Úr Wikipediu, frjálsa alfræðiritinu
(Endurbeint frá Steðji (Hvalfirði))

64°21′35″N 21°32′45″V / 64.359839°N 21.54585°V / 64.359839; -21.54585

Staupasteinn getur líka átt við samnefnda sjónvarpsþætti.
Staupasteinn í Hvalfirði

Staupasteinn, einnig þekktur sem Steðji, Prestasteinn, Karlinn í Skeiðhóli og Skeiðhólssteinn er bikarlaga steinn við gamla þjóðveginn um Hvalfjörð skammt frá Hvammsvík. Þar var áður fyrr vinsæll áningarstaður ferðamanna sökum fagurs útsýnis yfir Hvalfjörðinn. Steinninn var friðlýstur árið 1974. Steinninn er ofan við Skeiðhól, og sést ekki frá núverandi vegi um Hvalfjörð.

Þjóðsaga[breyta | breyta frumkóða]

Sagan segir að í Staupasteini dvelji einbúi nokkur, Staupa-Steinn, sem fáum er sýnilegur. Erla Stefánsdóttir sjáandi hefur oft staldrað við hjá Staupa-Steini á leið sinni fyrir Hvalfjörð og lýsir honum sem síðhærðum og skeggjuðum karli, góðlyndum, gamansömum og sérlega barngóðum. Staupa-Steinn skemmtir sér að sögn best þegar fjölskyldufólk staldrar við nálægt Staupasteini og krakkar leika sér með bolta á meðan foreldrar njóta útilofts og náttúrufegurðar. Einbúinn Staupa-Steinn skaut upp kollinum í kynningarstarfi vegna Hvalfjarðarganga vorið 1997 og prýddi þá m.a. boli þátttakenda í víðavangshlaupi sem Spölur styrkti á Akranesi og límmiða til að setja á bílrúður. Erla Stefánsdóttir sjáandi veit einungis um átta einbúa sömu ættar á Íslandi. Einn býr til dæmis við Brynjudalsá í Hvalfirði, tveir eru í Kópavogi og einn heldur sig nálægt þjóðveginum við Blönduós. Aðrir áhugaverðir staðir í nágrenni Staupasteins eru: fossinn Glymur, Hallgrímskirkja í Saurbæ, Hvalstöðin í Hvalfirði og Geirshólmi.

Nálægir staðir[breyta | breyta frumkóða]

Heimild[breyta | breyta frumkóða]

  • „Vesturland.is - Afþreying og staðir“. Sótt 9. júlí 2010.
  • Þorsteinn Jósepsson, Steindór Steindórsson og Páll Líndal (1982). Landið þitt Ísland, S-T. Örn og Örlygur.
  Þessi grein er stubbur. Þú getur hjálpað til með því að bæta við greinina.