Abú Dabí (arabíska: أبوظبي ʼAbū Ẓaby) er stærst þeirra sjö furstadæma sem mynda Sameinuðu arabísku furstadæmin. Abú Dabí er líka samnefnd borg í furstadæminu sem einnig er höfuðborg landsins. Borgin stendur nyrst á T-laga eyju í Persaflóa á vesturströndinni miðri. Áætlaður íbúafjöldi var um 621.000 árið 2012, þar sem um 80% íbúanna eru með erlent ríkisfang.
Sjeik Múhameð bin Zayed Al Nahyan, emír, er erfðafursti í Abú Dabí. Hann er einnig forseti Sameinuðu arabísku furstadæmanna.
