Bangkok
Bangkok
กรุงเทพมหานคร (taílenska) | |
|---|---|
 Svipmyndir | |
  Bangkok Staðsetning í Taílandi | |
| Hnit: 13°45′N 100°31′A / 13.750°N 100.517°A | |
| Land |  Taíland |
| Flatarmál | |
| • Samtals | 1.568,7 km2 |
| Mannfjöldi (2010)[1] | |
| • Samtals | 8.305.218 |
| • Þéttleiki | 5.300/km2 |
| Tímabelti | UTC+07:00 |
| Vefsíða | www |
Bangkok (taílenska: Krung Thep, กรุงเทพฯ) er höfuðborg og stærsta borg Taílands. Árið 2010 var íbúafjöldi hennar 8.249.117.[1] Borgin er staðsett á austurbakka Chao Phraya ár stuttu áður en hún rennur út í Taílandsflóa.
Hún var í upphafi hafnar- og viðskiptamiðstöð undir stjórn þáverandi höfuðborgar (sem hét Ayutthaya) og hét þá Bang Makok. Þegar þáverandi höfuðborg féll í hendur Búrma árið 1767 var höfuðborgin flutt á vesturbakka árinnar og var þar þangað til Rama I konungur byggði kastala sinn á austurbakkanum og endurnefndi borgina Krung Thep (sem þýðir Borg englanna). Í dag á nafnið Bangkok opinberlega aðeins við um lítinn hluta borgarinnar en er enn notað á vesturlöndum yfir hana alla. Bangkok er mjög fjölþjóðleg borg, með mikið af innflytjendum. Talið er að 50% íbúa borgarinnar eigi ættir sínar að rekja til Kína. Bangkok er efnahagsleg miðstöð Taílands, þar eru allir helstu bankar landsins með höfuðstöðvar og flestra annarra stórfyrirtækja landsins. Ímynd borgarinnar á vesturlöndum er þó oft ansi neikvæð þar sem hún er þekkt fyrir að vera mikil miðstöð ólöglegra útgáfa á tónlist, kvikmyndum og öðru höfundaréttarvörðu efni.
Tilvísanir
[breyta | breyta frumkóða]- 1 2 „Table 1 Population by sex, household by type of household, changwat and area“ (PDF). The 2010 Population and Housing Census: Whole Kingdom. National Statistical Office. 2012. bls. 32. Afrit af upprunalegu (PDF) geymt þann 12. mars 2019. Sótt 6. september 2020.
