Ráðuneyti Kristrúnar Frostadóttur

Ráðuneyti Kristrúnar Frostadóttur er núverandi ríkisstjórn Íslands og tók við völdum 21. desember 2024, eftir Alþingiskosningarnar 2024. Hún samanstendur af Samfylkingunni, Viðreisn og Flokki Fólksins. Kristrún Frostadóttir, formaður Samfylkingarinnar, er forsætisráðherra og leiðir ríkistjórnina. Ríkistjórnin tók við völdum af öðru ráðuneyti Bjarna Benediktssonar og er þetta í annað sinn á þessari öld sem það eru hrein stjórnarskipti.

Hafa ríkisstjórnarflokkarnir meirihluta á Alþingi með 36 af 63 þingmönnum. Í ríkisstjórninni eru ellefu ráðherrar og fækkar um einn. Samfylkingin hefur fjóra, Viðreisn fjóra og Flokkur fólksins þrjá. Þórunn Sveinbjarnardóttir, þingmaður Samfylkingarinnar, varð forseti Alþingis.

Ráðherraskipan

Mynd	Nafn	Embætti	Flokkur
	Kristrún Frostadóttir	Forsætisráðherra	Samfylkingin
	Jóhann Páll Jóhannsson	Umhverfis-, orku- og loftslagsráðherra
	Alma Möller	Heilbrigðisráðherra
	Logi Einarsson	Menningar-, nýsköpunar- og háskólaráðherra
		Samstarfsráðherra Norðurlanda
	Þorgerður Katrín Gunnarsdóttir	Utanríkisráðherra	Viðreisn
	Daði Már Kristófersson	Fjármála- og efnahagsráðherra
	Þorbjörg Sigríður Gunnlaugsdóttir	Dómsmálaráðherra
	Hanna Katrín Friðriksson	Atvinnuvegaráðherra
	Inga Sæland (frá 21. desember 2024 til 11. janúar 2026)	Félags- og húsnæðismálaráðherra	Flokkur fólksins
	Ragnar Þór Ingólfsson (frá 11. janúar 2026)
	Ásthildur Lóa Þórsdóttir (frá 21. desember 2024 til 23. mars 2025)	Mennta- og barnamálaráðherra
	Guðmundur Ingi Kristinsson (frá 23. mars 2025 til 11. janúar 2026)
	Inga Sæland (frá 11. janúar 2026)
	Eyjólfur Ármannsson	Innviðaráðherra