Icelandair

Úr Wikipediu, frjálsa alfræðiritinu
Stökkva á: flakk, leita
Icelandair
Icelandair logo.jpg
Rekstrarform Einkahlutafélag
Slagorð Óþekkt
Hjáheiti Óþekkt
Stofnað 1937, 1973, 2002
Staðsetning Reykjavík, Ísland
Lykilmenn Birkir Hólm Guðnason forstjóri
Starfsemi Flugfélag
Heildareignir Óþekkt
Tekjur ISK 88.150 milljónir (2013) Green Arrow Up.svg[1]
Hagnaður f. skatta Óþekkt
Hagnaður e. skatta ISK 4.968 milljónir (2013)[1]
Eiginfjárhlutfall Óþekkt
Móðurfyrirtæki Óþekkt
Dótturfyrirtæki Óþekkt
Starfsmenn 1.377 (2013)[1]
Vefsíða www.icelandair.is

Icelandair er stærsta flugfélag Íslands og dótturfyrirtæki Icelandair Group. Flugfélagið rekur sögu sína aftur til ársins 1937 þegar Flugfélag Íslands var stofnað. Flugfélag Íslands sameinaðist Loftleiðum árið 1973 undir merkjum Flugleiða hf. en Icelandair var notað sem alþjóðlegt heiti hins sameinaða félags. Icelandair hefur starfað í núverandi mynd frá árinu 2002 þegar félagið Icelandair ehf. var stofnað til að taka við rekstri millilandaflugs frá Flugleiðum hf. Móðurfélag Icelandair er nú Icelandair Group hf. sem stofnað var 2005 og hefur innan sinna raða fleiri dótturfyrirtæki í flugrekstri og ferðaþjónustu.

Icelandair nýtir Keflavíkurflugvöll sem miðpunkt leiðakerfis síns sem tengist annars vegar áfangastöðum í Norður-Ameríku og hins vegar í Evrópu. Auk ferða til og frá Íslandi gerir félagið út á ferðir á milli N-Ameríku og Evrópu með viðkomu á Íslandi. Félagið nýtir nú einungis Boeing 757 vélar í leiðakerfi sínu en hyggst taka í notkun Boeing 767 á stærstu leiðum árið 2016. Nýjar Boeing 737 MAX hafa verið pantaðar og er áætlað að fyrstu vélar þeirrar gerðar verði afhentar árið 2018.

Saga félagsins[breyta | breyta frumkóða]

Í kreppunni 1970 urðu rekstrarhorfur bæði Flugfélags Íslands og Loftleiða mjög slæmar. Ríkistjórn Íslands reyndi að sameina félögin, sem varð að veruleika 1973 eftir langt tímabil samningafunda.[2] Eignarhaldsfélagið Flugleiðir var stofnað, sem sameinaði félögin og hagræddi starfsemi félagana. Hagræðingin fólst í rekstri eigna félagsins, vátryggingum, gistihúsareksturs, veitingaþjónustu, bifreiðaleigu, ferðaskrifstofu og starfsemi á flugvöllum. Rekstur flugvélanna var aðskildur í félögunum tveimur fyrst um sinn.[3] Við sameininguna var tveir þriðju farþega félagsins í millilandaflugi og floti Flugfélags Íslands var stækkaður með DC-8s flugvélum Loftleiða. 1979 keypti Flugfélag Íslands allar eignir Loftleiða í Flugleiðum og flugfélagið varð þekkt sem Icelandair.[4]

Í kjölfar sameiningar[breyta | breyta frumkóða]

Tvær Douglas DC-8 flugvélar Icelandair á Luxembourg-Findel flugvelli (1983).

Flugvélafloti Icelandair var óbreyttur þangað til Boeing 757-200 vélar voru keyptar á tíunda áratuginum til að skipta út Douglas DC-3 flugvélum á leiðum til Evrópu og Ameríku. Frá 1955 hafði flugvöllurinn í Lúxemborg verið eini viðkomustaður félagsins og forvera þess í Evrópu. Aukin samkeppni á Norður-Atlantshafs flugi leiddi til þess að markaðurinn í Lúxemborg minnkaði og í kjölfarið hætti félagið flugi þangað. Einnig var afgreiðslu á Kennedyflugvelli hætt og félagið gerði samning við British Airways um að taka við þjónustunni. Í stað Lúxemborgar var ákveðið að fljúga beint frá stærstu borgum Evrópu til Íslands.[5]

1997 var innanlandsflug Icelandair, sem var áður rekið af Flugfélagi Norðurlands, sameinað Norðurflugi til að mynda Flugfélag Íslands.[6]. Þetta gerði Icelandair kleift að einblína á alþjóðaflug félagsins. 1999 var einkennismerki félagsins breytt til að höfða betur til flugfarþega í viðskiptaerindum. 2001 var miðstöð flugs Icelandair flutt til Keflavíkurflugvallar. Hryðjuverkin 11. september sama árs höfðu mikil áhrif á rekstur félagsins sem leiddi til þess að 300 manns misstu vinnuna.[7]

Eignarhaldsfélög Flugleiða voru Icelandair Group (fyrir flugrekstur) og FL Group (fyrir annan rekstur) á milli 2002 og 2005.[4] 2003 var nýtt félag var stofnað undir leigusamninga flugvéla Loftleiðir Icelandic.[8]

Þróun frá 2005[breyta | breyta frumkóða]

Surtsey, Boeing 757-200 flugvél Icelandair við flughlið Gardermoen flugvallar í Noregi (Maí 2011).

Í febrúar 2005 gerði Icelandair bindandi pöntun á tveimur Boeing 787 Dreamliner flugvélum sem átti upphaflega að afhenda 2010.[9] Síðar var tveimur flugvélum bætt við pöntunina en í ljósi seinkana á afhendingu vélana frá Boeing og rekstrarvandræðum félagsins í kjölfar kreppunnar 2008-2010 var tilkynnt í maí 2011 að kaupréttindi á þessum vélum höfðu verið færð yfir á Norwegian Air Shuttle.[10][11]

Flugtakmarkanir í kjölfar eldgossins í Eyjafjallajökli 2010 höfðu mikil áhrif á rekstur félagsins, en flugtakmarkanirnar leiddu til þess að stór hluti flugumferðarsvæðis Evrópu var lokaður. Flugtakmarkanirnar áttu sér stað í upphaf sumartímabils félagsins en á þeim tíma koma flestir farþegar til landsins. Í kjölfarið byrjaði neyðarteymi félagsins að greina ástandið á þremur fundum yfir daginn í höfuðstöðvum félagsins. Settir voru fram þeir kostir að ef Keflavíkurflugvöllur myndi lokast myndi flugið flytjast yfir á Akureyrar- eða Egilstaðaflugvöll, eða að öðrum kosti verði miðstöð fyrir flug félagsins flutt úr landi.[12] Þegar Keflavíkurflugvöllur lokaði 22. maí flutti Icelandair flugmiðstöð sína tímabundið til Glasgow. Á þeim tíma var tengiflug til Akureyrar með rútuflutningum til Reykjavíkur. Flugfélagið breytti flugmiðstöðinni aftur til Keflavíkur 28. maí.[13]

Í kjölfar gossins var átakið "Inspired by Iceland" sett fram til að auka fjölda ferðamanna á Íslandi. Í kjölfar átaksins jókst fjöldi ferðamanna um 0,6 prósent miðað við sama tímabil síðasta árs og tekjur af ferðamönnum voru 34 milljarðar.[14]

Leiðakerfi Icelandair[breyta | breyta frumkóða]

Leiðarkefi Icelandair eins og það var 21. maí 2005. Á myndinni sést vel hvernig Keflavíkurflugvöllur hentar sem viðkomustaður í flugi á milli Evrópu og Bandaríkjanna.

Leiðakerfi Icelandair byggist á staðsetningu Íslands á milli Evrópu og N-Ameríku og gefur möguleika á mjög stuttum ferðatíma á leiðinni yfir Atlantshafið. Staðsetning Íslands gefur einnig möguleika á mjög stuttum og í mörgum tilvikum stysta mögulega ferðatíma milli N-Ameríku og Indlands, Mið-Austurlanda og Suðaustur-Asíu.

Keflavíkurflugvöllur er miðstöð flugs Icelandair.

Áfangastaðir[breyta | breyta frumkóða]

Evrópa[breyta | breyta frumkóða]

Bandaríkin og Kanada[breyta | breyta frumkóða]

Aðrir áfangastaðir[breyta | breyta frumkóða]

(með millilendingu utan Reykjavík)

Einnig hefur komið fram hjá fyrirtækinu að þeir hyggjast hefja flug til Indlands og Kína á næstu árum.

Flugfloti[breyta | breyta frumkóða]

Vél frá Icelandair á flugi

Icelandair rekur aðeins Boeing-þotur og eru þær flestar af gerðinni Boeing 757-200 og sumar þeira eru samnýttar með Loftleiðum og Icelandair Cargo.

Icelandair hefur pantað 9 Boeing 737 MAX 8 og 7 Boeing 737 MAX 9 vélar sem verða afhentar á árunum 2018 til 2021 auk þess að eiga kauprétt á 8 Boeing 737 MAX vélum til viðbótar.

Farþegaþotur undir merkjum Icelandair[breyta | breyta frumkóða]

Fragtþotur undir merkjum Icelandair Cargo[breyta | breyta frumkóða]

  • TF-FIG — 757-23APF
  • TF-FID — 757-23A PCF
  • TF-FIE — 757-23A PCF
  • TF-FIH - 757-23A PCF
  • TF-CIB - 757-204 PCF

Farþegarþotur undir merkjum Loftleiða Icelandic[breyta | breyta frumkóða]

  • TF-FIS — 757-256
  • TF-FIT — 757-256
  • TF-FIW - 757-27B
  • TF-LLY — 757-225
  • TF-FIB — 767-383
  • TF-LLA — 767-366

Tilvísunarkóðar[breyta | breyta frumkóða]

Tenglar[breyta | breyta frumkóða]

Heimildir[breyta | breyta frumkóða]