Fara í innihald

Las Vegas

Breyta tenglum
Úr Wikipediu, frjálsa alfræðiritinu
Las Vegas
Borg
Miðbær Las Vegas
Miðbær Las Vegas
Las Vegas er staðsett í Bandaríkjunum
Las Vegas
Las Vegas
Staðsetning í Bandaríkjunum
Hnit: 36°10′2″N 115°8′55″V / 36.16722°N 115.14861°V / 36.16722; -115.14861
Land Bandaríkin
Fylki Nevada
SýslaClark
Flatarmál
 • Samtals367,53 km2
Mannfjöldi
 (2020)[1]
 • Samtals641.903
 • Þéttleiki1.700/km2
TímabeltiUTC−08:00 (PST)
 • SumartímiUTC−07:00 (PDT)
Póstnúmer
89044, 89054, 891xx
Svæðisnúmer702, 725
Vefsíðawww.lasvegasnevada.gov Breyta á Wikidata

Las Vegas er stærsta borg Nevada-fylkis í Bandaríkjunum. Borgin er aðallega þekkt fyrir fjölda spilavíta. Í borginni búa um 641 þúsund manns (2020) en ef nærliggjandi svæði eru talin með búa þar um 2,3 milljón manns.[1] Las Vegas er stjórnaraðsetur Clark-sýslunnar. Las Vegas er einn af vinsælustu ferðamannastöðum heims.

Nafnið Las Vegas er oft látið ná yfir önnur svæði Clark-sýslunnar sem umlykja borgina. Þannig er hin 7,25 km langa aðalgata borgarinnar, Las Vegas Boulevard, að mestu utan borgarmarka Las Vegas eða í bænum Paradise.

Fyrir utan spilavítin eru það aðallega hinar mörgu sýningar sem eru einkennandi fyrir borgina. Listamenn sem starfa eða störfuðu í Las Vegas eru m.a. Elvis Presley, Tom Jones, Frank Sinatra og Céline Dion. Þá eru margar brúðkaupskapellur í borginni, sem orsakast af því að lög um hjúskaparstofnun (og hjúskaparslit) eru sérlega einföld.

Borgin er stundum kölluð Sin City vegna mikilla (löglegra) fjárhættuspila, mikils framboðs á áfengum drykkjum allan sólarhringinn, fíkniefna, margvíslegs framboðs á erótískum skemmtunum og lögleiðingu vændis í nærliggjandi sýslu. Stjórnvöld og ferðamálafrömuðir svæðisins styðja aftur á móti nafngiftina The Entertainment Capital of the World (skemmtanahöfuðborg heimsins).

Bein þýðing á nafninu yfir á íslensku úr spænsku væri eiginlega "Túnin" eða engin.

Saga borgarinnar

[breyta | breyta frumkóða]
Las Vegas árið 1895

Fyrsta byggðin á Las Vegas svæðinu komst á fót árið 1854 fyrir tilstuðlan mormónakirkjunnar, en byggðin var yfirgefin þremur árum seinna. Um miðjan 7. áratug 19. aldar byggði bandaríski herinn Fort Baker virkið á þeim stað sem Las Vegas er nú. Vegna vatnslinda sinna varð Las Vegas að mikilvægum áningarstað fyrir vagnlestir og lestir á leið milli Kaliforníu í vestri og New Mexico í austri. 1903 seldi ekkjan Helen Stewart fyrir 55 þúsund dollara stóran hluta af búgarði sínum til járnbrautafyrirtækis, sem aftur á móti seldi sama landið 15. maí 1905 fyrir 265 þúsund dollara til áhættufjárfesta. Borgin Las Vegas telst opinberlega stofnuð þennan dag. Hornsteinar hins hraða vaxtar Las Vegas voru lögleiðing fjárhættuspils 1931 og bygging Hoover-stíflunnar 1931-1935. Mafíuforinginn Bugsy Siegel byrjaði á 5. áratugnum að byggja hótel með innbyggðu spilavíti og setti þar með af stað þróun sem hefur haldist fram til dagsins í dag. Athafnamaðurinn Howard Hughes bolaði mafíunni burt úr borginni milli þess sem hann keypti upp eignir í borginni.

Þekkt hótel og kennileiti

[breyta | breyta frumkóða]
Luxor hótel
MGM Grand Hotel, næststærsta hótel í heimi
Eftirgerð af Eiffelturninum í París

Hótel setja mikinn svip á Las Vegas og eru þau gjarnan samtvinnuð við spilavítin.

Þekktir einstaklingar frá Las Vegas

[breyta | breyta frumkóða]

Mannfjöldaþróun

[breyta | breyta frumkóða]
Las Vegas
Fólksfjöldaþróun Geymt 15 mars 2007 í Wayback Machine
19305.165
19408.422
195024.624
196064.405
1970125.787
1980164.674
1990258.295
2000478.434
2010583.756
2020641.903


Tilvísanir

[breyta | breyta frumkóða]
  1. 1 2 „US Census – Las Vegas, Nevada“. United States Census Bureau. Sótt 9. september 2025.

Tenglar

[breyta | breyta frumkóða]
Sótt frá „https://is.wikipedia.org/w/index.php?title=Las_Vegas&oldid=1942773“