Madríd

Madríd
Höfuðborg
Fáni Skjaldarmerki
Madríd Staðsetning á Spáni
Hnit: 40°25′1″N 3°42′12″V
Land	Spánn
Sjálfstjórnarhérað	Madríd
Stofnun	9. öld
Stjórnarfar
• Borgarstjóri	José Luis Martínez-Almeida (PP)
Flatarmál
• Samtals	604,31 km2
Hæð yfir sjávarmáli	650 m
Mannfjöldi  (2025)
• Samtals	3.322.416
• Þéttleiki	5.500/km2
Tímabelti	UTC+01:00 (CET)
• Sumartími	UTC+02:00 (CEST)
Póstnúmer	28001–28080
Vefsíða	madrid.es

Madríd er höfuðborg Spánar og sjálfstjórnarhéraðs með sama nafni. Íbúar borgarinnar sjálfrar voru um 3,3 milljónir árið 2025, en með útborgum er íbúafjöldinn um 6,8 milljónir. Madríd er stærsta borg Spánar og önnur stærsta borg Evrópusambandsins, á eftir Berlín. Borgin liggur inni í miðju landi á víðáttumikilli sléttu við fljótið Manzanares. Hún er efnahagsleg, menningarleg og pólitísk höfuðborg landsins.

Elsti hluti Madrídar voru litlar víggirtar herbúðir frá tímum Córdoba-furstadæmisins á 9. öld. Kristnir menn lögðu bæinn undir sig árið 1083 eða 1085. Madríd varð að stórum bæ undir stjórn Kastilíu og eftir 1561 varð borgin að miðstöð spænsku konungshirðarinnar. Næstu aldirnar styrktist staða borgarinnar sem stjórnsýslumiðstöðvar.

Borgin hefur verið höfuðborg frá því á 16. öld og á síðari tímum hefur hún verið mikilvæg miðstöð verslunar og iðnaðar. Í hjarta Madrid er torgið Puerta del Sol og út frá því liggja allar aðalgötur borgarinnar. Nýrri borgarhverfi eru í austurhlutanum.

Söfn

• Prado-safnið, eitt af betri söfnum með evrópskri list frá 12.-19 öld.
• Reina Sofía-safnið, nýlistasafn.
• Thyssen-Bornemisza-safnið, ýmis list.

Íþróttir

Í knattspyrnu eru stórliðin Real Madrid og Atlético Madrid. Minna liðið er Rayo Vallecano.

Körfuknattleikslið Real Madrid hefur náð góðum árangri í Evrópukeppnum.

Tenglar

• Opinber vefsíða

  Þessi landafræðigrein er stubbur. Þú getur hjálpað til með því að bæta við greinina.