Play
| PLAY | |
 | |
| Rekstrarform | Hlutafélag |
|---|---|
| Stofnað | Nóvember 2019 |
| Örlög | Gjaldþrota 29. september 2025 |
| Staðsetning | Reykjavík, Ísland |
| Lykilpersónur | Arnar Már Magnússon Sveinn Ingi Steinþórsson Forstjóri: Birgir Jónsson |
| Starfsemi | Flugfélag |
| Vefsíða | https://flyplay.com/ |
Play var íslenskt lággjaldaflugfélag sem starfaði frá 2019 til 2025.
Saga
[breyta | breyta frumkóða]Tveir stjórnarmenn WOW air, Arnar Már Magnússon og Sveinn Ingi Steinþórsson lýstu því yfir í júlí 2019 að nýtt flugfélag væri í bígerð og var vinnuheitið WAB (We are back). Fjármögnun félagsins kom 80 prósent erlendis frá en 20 prósent frá Íslandi.
Play ætlaði sér upphaflega að hefja flug vorið 2020. Í nóvember 2020 hafði félagið enn ekki fengið flugrekstrarleyfi en lýsti yfir því að það hefði í hyggju að hefja flug á öðrum ársfjórðungi 2021.[1] Flugfélagið áætlaði upphaflega að það hefði 14 áfangastaði í Evrópu og Bandaríkjunum[2] og að fyrstu áfangastaðirnir yrðu Kaupmannahöfn, London, París, Berlín, Alicante og Tenerife.[3] Play hóf að selja fyrstu flugmiðana í maí 2021. Athygli vakti að kjarasamningar félagsins sýndu laun undir lágmarkslaunum á Íslandi. ASÍ hvatti í kjölfarið til sniðgöngu á flugfélaginu. [4] Félagið var síðar með tugi áfangastaða í Evrópu, Bandaríkjunum, Marokkó og Tyrklandi.
Þann 29. september 2025 tilkynni stjórn félagsins að það myndi hætta starfsemi vegna langvarandi rekstrarerfiðleika og lýsa sig gjaldþrota með þeim afleiðingum að 400 manns misstu vinnuna.[5][6]
Tilvísanir
[breyta | breyta frumkóða]- ↑ „Play fær úthlutuð lendingarleyfi“. www.mbl.is. Sótt 25 febrúar 2021.
- ↑ WAB air verður Play og í rauðu Rúv, skoðað 12. nóv. 2019.
- ↑ Fjórar höfuðborgir og tveir sólarferðastaðir Mbl.is, skoðað 23. des, 2019
- ↑ Lægstu laun á íslenskum vinnumarkaði Rúv, skoðað 19. maí 2021
- ↑ Árni Sæberg (29. september 2025). „Play er gjaldþrota“. visir.is. Sótt 29. september 2025.
- ↑ Brynjólfur Þór Guðmundsson (29. september 2025). „Play hættir starfsemi: Reyna að borga laun en farþegar þurfa að bjarga sér sjálfir“. RÚV. Sótt 29. september 2025.
