Heimsmeistaramót landsliða í knattspyrnu karla 2006

Heimsmeistaramótið í knattspyrnu árið 2006 var haldið í Þýskalandi dagana 9. júní til 9. júlí. Heimsmeistaramótið var það 18. í röðinni, en þau eru haldin á fjögurra ára fresti.

Kort sem sýnir borgirnar sem leikið var í

Leikið var í borgunum Berlín, Dortmund, Frankfurt, Gelsenkirchen, Hamburg, Hannover, Kaiserslautern, Köln, Leipzig, München, Nürnberg og Stuttgart.

Þjóðverjar fengu réttinn til að halda mótið árið 2000. 31 þjóðir tóku þátt á mótinu, með þjóðverjum, en þetta var í annað skiptið sem þessi keppni var haldin í Þýskalandi (fyrsta skiptið var árið 1974 sem vestur-Þýskaland).

Ítalir urðu heimsmeistarar í fjórða sinn eftir sigur á Frökkum í úrslitum. Gestgjafar keppninnar, þjóðverjar höfnuðu í þriðja sæti og portúgalar í því fjórða.

Val á gestgjöfum

Ákvörðunin um keppnisstað var tekin á þingi FIFA í Zürich þann 6. júlí árið 2000. Fimm lönd höfðu falast eftir að halda keppnina, en þremur dögum fyrir fundinn drógu Brasilíumenn boð sitt til baka. Þá stóðu eftir Þýskaland, England, Suður-Afríka og Marokkó. Þjóðverjar hlutu flest atkvæði í fyrstu umferð, tíu talsins. Suður-Afríka fékk sex, England fimm en Marokkó rak lestina með tvö atkvæði. Þar sem enginn umsækjanda hafði náð hreinum meirihluta var kosið að nýju milli þriggja efstu.

Í annarri umferðinni voru Þjóðverjar og Suður-Afríkumenn jafnir með ellefu atkvæði en Englendingar hlutu tvö. Í lokaumferðinni fengu Þjóðverjar tólf atkvæði á móti ellefu, þar sem einn fulltrúi sat hjá. Þýskaland var því valið gestgjafi HM 2006.

Í kjölfar kosningarinnar braust út mikil óánægja þar sem fulltrúi Nýja-Sjálands reyndist hafa setið hjá í lokakosningunni þrátt fyrir skýr fyrirmæli frá Eyjaálfusambandinu um að styðja Suður-Afríku fremur en Þýskaland. Það hefði þýtt að löndin hefðu endað jöfn og Sepp Blatter verið látinn ráða úrslitum, en hann var talinn hliðhollur Suður-Afríkumönnum. Í kjölfarið var ákveðið að endurskoða val gestgjafa á HM í framtíðinni.

Þátttökulið

32 þjóðir mættu til leiks frá sex heimsálfum.

• Ástralía
• Íran
• Japan
• Sádi-Arabía
• Norður-Kórea
• Angóla
• Fílabeinsströndin
• Gana
• Tógó
• Túnis

• Bandaríkin
• Kosta Ríka
• Mexíkó
• Trínidad og Tóbagó
• Argentína
• Brasilía (meistarar)
• Ekvador
• Paragvæ

• England
• Frakkland
• Holland
• Ítalía
• Króatía
• Portúgal
• Pólland
• Serbía og Svartfjallaland
• Spánn
• Sviss
• Svíþjóð
• Tékkland
• Úkraína
• Þýskaland (gestgjafar)

Knattspyrnuvellir

• Allianz Arena - München

Byggður: 2005 Heildarfjöldi: 66.016 Heildarfjöldi í heimsmeistarakeppninni: 52.782 Heimalið: 1860 München og Bayern München

• Veltens Arena - Gelsenkirchen

Byggður: 2001 Heildarfjöldi: 53.804 Heildarfjöldi í heimsmeistarakeppninni: 43.920 Heimalið: Schalke 04

• Waldstadion - Frankfurt

Byggður: 2005 Heildarfjöldi: 48.132 Heildarfjöldi í heimsmeistarakeppninni: 38.437 Heimalið: Eintracht Frankfurt

• Westfalenstadion - Dortmund

Byggður: 1974 Heildarfjöldi: 69.982 Heildarfjöldi í heimsmeistarakeppninni: 50.000 Heimalið: Borussia Dortmund

• AOL Arena - Hamburg
• Zentralstadion - Leipzig
• Frankenstadion - Nürnberg
• RheinEnergieStadion - Köln
• Fritz-Walter-Stadion - Kaiserslautern
• AWD Arena - Hannover
• Gottlieb-Daimler-Stadion - Stuttgart
• Olympiastadion - Berlín

Keppnin

Riðlakeppnin

Keppt var í átta riðlum með fjórum liðum í hverjum, þar sem tvö efstu komust áfram í 16-liða úrslit.

A riðill

Þýskaland sigraði Kosta Ríka 4:2 í opnunarleik keppninnar og var það hæsta markaskor í opnunarleik í sögunni. Ekvador hafi tryggt sér annað sætið í riðlinum á eftir heimsmeisturum Þjóðverja fyrir lokaumferðina.

Sæti		Lið	L	U	J	T	Sk	Fe	M.munur	Stig
1		Þýskaland	3	3	0	0	8	2	+6	9
2		Ekvador	3	2	0	1	5	3	+2	6
3		Pólland	3	1	0	2	2	4	-2	3
4		Kosta Ríka	3	0	0	3	3	9	-6	0

9. júní - Allianz Arena, München

• Þýskaland 4 : 2 Kosta Ríka

9. júní - Arena AufSchalke, Gelsenkirchen

• Pólland 0 : 2 Ekvador

14. júní - Signal Iduna Park, Dortmund

• Þýskaland 1 : 0 Pólland

15. júní - AOL Arena, Hamborg

• Ekvador 3 : 0 Kosta Ríka

20. júní - Ólympíuleikvangurinn, Berlín

• Ekvador 0 : 3 Þýskaland

20. júní - AWD-Arena, Hanover

• Kosta Ríka 1 : 2 Pólland

B riðill

Englendingar og Svíar unnu nauma sigra á Paragvæ og skildu Suður-Ameríkuliðið þar með eftir. Svíar náðu 2:2 jafntefli gegn Englendingum í lokaleiknum, en Norðurlandaþjóðin hafði ekki tapað fyrir enska liðinu í 38 ár.

Sæti		Lið	L	U	J	T	Sk	Fe	M.munur	Stig
1		Englandi	3	2	1	0	5	2	+3	7
2		Svíþjóð	3	1	2	0	3	2	+1	5
3		Paragvæ	3	1	0	2	2	2	0	3
4		Trínidad og Tóbagó	3	0	1	2	0	4	-4	1

10. júní - Commerzbank-Arena, Frankfurt

• England 1 : 0 Paragvæ

10. júní - Signal Iduna Park, Dortmund

• Trínidad og Tóbagó 0 : 0 Svíþjóð

15. júní - EasyCredit-Stadion, Nürnberg

• England 2 : 0 Trínidad og Tóbagó

15. júní - Ólympíuleikvangurinn, Berlín

• Svíþjóð 1 : 0 Paragvæ

20. júní - RheinEnergieStadion, Köln

• Holland 2 : 2 Svíþjóð

20. júní - Fritz-Walter-Stadion, Kaiserslautern

• Paragvæ 2 : 0 Trínidad og Tóbagó

C riðill

Riðillinn var af mörgum talinn sá sterkasti á mótinu. Argentína og Holland höfðu þó bæði tryggt sér sæti í 16-liða úrslitum fyrir lokaumferðina. Markalaust jafntefli í viðureign liðanna í lokaleiknum gaf Argentínu toppsætið á hagstæðari markatölu eftir stórsigur liðsins á Serbum og Svartfellingum.

Sæti		Lið	L	U	J	T	Sk	Fe	M.munur	Stig
1		Argentína	3	2	1	0	8	1	+7	7
2		Holland	3	2	1	0	3	1	+2	7
3		Fílabeinsströndin	3	1	0	2	5	6	-1	3
4		Serbía og Svartfjallaland	3	0	0	3	2	10	-8	0

10. júní - AOL Arena, Hamborg

• Argentína 2 : 1 Fílabeinsströndin

11. júní - Zentralstadion, Leipzig

• Serbía og Svartfjallaland 0 : 1 Holland

16. júní - Arena AufSchalke, Gelsenkirchen

• Argentína 6 : 0 Serbía og Svartfjallaland

16. júní - Gottlieb-Daimler-Stadion, Stuttgart

• Holland 2 : 1 Fílabeinsströndin

21. júní - Commerzbank-Arena, Frankfurt

• Holland 0 : 0 Argentína

21. júní - Allianz Arena, München

• Fílabeinsströndin 3 : 2 Serbía og Svartfjallaland

D riðill

Taugarnar voru þandar fyrir leik Angóla gegn gömlu nýlenduherrunum frá Portúgal. Evrópubúarnir höfðu betur og unnu alla þrjá leiki sína í riðlinum. Mexíkó fylgdi þeim eftir í 16-liða úrslitin.

Sæti		Lið	L	U	J	T	Sk	Fe	M.munur	Stig
1		Portúgal	3	3	0	0	5	1	+4	9
2		Mexíkó	3	1	1	1	4	3	+1	4
3		Íran	3	0	2	1	1	2	-1	2
4		Angóla	3	0	1	2	2	6	-4	1

11. júní - EasyCredit-Stadion, Nürnberg

• Mexíkó 3 : 1 Íran

11. júní - RheinEnergieStadion, Köln

• Angóla 0 : 1 Portúgal

16. júní - AWD-Arena, Hanover

• Mexíkó 0 : 0 Angóla

17. júní - Commerzbank-Arena, Frankfurt

• Portúgal 2 : 0 Íran

21. júní - Arena AufSchalke, Gelsenkirchen

• Portúgal 2 : 1 Mexíkó

21. júní - Zentralstadion, Leipzig

• Íran 1 : 1 Angóla

E riðill

Þrjú rauð spjöld fóru á loft í jafnteflisleik Bandaríkjanna og Ítalíu. Það var eina stig Bandaríkjanna í keppninni en einu töpuðu stig Ítala sem enduðu á toppnum. Gana fylgdi liði Ítalíu í 16-liða úrslitin.

Sæti		Lið	L	U	J	T	Sk	Fe	M.munur	Stig
1		Ítalía	3	2	1	0	5	1	+4	7
2		Gana	3	2	0	1	4	3	+1	6
3		Tékkland	3	1	0	2	3	4	-1	3
4		Bandaríkin	3	0	1	2	2	6	-4	1

12. júní - Arena AufSchalke, Gelsenkirchen

• Bandaríkin 0 : 3 Tékkland

12. júní - AWD-Arena, Hanover

• Ítalía 2 : 0 Gana

17. júní - RheinEnergieStadion, Köln

• Tékkland 0 : 2 Gana

17. júní - Fritz-Walter-Stadion, Kaiserslautern

• Ítalía 1 : 1 Bandaríkin

22. júní - AOL Arena, Hamborg

• Tékkland 0 : 2 Ítalía

22. júní - EasyCredit-Stadion, Nürnberg

• Gana 2 : 1 Bandaríkin

F riðill

Ástralir mættu á ný á HM eftir 32 ára hlé og komu verulega á óvart með sigri á Japö num og jafntefli gegn Króötum, sem fleytti þeim í annað sæti riðilsins. Brasilíumenn höfðu lítið fyrir að ná toppsætinu.

Sæti		Lið	L	U	J	T	Sk	Fe	M.munur	Stig
1		Brasilía	3	3	0	0	7	1	+6	9
2		Ástralía	3	1	2	0	5	5	0	4
3		Króatía	3	0	2	1	2	3	-1	2
4		Japan	3	0	1	2	2	7	-5	1

12. júní - Fritz-Walter-Stadion, Kaiserslautern

• Ástralía 3 : 1 Japan

13. júní - Ólympíuleikvangurinn, Berlín

• Brasilía 1 : 0 Króatía

18. júní - EasyCredit-Stadion, Nürnberg

• Japan 0 : 0 Króatía

18. júní - Allianz Arena, München

• Brasilía 2 : 0 Ástralía

22. júní - Signal Iduna Park, Dortmund

• Japan 1 : 4 Brasilía

22. júní - Gottlieb-Daimler-Stadion, Stuttgart

• Króatía 2 : 2 Ástralía

G riðill

Sviss fékk ekki á sig mark á heimsmeistaramótinu og sigraði í riðlinum. Frakkar tryggðu sér annað sætið með sigri á Tógó í lokaleiknum eftir tvö jafntefli.

Sæti		Lið	L	U	J	T	Sk	Fe	M.munur	Stig
1		Sviss	3	2	1	0	4	0	+4	7
2		Frakkland	3	1	2	0	3	1	+2	5
3		Suður-Kórea	3	1	1	1	3	4	-1	4
4		Tógó	3	0	0	3	1	6	-5	0

13. júní - Commerzbank-Arena, Frankfurt

• Suður-Kórea 2 : 1 Tógó

13. júní - Gottlieb-Daimler-Stadion, Stuttgart

• Frakkland 1 : 1 Sviss

18. júní - Zentralstadion, Leipzig

• Frakkland 0 : 0 Suður-Kórea

19. júní - Signal Iduna Park, Dortmund

• Tógó 0 : 2 Sviss

23. júní - RheinEnergieStadion, Köln

• Tógó 0 : 2 Frakkland

23. júní - AWD-Arena, Hanover

• Sviss 2 : 0 Suður-Kórea

H riðill

Yfirburðir Spánverja í riðlinum voru miklir. Þrátt fyrir stórt tap í fyrsta leik fylgdu Úkraínumenn þeim eftir í útsláttarkeppnina.

Sæti		Lið	L	U	J	T	Sk	Fe	M.munur	Stig
1		Spánn	3	3	0	0	8	1	+7	9
2		Úkraína	3	2	0	1	5	4	+1	6
3		Túnis	3	0	1	2	3	6	-3	1
4		Sádi-Arabía	3	0	1	2	2	7	-5	1

14. júní - Zentralstadion, Leipzig

• Spánn 4 : 0 Úkraína

14. júní - Allianz Arena, München

• Túnis 2 : 2 Sádi Arabía

19. júní - AOL Arena, Hamborg

• Sádi Arabía 0 : 4 Úkraína

19. júní - Gottlieb-Daimler-Stadion, Stuttgart

• Spánn 3 : 1 Túnis

23. júní - Fritz-Walter-Stadion, Kaiserslautern

• Sádi Arabía 0 : 1 Spánn

23. júní - Olympiastadion, Berlín

• Úkraína 1 : 0 Túnis

Útsláttarkeppnin

Tvö efstu liðin úr hverjum forriðli fóru áfram í 16-liða úrslit sem leikin voru með útsláttarfyrirkomulagi.

16-liða úrslit

Tvö þýsk mörk á fyrstu tólf mínútunum gerðu út um HM-drauma Svía. Argentínumenn þurftu framlengingu til að leggja Mexíkó að velli. Aukaspyrnumark frá David Beckham kom Englendingum í fjórðungsúrslitin. Gríðarleg harka einkenndi sigurleik Portúgala á Hollendingum, þar sem sextán gul spjöld og fjögur rauð fóru á loft, nýtt met í sögu HM.

Francesco Totti skoraði úr vítaspyrnu á sjöundu mínútu uppbótartíma í leik gegn Áströlum sem sagður var sá leiðinlegasti í sögu keppninnar. Svisslendingar settu óheppilegt met þegar þeir urðu fyrsta liðið til að mistakast að skora í vítakeppni í viðureign sinni við Úkraínu. Brasilía átti ekki í vandræðum með að sigra Gana. Tveimur árum síðar staðhæfði þýska blaðið Der Spiegel að úrslit leiksins kunni að hafa tengst asísku veðmálasvindli. Spánverjar komust yfir á móti Frökkum sem svöruðu með þremur mörkum.

24. júní - Allianz Arena, München, áh. 66.000

• Þýskaland| 2 : 0 Svíþjóð

24. júní - Zentralstadion, Leipzig, áh. 43.000

• Argentína| 2 : 1 (e.framl.) Mexíkó

25. júní - Gottlieb-Daimler leikvangurinn, Stuttgart, áh. 52.000

• England| 1 : 0 Ekvador

25. júní - Frankenstadion, Nürnberg, áh. 41.000

• Portúgal| 1 : 0 Holland

26. júní - Fritz-Walter-Stadion, Kaiserslautern, áh. 46.000

• Ítalía| 1 : 0 Ástralía

26. júní - RheinEnergieStadion, Köln, áh. 45.000

• Úkraína| 0 : 0 (3:0 e.vítak.) Sviss

27. júní - Westfalenstadion, Dortmund, áh. 65.000

• Grasilía| 3 : 0 Gana

27. júní - Niedersachsenstadion, Hanover, áh. 43.000

• Spánn| 1 : 3 Frakkland

Fjórðungsúrslit

Hvorki Þjóðverjar né Argentínumenn höfðu tapað vítaspyrnukeppni áður en grípa þurfti til hennar í lok viðureignar liðanna, þar sem heimamenn reyndust skotvissari. Ítalir áttu ekki neinum vandræðum með úkraínska liðið í sinni viðureign. Portúgalir slógu Englendinga úr leik í vítaspyrnukeppni þar sem þrjár spyrnur Englendinga fóru í súginn. Brasilíska liðið náði aðeins einu skoti á mark Frakka í lokaleik fjórðungsúrslitanna þar sem mark frá Thierry Henry skildi að liðin.

30. júní - Ólympíuleikvangurinn, Berlín, áh. 72.000

• Þýskaland| 1 : 1 (4:2 e.vítak.) Argentína

30. júní - Volksparkstadion, Hamburg, áh. 50.000

• Ítalía| 3 : 0 Úkraína

1. júlí - Arena AufSchalke, Gelsenkirchen, áh. 52.000

• England| 0 : 0 (1:3 e.vítak.) Portúgal

1. júlí - Waldstadion, Frankfurt, áh. 48.000

• Brasilía| 0 : 1 Frakkland

Undanúrslit

Í fjórða sinn í sögunni voru öll liðin í undanúrslitum evrópsk. Það gerðist áður árin 1934, 1966 og 1982. Leikur heimamanna og Ítala stefndi í vítaspyrnukeppni þar sem markalaust var fram á 118. mínútu en þá skoruðu bláklæddir tvívegis. Vítaspyrnumark frá Zinidine Zidane í fyrri hálfleik réð úrslitum í viðureign Portúgala og Frakka.

4. júlí - Westfalenstadion, Dortmund, áh. 65.000

• Þýskaland| 0 : 2 (e.framl.) Ítalía

5. júlí - Allianz Arena, München, áh. 66.000

• Portúgal| 0 : 1 Frakkland

Bronsleikur

Bastian Schweinsteiger skoraði tvívegis í 3:1 sigri heimamanna á Portúgal. Gestgjafarnir komust í 3:0 áður en Portúgölum tókst að klóra í bakkann og koma þar með í veg fyrir að Oliver Kahn héldi hreinu í lokaleik sínum fyrir landsliðið.

8. júlí - Gottlieb-Daimler leikvangurinn, Stuttgart, áh. 52.000

• Þýskaland| 3 : 1 Portúgal

Úrslitaleikur

Bæði lið skoruðu á fyrstu tuttugu mínútum leiksins. Zinedine Zidane skoraði fyrsta markið úr vítaspyrnu. Hann átti þó eftir að koma við sögu á annan hátt en hann fékk rautt spjald í lok framlengingar eftir að hafa skallað Marco Materazzi í bringuna. Grípa þurfti til vítaspyrnukeppni þar sem Ítalir skoruðu úr öllum fimm spyrnum sínum en David Trezeguet átti sláarskot fyrir Frakka.

9. júlí - Ólympíuleikvangurinn, Berlín, áh. 69.000

• Ítalía| 1 : 1 (5:3 e.vítak.) Frakkland

Markahæstu leikmenn

Miroslav Klose hreppti gullskó FIFA með fimm mörk skoruð. Alls voru 147 mörk skoruð af 110 leikmönnum, þar af voru fjögur sjálfsmörk.

5 mörk

• Miroslav Klose

3 mörk

• Hernán Crespo
• Maxi Rodríguez
• Miroslav Klose
• Ronaldo
• Thierry Henry
• Zinedine Zidane
• Lukas Podolski
• Fernando Torres
• David Villa