„Menntaskólinn á Akureyri“: Munur á milli breytinga
Ekkert breytingarágrip |
Setti inn setningu varðandi stjórn Skólafélagsins |
||
Lína 45: | Lína 45: | ||
Skólafélagið '''Huginn''' sér um skipulag félagslífsins, gefur út skólablaðið ''Muninn'' og stendur fyrir viðburðum á borð við ''Ratatosk'' sem eru opnir dagar þar sem brugðið er útaf hefðbundinni stundaskrá skólans og boðið upp á ýmiss konar fyrirlestra og námskeið. Undir skólafélaginu starfa svo fjölmörg félög eins og leikfélagið LMA, tónlistarfélag, íþróttafélag, kór, ljósmynda- og myndbandafélag og svo framvegis. Algengt er að nöfn félaganna séu skammstöfuð og enda þau þá ávallt á MA, þar má nefna HÍMA og VÍMA sem eru stjórnmálafélög skólans (Hægri menn í MA og Vinstri menn í MA). |
Skólafélagið '''Huginn''' sér um skipulag félagslífsins, gefur út skólablaðið ''Muninn'' og stendur fyrir viðburðum á borð við ''Ratatosk'' sem eru opnir dagar þar sem brugðið er útaf hefðbundinni stundaskrá skólans og boðið upp á ýmiss konar fyrirlestra og námskeið. Undir skólafélaginu starfa svo fjölmörg félög eins og leikfélagið LMA, tónlistarfélag, íþróttafélag, kór, ljósmynda- og myndbandafélag og svo framvegis. Algengt er að nöfn félaganna séu skammstöfuð og enda þau þá ávallt á MA, þar má nefna HÍMA og VÍMA sem eru stjórnmálafélög skólans (Hægri menn í MA og Vinstri menn í MA). |
||
[http://www.huginnma.is/is/stjorn-hugins Stjórn Hugins] er skipuð 8 nemendum og er kosið í nýja stjórn á hverju vori. Núverandi formaður Skólafélagsins eða Inspector Scholae er Björn Kristinn Jónsson. |
|||
Eitt af því sem einkennir mjög andrúmsloftið í skólanum er það að nemendur hans koma alls staðar af landinu en stór [[heimavist]] er við skólann, um helmingur nemenda skólans kemur ekki frá Akureyri. |
Eitt af því sem einkennir mjög andrúmsloftið í skólanum er það að nemendur hans koma alls staðar af landinu en stór [[heimavist]] er við skólann, um helmingur nemenda skólans kemur ekki frá Akureyri. |
Útgáfa síðunnar 19. október 2016 kl. 01:57
Menntaskólinn á Akureyri (latína Schola Akureyrensis) er íslenskur framhaldsskóli sem er á Brekkunni á Akureyri. Skólinn á sér langa sögu og hafa margir frægir Íslendingar haft viðkomu þar í gegnum tíðina. Í dag er skólinn bóknámsskóli sem býður upp á þriggja ára nám til stúdentsprófs frá hausti 2016. Hann býður upp á sveigjanleg námslok til stúdentsprófs, 3, 3 1/2 eða 4 ár.
Saga
Upphaf Menntaskólans á Akureyri er yfirleitt rakið til stofnunar Möðruvallaskóla á Möðruvöllum í Hörgárdal 1880. Þó má líta á skólann sem beint framhald af því skólahaldi sem fór fram á Hólum í Hjaltadal allt frá biskupstíð Jóns Ögmundssonar um 1106 og stóð til 1802 þegar Hólaskóli var lagður niður með konungsbréfi. Um leið og Hólaskóli hafði verið lagður niður hófst barátta Norðlendinga fyrir því að „norðlenski skólinn“ yrði endurreistur. Stofnun Gagnfræðaskólans á Möðruvöllum 1880 var sigur í þeirri baráttu.
1902 brann skólahúsið á Möðruvöllum og var skólinn þá fluttur um set til Akureyrar og var þá kallaður Gagnfræðaskólinn á Akureyri. Fyrstu tvö árin á Akureyri hafði hann aðsetur í Hafnarstræti 53 en fluttist svo inn í hið nýja Gagnfræðaskólahús við Eyrarlandsveg haustið 1904 þegar bygging þess var langt komin, húsið er enn í notkun og kallast nú Gamli skóli. 1905 var skólinn tengdur Menntaskólanum í Reykjavík þannig að nemendur gátu tekið fyrstu þrjú ár hans á Akureyri og sest svo beint í fjórða bekk í Reykjavík.
Á árunum 1924-1927 fór svo fram menntaskólakennsla í fyrsta sinn í skólanum þ.e. seinni þrjú árin til viðbótar við þau þrjú sem áður hafði verið boðið uppá. Þeir nemendur sem luku því námi fengu svo utanskóla stúdentspróf frá MR vorið 1927. Á árunum 1927-1930 var mikil togstreita um það á alþingi og í ráðuneytum hvort leyfa ætti skólanum að braustskrá stúdenta. Þeirri baráttu lauk ekki fyrr en 1930 þegar skólinn var gerður að fullkomnum menntaskóla og tók sér núverandi nafn. Síðan 1930 hefur skólinn stækkað mjög við sig í nemendafjölda og húsakosti og nú stunda þar um 750 manns nám og skólinn útskrifar rúmlega 150 stúdenta á ári hverju.
Námsframboð - ný Námskrá frá 2010
Menntaskólinn á Akureyri er hefðbundinn bóknámsskóli sem býður upp á fjögurra ára nám til stúdentsprófs. Skólinn er bekkjaskóli. Einnig gefst einstaklingum nokkur kostur á valáföngum innan hvers sviðs.
Árið 2008 voru samþykkt ný lög um framhaldsskóla á Íslandi. Menntaskólinn á Akureyri var einn þeirra skóla sem valinn var til að vera í fararbroddi við ritun nýrrar námskrár. Haustið 2010 hóf MA kennslu eftir nýrri námskrá í 1. bekk og fyrstu stúdentar skv. nýrri námskrá verða brautskráðir vorið 2014.
Menntaskólinn á Akureyri býður áfram upp á fjögurra ára nám til stúdentsprófs, eða 240 framhaldsskólaeiningar. Námið skiptist í kjarna og val, en val hefur verið aukið í nýju kerfi og er nú um fjórðungur námsins. Nemendur geta ýmist valið sér kjörsviðsgreinar eða áfanga í frjálsu vali. Síðustu stúdentar eftir því kerfi verða brautskráðir 2019.
Haustið 2016 verða nemendur innritaðir skv. nýrri námskrá sem býður upp á sveigjanleg námslok. Þá geta nemendur valið sér námstíma frá þremur til fjögurra ára. Þeir sem kjósa þriggja ára leiðina munu brautskrást fyrst 2019. MA hefur lengi haft leið fyrir nemendur til að ljúka stúdentsprófi 19 ára, með því að taka við öflugum nemendum beint úr 9. bekk grunnskóla.
Á 1. og 2. ári fást nemendur aðallega við kjarnagreinar en lokaárið samanstendur að langmestu leyti af valgreinum. Á fjórða ári er einnig gert ráð fyrir því að allir nemendur vinni að lokaverkefni í samræmi við áhugasvið og áherslur í náminu og er það liður í framúrskarandi undirbúningi fyrir áframhaldandi nám.
Allir nemendur í 1. bekk taka Íslandsáfangann, sem er tvískiptur stór samsettur áfangi, um það bil helmingur námseininga á fyrsta ári. Annars vegar er um að ræða menningarlæsi með áherslu á íslensku, sögu og samfélagsgreinar, og hins vegar náttúrulæsi, með áherslu á íslensku, jarðfræði og náttúrufræðigreinar.
Aðrar námsgreinar sem allir nemendur taka eru stærðfræði, íslenska, enska, danska, þýska/franska, félagsfræði, saga, líffræði, jarðfræði, landafræði, eðlis- og efnafræði, íþróttir og velgengnisdagar (lífsleikni og fleira). Þessar greinar eru skilgreindar sem hluti af breiðri almennri menntun.
Í skólanum er í mörgum greinum lögð áhersla á samvinnu og samþættingu námsgreina. Það hefur um árabil verið svo á ferðamálakjörsviði málabrautar, en verður eftir breytinguna aðgengilegt fleiri nemendum. Íslandsáfangarnir eru samvinnuverkefni margra kennara og þannig hefur enska og landafræði verið kennd saman.
Áfram verður samstarf við Tónlistarskólann á Akureyri um tónlistarbraut á Listnámssviði.
Ferlar frá og með 2010:
- Raungreinasvið
- Tungumála- og félagsgreinasvið
- Listnámssvið (tónlistarbraut)
Frá og með nýrri námskrá 2016 verða ferlarnir:
- Félagsgreinabraut
- Mála- og menningarbraut
- Nátturufræðibraut
- Raungreinabraut
- Tónlistarbraut
Félagslíf
Menntaskólinn á Akureyri er rótgróin stofnun þar sem nokkuð er um gamlar hefðir og má til dæmis nefna þegar nemendur safnast á ganga Gamla skóla til þess að reyna að syngja fyrir fríi. Árshátið skólans hefur löngu fest sig í sessi og er haldin á ári hverju í kringum fullveldisdaginn 1. desember. Sú hátíð er vímulaus eins og allar samkomur á vegum skólans og skólafélagsins.
Skólafélagið Huginn sér um skipulag félagslífsins, gefur út skólablaðið Muninn og stendur fyrir viðburðum á borð við Ratatosk sem eru opnir dagar þar sem brugðið er útaf hefðbundinni stundaskrá skólans og boðið upp á ýmiss konar fyrirlestra og námskeið. Undir skólafélaginu starfa svo fjölmörg félög eins og leikfélagið LMA, tónlistarfélag, íþróttafélag, kór, ljósmynda- og myndbandafélag og svo framvegis. Algengt er að nöfn félaganna séu skammstöfuð og enda þau þá ávallt á MA, þar má nefna HÍMA og VÍMA sem eru stjórnmálafélög skólans (Hægri menn í MA og Vinstri menn í MA).
Stjórn Hugins er skipuð 8 nemendum og er kosið í nýja stjórn á hverju vori. Núverandi formaður Skólafélagsins eða Inspector Scholae er Björn Kristinn Jónsson.
Eitt af því sem einkennir mjög andrúmsloftið í skólanum er það að nemendur hans koma alls staðar af landinu en stór heimavist er við skólann, um helmingur nemenda skólans kemur ekki frá Akureyri.
LMA
LMA eða Leikfélag Menntaskólans á Akureyri er eitt elsta framhaldsskólaleikfélag landsins og hafa fjölmörg leikverk verið sett upp hjá þeim. Nú síðustu ár hefur myndast hefð fyrir að söngleikir eru settir upp þegar fer að vora. Árið 2014 var settur upp rokksöngleikurinn Vorið Vaknar í leikstjórn Jóns Gunnars, árið 2015 söngleikurinn "Rauða myllan" í leikstjórn Garúnar og núna síðast "Konungur ljónanna" í leiksjórn Völu Fannell.
PríMA
PríMA er dansfélag Menntaskólans á Akureyri. Ár hvert setur félagið upp stórt dansatriði fyrir árshátíð skólans. Virkir félagsmeðlimir eru um 200.
Hús skólans
Skólinn á nú mest allt landið milli Eyrarlandsvegar, Hrafnagilsstrætis, Þórunnarstrætis og Lystigarðs og hefur reist nokkur hús þar.
Gamli skóli
Gamli skóli er elsta hús skólans, hann var byggður sumarið 1904. Framkvæmdir hófust í maí og hófst kennsla í húsinu í október sama ár en þá var húsið að mestu tilbúið. Á efri hæð hússins er að finna sal sem var samkomusalur skólans allt fram til 1968. Í dag hýsir gamli skóli kennarastofu og skrifstofur stjórnenda skólans auk þess sem kennsla í erlendum tungumálum fer að mestu fram þar.
Íþróttahúsið
Íþróttahús skólans hefur á síðustu áratugum verið kallað Fjósið, en það hefur þó aldrei hýst nein húsdýr. Það var byggt sem íþróttasalur árið 1905 norðan við vegg hlöðu sem skólameistari hafði fyrir hey handa hestum sínum. Löngu síðar var opnað á milli salarins og hlöðunnar og henni breytt í búningsherbergi og böð. Enn síðar var byggt við íþróttahúsið rými sem var fyrst geymsla og verkstæði, síðar innréttað sem kraftlyftingarsalur.
Möðruvellir
Möðruvellir voru teknir í notkun 1968 og er húsið nefnt eftir Möðruvöllum í Hörgárdal þar sem fyrirrennari Menntaskólans á Akureyri var eitt sinn. Húsið hefur frá upphafi verið notað að mestu til raungreinakennslu, í kjallara þess var aðalsamkomusalur skólans á árunum 1968-1996. Í kjallaranum eru nú tölvuver og aðstaða nemendafélagsins.
Heimavist
Framkvæmdir við núverandi heimavist MA hófust 1946 en verkið gekk hægt og lauk því ekki fyrr en um 1970. Fram að því hafði heimavist skólans verið í Gamla skóla. Bókasafn skólans var lengi hýst í húsi heimavistarinnar.
Hólar
Hólar voru teknir í notkun 1996 og eru nefndir eftir Hólum í Hjaltadal. Byggingin stendur á milli Gamla skóla og Möðruvalla og tengist þeim með göngum þannig að nú er innangengt milli allra kennsluhúsa skólans. Á Hólum er aðalinngangur skólans, bókasafnið og stór samkomusalur sem kallaður er Kvosin. Þar er einnig vinnuaðstaða fyrir kennara og nokkrar kennslustofur sem eru mest notaðar fyrir kennslu í félagsvísindagreinum, íslensku og sögu.
Nemendagarðar
Nýir nemendagarðar voru teknir í notkun 2003 austan við eldri heimavist. Í húsinu eru 118 smáíbúðir sem ætlaðar eru bæði nemendum við MA sem og VMA.
Þekktir MA-ingar
Þessi grein þarfnast hreingerningar svo hún hæfi betur sem grein hér á Wikipediu. Aðalvandamál þessarar greinar: velja ætti nokkur vel þekkt nöfn og flytja svo restina í sér lista eins og hefur verið gert annarstaðar |
- Adolf Ingi Erlingsson íþróttafréttamaður
- Andri Teitsson fyrrv. framkvæmdastjóri KEA og Kaupþings Norðurlands
- Sigurður Þórarinsson jarðfræðingur
- Anna Katrín Guðbrandsdóttir Idol-stjarna
- Arnar Björnsson íþróttafréttamaður
- Arnar Jónsson leikari
- Atli Örvarsson kvikmyndatónskáld
- Björn Þorláksson fjölmiðlamaður
- Edda Hermannsdóttir hagfræðingur og fjölmiðlamaður
- Eva Ásrún Albertsdóttir söngkona
- Erna Hildur Gunnarsdóttir söngkona
- Flosi Ólafsson leikari
- Guðmundur Ingi Þorvaldsson leikari
- Heimir Björnsson skáld og rappari
- Heimir Steinsson prestur og fyrrv. útvarpsstjóri
- Jón Jósep Snæbjörnsson söngvari
- Jón Þór Þorleifsson kvikmyndagerðarmaður og tónlistarstjóri
- Kári Jónsson tónlistarmaður
- Kristján Eldjárn fyrrv. forseti Íslands
- Kristján Kristjánsson fjölmiðlamaður
- Páll Skúlason heimspekingur og fyrrv. rektor Háskóla Íslands
- Sigmundur Ernir Rúnarsson fjölmiðlamaður
- Sigrún Eva Ármannsdóttir söngkona
- Sigvaldi Júlíusson þulur á Ríkisútvarpinu
- Snorri Sturluson fjölmiðlamaður
- Steinunn Vala Sigfúsdóttir verkfræðingur og hönnuður
- Styrmir Hauksson tónlistarmaður og hljóðhönnuður
- Svanhildur Hólm Valsdóttir fjölmiðlamaður
- Vilhelm Anton Jónsson tónlistar- og sjónvarpsmaður
- Vilhjálmur Einarsson silfurverðlaunahafi í þrístökki á ÓL 1956
- Þorvaldur Þorsteinsson rithöfundur
- Ævar Þór Benediktsson leikari
Stjórnmálamenn
- Ármann Kr. Ólafsson fyrrv. alþingismaður og bæjarfulltrúi Kópavogs
- Birgir Finnsson fyrrv. alþingismaður
- Björn Dagbjartsson fyrrv. alþingismaður og sendiherra
- Bragi Sigurjónsson fyrrv. alþingismaður og ráðherra
- Guðlaugur Þór Þórðarson alþingismaður og ráðherra
- Gunnlaugur Finnsson fyrrv. alþingismaður
- Halldór Blöndal alþingismaður, fyrrv. ráðherra og forseti Alþingis
- sr.Hjálmar Jónsson dómkirkjuprestur og fyrrv. alþingismaður
- Hjörleifur Guttormsson fyrrv. alþingismaður og ráðherra
- Ingvar Gíslason fyrrv. alþingismaður og ráðherra
- Jón Sigurðsson fyrrv. alþingismaður og ráðherra
- Jón Skaftason fyrrv. alþingismaður
- Jón G. Sólnes fyrrv. alþingismaður
- Jóhann Hafstein fyrrv. forsætisráðherra
- Kjartan Ólafsson fyrrv. alþingismaður
- Kristín Halldórsdóttir fyrrv. alþingismaður
- Kristján Þór Júlíusson alþingismaður og ráðherra
- Júlíus Sólnes fyrrv. alþingismaður og ráðherra
- Magnús Jónsson fyrrv. alþingismaður og ráðherra
- Ólafur Björnsson fyrrv. alþingismaður og hagfræðiprófessor
- Ólafur G. Einarsson fyrrv. forseti Alþingis og ráðherra
- Ólafur Jóhannesson fyrrv. forsætisráðherra
- Páll Pétursson fyrrv. alþingismaður og ráðherra
- Sighvatur Björgvinsson fyrrv. alþingismaður og ráðherra
- Sigbjörn Gunnarsson fyrrv. alþingismaður
- Sigmundur Ernir Rúnarsson fyrrv. alþingismaður
- Sigríður Ingvarsdóttir fyrrv. alþingismaður
- Sigríður Anna Þórðardóttir fyrrv. umhverfisráðherra
- Steingrímur J. Sigfússon alþingismaður og ráðherra
- Steinþór Gestsson fyrrv. alþingismaður og meðlimur MA-kvartettsins
- Sverrir Hermannsson fyrrv. alþingismaður og ráðherra
- Tómas Ingi Olrich alþingismaður, ráðherra og sendiherra
- Valgerður Gunnarsdóttir alþingismaður
- Vilhjálmur Egilsson fyrrv. alþingismaður og framkvæmdastjóri SA
- Þorvaldur Garðar Kristjánsson fyrrv. alþingismaður og forseti Alþingis
Tenglar
- Vefsíða Menntaskólans á Akureyri
- Vefútgáfa Munins, skólablaðs Menntaskólans á Akureyri
- Félög í Menntaskólanum á Akureyri
Fyrri: Menntaskólinn við Sund |
|
Næsti: Menntaskólinn í Reykjavík | |||
Fyrri: Borgarholtsskóli |
|
Næsti: Menntaskólinn í Reykjavík |