Menntaskólinn á Egilsstöðum
 |
Heimildir skortir fyrir staðhæfingum í þessari grein. Ef þú vilt bæta við heimild vinsamlegast bættu þeim við undir nýrri fyrirsögn („Heimildir“) eða skildu eftir athugasemd á spjallsíðunni. |
| |
| Stofnaður | 1979 |
|---|---|
| Tegund | Framhaldsskóli |
| Skólastjóri | Árni Ólason |
| Nemendur | umþb. 200 |
| Nemendafélag | NME |
| Staðsetning | Tjarnarbraut 25 700 Egilsstaðir |
| Gælunöfn | ME |
| Gælunöfn nemenda | MEingar |
| Heimasíða | me.is |
Menntaskólinn á Egilsstöðum er framhaldsskóli við Tjarnarbraut á Egilsstöðum. Menntaskólinn er hýstur í tveimur byggingum, kennsluhúsi og heimavistarbyggingu sem einnig hýsir mötuneyti skólans og hátíðarsal. Íþróttahúsið á Egilsstöðum stendur á móti menntaskólanum. Skólinn var fyrst settur árið 1979. Skólinn býður upp á nám til stúdentsprófs og heldur einnig úti fjarnámi.
Saga
[breyta | breyta frumkóða]Menntaskólinn á Egilsstöðum var fyrst settur 14. október 1979 þá einungis í heimavistarbyggingunni í bráðabirgðarkennslustofum. Árið 1983 var klárað að byggja seinni hluta heimavistarbyggingunnar og gat þá tekið við 130 nemendum á heimavistinni. Kennsluhús skólans var tekið í notkun 1989 og viðbygging við það árið 2006.
Spannar- og áfangakerfi
[breyta | breyta frumkóða]Haustið 2011 fékk skólinn leyfi til tilraunakennslu samkvæmt nýrri námskrá, byggðri á lögum um framhaldsskóla frá 2008. Nokkrar breytingar voru gerðar á kennsluháttum við skólann, skólaárinu var skipt í fjórar „spannir“ í stað tveggja anna.
Þá eru nemendur að jafnaði í þremur áföngum yfir eina „spönn“ í stað þess að vera í t.d. 6 eða fleiri áföngum yfir önn. Þetta þýðir að hægt sé að klára áfanga á átta vikum. Stór hluti kennslustunda eru verkefnatímar þar sem nemendur vinna í verkefnum tengdum þeim áföngum sem þeir eru skráðir í.
Námsbrautir
[breyta | breyta frumkóða]- Framhaldsskólabrautir 1 og 2 (til að undarbúa nemendur fyrir að fara á bóknámsbraut)
- Náttúrufræðibraut (náttúrufræðilína, heilbrigðislína, íþróttalína, málalína, tæknilína og verkfræðilína)
- Félagsgreinabraut (félagsgreinalína, heilbrigðislína, íþróttalína, málalína og tæknilína)
- Félagsliðabraut (hægt að velja milli sérhæfingum til að starfa sem félagsliði með fötluðum eða öldruðum einstaklingum)
- Listnámsbraut (hönnunarlína, íþróttalína, myndlistarlína, málalína, tónlistarlína og tæknilína)
- Opin braut (íþróttalína, málalína og tæknilína)
- Starfsbraut
Skólameistarar frá upphafi
[breyta | breyta frumkóða]- 1979 - 1989: Vilhjálmur Einarsson (fv. þrístökkvari)
- 1990 - 1993: Helgi Ómar Bragason jarðeðlisfræðingur
- 1993 - 1994: Ólafur Jón Arnbjörnsson, núverandi skólameistari Fisktækniskóla Íslands[1]
- 1994 - 1995: Vilhjálmur Einarsson
- 1995 - 2008: Helgi Ómar Bragason
- 2008 - 2009: Þorbjörn Rúnarsson
- 2009 - 2016: Helgi Ómar Bragason
- 2016-núverandi: Árni Ólason