Hafnarstræti (Akureyri)
Hafnarstræti á Akureyri er gata sem nær frá Aðalstræti í Innbænum til Ráðhússtorgs í miðbænum. Reiturinn á milli Hafnarstrætis og Aðalstrætis í Innbænum er elsti hluti Akureyrarbæjar og hin raunverulega Akureyri sem bærinn heitir eftir en eyrin er nú horfin vegna landfyllinga. Þjóðvegurinn um bæinn lá um Hafnarstræti þangað til að Drottningarbraut og Glerárgata voru lagðar um fyllingar framan við brekkuna á 8. og 9. áratug 20. aldar. 1983 var gatan á milli Kaupvangsstrætis og Ráðhústorgs gerð að göngugötu en 1997 var gerð tilraun með það að hleypa bílaumferð á hana aftur að kröfu kaupmanna við götuna sem töldu það líklegt til þess að auka verslun í miðbænum. Bílaumferð var síðar leyfð til frambúðar í einstefnu til norðurs en þessi hluti götunnar er nú skilgreindur sem vistgata með 10 km hámarkshraða og forgangi gangandi vegfarenda, götunni er þó ávallt lokað þegar búist er við miklum mannfjölda í miðbænum.
Merk hús við götuna
[breyta | breyta frumkóða]- Hafnarstræti 11: Laxdalshús er elsta uppistandandi húsið á Akureyri, byggt 1795.
- Hafnarstræti 53: Gamli barnaskólinn sem nú er notaður sem skrifstofuhúsnæði, byggður 1901.
- Hafnarstræti 57: Samkomuhúsið sem Leikfélag Akureyrar hefur afnot af, byggt 1906.
Gatnamót Hafnarstrætis og Kaupvangsstrætis eru nefnd Kaupvangstorg, við það standa:
- Hafnarstræti 87-89: Hótel KEA, byggt 1944.
- Hafnarstræti 91-95: Skrifstofu- og verslunarhús sem byggt var af KEA og hýsti aðalskrifstofur og stórverslun þess í marga áratugi, byggt 1930
- Hafnarstræti 92: Veitingahúsið Bautinn, byggt 1902.
- Hafnarstræti 94: Hamborg, verslunarhús, byggt 1906
Norðar í hafnarstræti: