Hússtjórnarskóli Reykjavíkur

Úr Wikipediu, frjálsa alfræðiritinu
Jump to navigation Jump to search
Hústjórnarskólinn í Reykjavík
Stofnaður 7. febrúar 1942
Skólastjóri Margrét Dóróthea Sigfúsdóttir
Staðsetning Sólvallagata 12, 101 Reykjavík
Heimasíða www.husstjornarskoli.is

Hússtjórnarskólinn í Reykjavík, áður Húsmæðraskólinn í Reykjavík, er hússtjórnarskóli staðsettur í glæsilegu húsi við Sólvallagötu í Vesturbæ Reykjavíkur sem var byggt árið 1921 af jónatan Þorsteinssyni. Bandalag kvenna í Reykjavík keypti húsnæðið undir skólann sem hóf starfsemi þar 7. febrúar 1942. Skólinn hefur starfað óslitið síðan ýmist sem heilsársskóli eða í annarri mynd. Árið 1975 breyttist Húsmæðraskólinn í Reykjavík í Hússtjórnarskólann í Reykjavík og var þá gerður að ríkisskóla. Námið var stytt í eina önn en einnig var farið að bjóða upp á dag- og kvöldnámskeið. Árið 1998 var skólinn svo gerður að sjálfseignarstofnun sem rekin er með framlagi frá ríkissjóði.

Námið[breyta | breyta frumkóða]

Hlutverk og markmið náms við Hússtjórnarskólann í Reykjavík er að mennta nemendur í hússtjórnargreinum sem mun nýtast þeim í daglegu lífi. Skólinn er einnar annar heilstætt nám sem veitir nemendum sérhæfða kennslu í hússtjórnargreinum. Í skólanum eru kennd helstu undirstöðu atriði í hekli, prjóni, fatasaumi, útsaumi, vefnaði, matreiðslu, vörufræði, næringarfræði, þvotti og ræstingu og lífsleikni. Námsmat byggir einkum á verkefnum nemenda sem lögð eru fyrir prófdómara. Önnin skiptist í tvö holl þar sem nemendum er skipt í tvo hópa eftir því hvort þeir hefja námið í matreiðslu eða fatasaumi. Í lok hvers holls er síðan haldið svokallað foreldraboð þar sem nemendur í matreiðslu undirbúa og bjóða fjölskyldu og vinum í stórfenglega veislu þar sem handavinna nemenda er einnig lögð til sýnis.

Í lok hverrar annar heldur skólinn opið hús þar sem gestir og gangandi geta að skoða afrakstur nemenda og bragðað á dýrindis kökum og bakkelsi sem nemendur hafa matreitt.

Félagslíf[breyta | breyta frumkóða]

í upphafi hverrar annar kjósa nemendur tvo fulltrúa í stjórn nemendafélagsins. Þessir tveir fulltrúar halda utan um alskyns viðburði utan skóla svo sem leikhúsferðir, prjónakvöld o.fl.

Vinnu- og námsferðir[breyta | breyta frumkóða]

Á hverri önn er farin heilsdagsferð um Suðurland. Þar eru staðir eins og Þingvellir, Skálholt og Sólheimar meðal annars heimsóttir og nemendum kynnt saga þessarra þekktu staða.
Nemendur á haustönn fá að fara í heildags berjaferð þar sem týnd eru bláber, krækiber og hrútaber sem eru nýtt til sultu- og saftgerðar síðar á önninni.
Skólinn býður einnig upp á bæjarferð um miðbæ Reykjavíkur þar sem nemendum er kynntur gamli bærinn og saga húsa, listaverka og merkra staða í miðbænum.
Farði er með nemendur í Ístex ullarverksmiðjuna á Álafossi þar sem þeim er sýnt ferlið við vinnslu íslensku ullarinnar.