Elísabet 2. Bretadrottning

Úr Wikipediu, frjálsa alfræðiritinu
Stökkva á: flakk, leita



Skjaldarmerki Windsor-ætt Drottning Bretlands og breska samveldisins
Windsor-ætt
Elísabet 2. Bretadrottning
Elísabet 1.
Ríkisár 6. febrúar 1953
Skírnarnafn Elizabeth Alexandra Mary
Fædd(ur) 21. apríl 1926
  17 Bruton Street, Mayfair, London, Bretland
Konungsfjölskyldan
Faðir Georg 6. Bretlandskonungur
Móðir Elizabeth Bowes-Lyon
Prins Filippus prins, hertogi af Edinborg
Börn Karl, Anna, Andrés, Játvarður

Elísabet 2. (fullt nafn: Elizabeth Alexandra Mary, fædd 21. apríl 1926) er drottning og þjóðhöfðingi Antígva og Barbúda, Ástralíu, Bahamaeyja, Barbados, Belís, Kanada, Grenada, Jamaíku, Nýja Sjálands, Papúu Nýju Gíneu, Sankti Kristófer og Nevis, Sankti Lúsíu, Sankti Vinsent og Grenadíneyja, Salómonseyja, Túvalú, og Bretlands.

Þar að auki er hún höfuð breska samveldisins, æðsti yfirmaður ensku biskupakirkjunnar og breska heraflans og lávarður Manar. Þessum embættum hefur hún gegnt síðan faðir hennar Georg 6. lést árið 1952. Hún er þjóðhöfðingi um 125 milljón manna.

Elísabet var eldri dóttir Alberts hertoga af York og konu hans, Elísabet Bowes-Lyon. Þegar hún fæddist var ekkert sem benti til þess að hún yrði framtíðarþjóðhöfðingi Bretlands. Ríkisarfinn var eldri bróðir föður hennar, Játvarður prins af Wales, og allir bjuggust við að hann gengi í hjónaband og eignaðist börn. Hann varð að vísu konungur 1936 en sagði af sér seinna sama ár og þá varð faðir Elísabetar konungur, þvert gegn vilja sínum, og tók sér nafnið Georg 6. Elísabet stóð þá næst til ríkiserfða þar sem hún átti engan bróður. Hún fékk þó ekki titilinn prinsessa af Wales.

Eiginmaður hennar er Filippus prins, hertogi af Edinborg, og gengu þau í hjónaband 1947. Þau eru bæði afkomendur Kristjáns 9. Danakonungs og Viktoríu Bretadrottningar. Saman eiga þau fjögur börn en þau eru í aldursröð: Karl, prins af Wales, Anna prinsessa, Andrés hertogi af York og Játvarður jarl af Wessex.

Tenglar[breyta | breyta frumkóða]


Fyrirrennari:
Georg 6.
Bretadrottning
(1952 – )
Eftirmaður:
Enn í embætti


  Þetta æviágrip er stubbur. Þú getur hjálpað til með því að bæta við greinina.