Jakob 4. Skotakonungur

Jakob 4. (17. mars 1473 – 9. september 1513) var konungur Skotlands frá 11. júní 1488 þar til hann féll í bardögum árið 1513. Hann tók við konungdómi við dauða föður síns Jakobs 3. í orrustunni um Sauchieburn. Orrustan var hluti uppreisnar sem Jakob 4. tók sjálfur þátt í. Hann er yfirleitt talinn farsælasti konungur Stúartættar, en valdatíma hans lauk eftir átakamikinn ósigur í orrustunni um Flodden. Hann var síðasti þjóðhöfðinginn á Bretlandseyjum sem féll í bardaga.

Jakob 4. giftist Margréti Túdor árið 1503 og tengdi þar með skosku krúnuna við þá ensku. Þessi tengsl leiddu til konungssambands árið 1603 þegar Elísabet 1. lést án arftaka, og barnabarnabarn Jakobs 4., Jakob 6., tók við ensku krúnunni sem Jakob 1. Englandskonungur.

Heimildir

Fyrirmynd greinarinnar var „James IV of Scotland“ á ensku útgáfu Wikipedia. Sótt 9. ágúst 2021.

Fyrirrennari:
Jakob 3.

Skotakonungur
(1473 – 1513)

Eftirmaður:
Jakob 5.