16. júní

Maí – Júní – Júl
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30
2011 Allir dagar

16. júní er 167. dagur ársins (168. á hlaupári) samkvæmt gregoríska tímatalinu. 198 dagar eru eftir af árinu.

Atburðir

• 1426 - Bæheimsku styrjaldirnar: Hússítar sigruðu krossfara úr fjórðu bæheimsku krossferðinni í orrustunni við Usti nad Labem.
• 1427 - Bæheimsku styrjaldirnar: Hússítar unnu lokasigur á krossförum úr fjórðu bæheimsku krossferðinni í orrustunni við Tachov.
• 1487 - Orrustan á Stoke Field, síðasti bardagi Rósastríðanna.
• 1551 - Danskir sendimenn konungs fengu því framgengt á Oddeyri við Eyjafjörð, að Jón Arason og synir hans, Björn og Ari, voru dæmdir sekir um landráð rúmlega sjö mánuðum eftir að þeir voru teknir af lífi.
• 1846 - Píus IX kjörinn páfi. Hann sat lengur á páfastóli en nokkur annar, eða í 32 ár.
• 1877 - Ísafoldarprentsmiðja var stofnuð formlega og prentaði blaðið Ísafold í fyrsta skipti.
• 1909 - Vatni úr Elliðaánum var hleypt á dreifikerfi Vatnsveitu Reykjavíkur. Vatni úr Gvendarbrunnum var veitt inn á kerfið í byrjun október.
• 1940 - Þýskur kafbátur sökkti breska herskipinu Andania suður af Ingólfshöfða. Áhöfn togarans Skallagríms vann það afrek að bjarga 353 mönnum.

• 1940 - Sovétríkin lögðu Eistland undir sig.
• 1943 - Strandferðaskipið Súðin varð fyrir loftárás þýskrar orrustuflugvélar á Skjálfandaflóa og létust tveir menn í árásinni.
• 1944 - Alþingi hélt fund í Reykjavík og felldi niður sambandslög Íslands og Danmerkur og setti nýja stjórnarskrá í gildi.
• 1946 - Haldið var upp á aldarafmæli Menntaskólans í Reykjavík. Gengin var skrúðganga að leiði Sveinbjarnar Egilssonar í Hólavallagarði en Sveinbjörn var fyrsti rektor skólans.
• 1960 - Kvikmynd Alfred Hitchcocks, Psycho, var frumsýnd.
• 1963 - Valentína Tereskhova fór í geimferð með sovéska geimskipinu Vostok 6, fyrst kvenna.
• 1972 - Ulrike Meinhof, annar helsti leiðtogi RAF (Rote Armee Fraktion), öðru nafni Baader-Meinhof-hryðjuverkahópsins, handtekin í Þýskalandi.
• 1980 - Gufuneskirkjugarður í Reykjavík var tekinn í notkun.
• 1982 - Lögreglan staðfesti að hún hefði lagt hald á maríjúanasendingu, alls 189 kg, en ekki var vitað hvert hún átti að fara. Efnið var sent frá Jamaíka.
• 2008 - Ísbjörn (Hraunsbirnan) kom á land við Hraun á Skaga. Þetta var öldruð birna sem var felld næsta dag, 17. júní.
• 2010 - Hæstiréttur Íslands dæmdi gengistryggð lán ólögmæt.

Fædd

• 1313 - Giovanni Boccaccio, ítalskur rithöfundur (d. 1375).
• 1583 - Axel Oxenstierna, sænskur landstjóri (d. 1654).
• 1723 – Adam Smith, skoskur heimspekingur og hagfræðingur (d. 1790).
• 1851 - Peter Adler Alberti, dómsmálaráðherra Danmerkur og Íslandsráðherra (d. 1932).
• 1858 - Gústaf 5. Svíakonungur (d. 1950).
• 1890 - Stan Laurel, breskur leikari og grínisti (d. 1965).
• 1914 - Lúðvík Jósepsson, íslenskur stjórnmálamaður (d. 1994).
• 1915 - Mariano Rumor, ítalskur stjórnmálamaður og fyrrum forseti Ítalíu (d. 1990).
• 1971 - Tupac Amaru Shakur, rappari, leikari og skáld (d. 1996).

Dáin

• 1216 - Innósentíus III páfi (f. 1160 eða 1161).
• 1671 - Stenka Razin, rússneskur kósakkaleiðtogi, tekinn af lífi (f. 1630).
• 1722 - John Churchill, hertogi af Marlborough, enskur hershöfðingi (f. 1650).
• 1730 - Sigríður Jónsdóttir Vídalín, biskupsfrú í Skálholti (f. 1667).
• 1752 - Joseph Butler, enskur heimspekingur (f. 1692).
• 1958 - Imre Nagy, forsætisráðherra Ungverjalands og leiðtogi uppreisnarinnar 1956, tekinn af lífi (f. 1896).
• 1958 - Pál Maléter, herforingi ungversku uppreisnarinnar 1956, tekinn af lífi (f. 1917).
• 1999 – Screaming Lord Sutch, breskur tónlistarmaður og leiðtogi The Monster Raving Loony Party (f. 1940).
• 2003 - Georg Henrik von Wright, finnskur heimspekingur (f. 1916).