6. janúar

Des – Janúar – Feb
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2013 Allir dagar

6. janúar er 6. dagur ársins samkvæmt gregoríska tímatalinu. 359 dagar (360 á hlaupári) eru eftir af árinu.

Atburðir

• 1066 - Haraldur Guðinason krýndur konungur Englands.
• 1560 - Giovanni Angelo de’Medici varð Píus 4. páfi.
• 1579 - Atrechtsambandið sameinaði suðurhéruð Niðurlanda undir stjórn Alessandro Farnese hertogans af Parma og lýsti yfir hollustu við Filippus 2. Spánarkonung.

• 1612 - Axel Oxenstierna varð ríkiskanslari í Svíþjóð.
• 1902 - Í Reykjavík var haldinn grímudansleikur í fyrsta sinn og þótti góð skemmtun.
• 1923 - Halldór Laxness gerðist meðlimur hinnar heilögu kaþólsku kirkju og var fermdur og skírður fullu nafni Halldór Kiljan Marie Pierre Laxness í Clervaux-klaustri í Lúxemborg.
• 1947 - Enski togarinn Lois strandaði á Hraunsfjörum austan Grindavíkur. Björgunarsveitin Þorbjörn, sem þá var nýstofnuð innan Slysavarnadeildarinnar Þorbjörns, bjargaði 15 skipverjum með fluglínutækjum. Einn skipverja, skipstjórinn, fórst þegar hann reyndi síðastur manna að komast í björgunarstólinn.
• 1949 - Fæðingardeild Landspítalans og Ljósmæðraskólinn fluttu í nýtt hús við Landspítalann.
• 1968 - Rannsóknastöð Hjartaverndar var tekin í notkun. Fyrsti yfirlæknir hennar var Ólafur Ólafsson, síðar landlæknir.
• 1986 - Hafskipsmálið: Íslenska skipafélagið Hafskip var lýst gjaldþrota.

Fædd

• 1367 - Ríkharður 2. Englandskonungur (d. 1400).
• 1412 - Jóhanna af Örk, frönsk þjóðhetja og rómverskur dýrlingur (d. 1431).
• 1826 - Adolf Kirchhoff, þýskur fornfræðingur (d. 1908).
• 1859 - Skúli Thoroddsen, stjórnmálamaður (d. 1916).
• 1878 - Carl Sandburg, bandarískur rithöfundur (d. 1967).
• 1901 - Tómas Guðmundsson, skáld (d. 1983).
• 1946 - Syd Barrett, gítarleikari Pink Floyd (d. 2006).
• 1953 - Vilhjálmur Árnason, heimspekingur og prófessor við Háskóla Íslands.
• 1955 - Rowan Atkinson, breskur leikari.
• 1960 - Atli Harðarson, heimspekingur.
• 1969 - Bergur Þór Ingólfsson, íslenskur leikari.
• 1973 - Þórunn Lárusdóttir, íslensk leikkona.
• 1986 - Petter Northug, norskur meistari í skíðagöngu.

Dáin

• 1448 - Kristófer af Bæjaralandi, konungur Danmerkur, Noregs og Svíþjóðar (f. 1416).
• 1919 - Theodore Roosevelt, Bandaríkjaforseti (f. 1858).
• 1990 - Pavel Alekseyevich Čerenkov, rússneskur eðlisfræðingur og Nóbelsverðlaunahafi (f. 1904).
• 1993 - Dizzy Gillespie, bandarískur djassleikari (f. 1917).

Hátíðis- og tyllidagar

• Þrettándinn, síðasti dagur jóla.