17. nóvember

Okt – Nóvember – Des
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30
2012 Allir dagar

17. nóvember er 321. dagur ársins (322. á hlaupári) samkvæmt gregoríska tímatalinu. 44 dagar eru eftir af árinu.

Atburðir

• 1390 - Skriða féll á Lönguhlíð ytri í Hörgárdal. Hrafn Bótólfsson lögmaður, kona hans og fleiri fórust.
• 1558 - Elísabet 1. tók við konungdómi í Englandi og Írlandi eftir hálfsystur sína. Elísabetartímabilið hófst á Englandi.

• 1603 - Sir Walter Raleigh var dreginn fyrir rétt í Winchester-kastala ákærður fyrir þátttöku í Maine-samsærinu.
• 1631 - Svíar lögðu Frankfurt am Main undir sig.

• 1869 - Súesskurðurinn milli Rauðahafs og Miðjarðarhafs var opnaður.

• 1912 - Íslenska guðspekifélagið var stofnað í Reykjavík.
• 1913 - Morgunblaðið birti fyrstu íslensku fréttamyndirnar, sem voru dúkristur, gerðar vegna morðmáls í Dúkskoti í Reykjavík.
• 1938 - Vikan kom út í fyrsta sinn, fyrsti ritstjóri hennar var Sigurður Benediktsson.

• 1939 - Starfsmannafélag ríkisstofnana, SFR, var stofnað.

• 1940 - Akureyrarkirkja var vígð og var þá stærsta guðshús íslensku þjóðkirkjunnar.
• 1946 - Þrjú hús gjöreyðilögðust og mörg skemmdust mikið í bruna í Þingholtunum í Reykjavík.

• 1962 - Samvinnubankinn var stofnaður, en hann rann saman við Landsbankann 1991.

• 1974 - Viktor Borge, danskur píanóleikari og háðfugl, kom fram á tónleikum með Sinfóníuhljómsveit Íslands.
• 1983 - Mikligarður, stærsta verslun landsins, var opnuð í Reykjavík í Holtagörðum við Sund. Verslunin varð gjaldþrota 1993.

• 1984 - Jón Baldvin Hannibalsson var kjörinn formaður Alþýðuflokksins, en hann bauð sig fram á móti sitjandi formanni, Kjartani Jóhannssyni.
• 1988 - Linda Pétursdóttir var kjörin Ungfrú heimur, átján ára gömul.
• 1989 - Flauelsbyltingin byrjaði í Tékkóslóvakíu. Friðsamir mótmælendur voru grimmdarlega barðir niður af óeirðalögreglunni í Prag.

Fædd

• 9 - Vespasíanus, Rómarkeisari (d. 79).
• 1749 - Nicolas Appert, franskur uppfinningamaður (d. 1841).
• 1784 - Ebenezer Henderson, skoskur prestur og Íslandsvinur (d. 1858).
• 1794 - George Grote, enskur fornfræðingur (d. 1871).
• 1878 - Lise Meitner, austurrískur eðlisfræðingur (d. 1968).
• 1896 - Lév Vígotskíj, rússneskur sálfræðingur (d. 1934).
• 1935 - Bolli Gústavsson, íslenskur prestur (d. 2008).
• 1942 - Martin Scorsese, bandarískur kvikmyndaleikstjóri.
• 1966 - Jeff Buckley, bandarískur tónlistarmaður (d. 1997).
• 1986 - Nani, portúgalskur knattspyrnumaður.

Dáin

• 1558 - María 1. Englandsdrottning (f. 1516).
• 1796 - Katrín mikla, keisaraynja Rússlands (f. 1729).
• 1917 - Auguste Rodin, franskur myndhöggvari (f. 1840).
• 1966 - Sigurður E. Jónsson, íslenskur knattspyrnumaður (f. 1921).
• 1985 - Lon Nol, kambódískur hershöfðingi (f. 1913).
• 2006 - Ferenc Puskás, ungverskur knattspyrnumaður (f. 1928).