11. nóvember

Okt – Nóvember – Des
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30
2011 Allir dagar

11. nóvember er 315. dagur ársins (316. á hlaupári) samkvæmt gregoríska tímatalinu. 50 dagar eru eftir af árinu. Dagurinn er þjóðhátíðardagur Póllands.

Atburðir

• 1403 - Danskur og sænskur floti sigldi til Gotlands til að ná eynni undan þýsku riddurunum.
• 1417 - Otto di Colonna varð Marteinn 5..

• 1606 - Þrettán ára stríðinu milli Habsborgara og Ottómana lauk með friðarsamningnum í Zsitvatorok.

• 1918 - Fyrri heimsstyrjöldinni lauk með því að Þjóðverjar lögðu niður vopn og var því fagnað víða um lönd, en í Reykjavík blöktu fánar í hálfa stöng vegna spönsku veikinnar.

• 1920 - Matthías Jochumsson var gerður að heiðursborgara Akureyrar og heiðursdoktor í guðfræði við Háskóla Íslands, en hann varð 85 ára þennan dag.

• 1928 - Iðnskólinn í Hafnarfirði var stofnaður.

• 1943 - Pétur Hoffmann Salómonsson sagði svo frá að hann hefði barist einn við bandaríska hermenn í Selsvör í Reykjavík og haft betur.

• 1958 - Skipaflutningafyrirtækið Hafskip var stofnað.

• 1962 - Leikfélag Reykjavíkur frumsýndi leikritið Hart í bak eftir Jökul Jakobsson. Leikritið var sýnt 205 sinnum og alltaf fyrir fullu húsi.
• 1965 - Ródesía lýsti einhliða yfir sjálfstæði frá Bretlandi og stofnun lýðveldis.

• 1975 - Angóla fékk sjálfstæði frá Portúgal.
• 1991 - Hljómsveitin Bless hélt sína síðustu tónleika.
• 1994 - Guðmundur Árni Stefánsson félagsmálaráðherra, sem hafði verið ásakaður um mistök í embætti, sagði af sér.

• 2007 - Rússneskt olíuskip brotnaði í tvennt í miklum stormi í Svartahafi og olli miklu tjóni.

Fædd

• 1631 - Gísli Þorláksson, Hólabiskup (d. 1684).
• 1675 - Samuel Clarke, enskur heimspekingur (d. 1729).
• 1821 - Fjodor Dostojevskíj, rússneskur rithöfundur (d. 1881).
• 1835 - Matthías Jochumsson, prestur og skáld (d. 1920).
• 1922 - Kurt Vonnegut, bandarískur rithöfundur (d. 2007).
• 1929 - Pálmi Jónsson, íslenskur stjórnmálamaður.
• 1948 - René Harris, nárúskur stjórnmálamaður (d. 2008).
• 1962 - Demi Moore, bandarisk leikkona.
• 1974 - Leonardo DiCaprio, bandariskur leikari.

Dáin

• 1855 - Søren Kierkegaard, danskur heimspekingur (f. 1813).
• 1917 - Liliuokalani, Hawaiidrottning (f. 1838).
• 2004 - Yasser Arafat, leiðtogi PLO (f. 1929).