20. ágúst

Júl – Ágúst – Sep
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2013 Allir dagar

20. ágúst er 232. dagur ársins (233. á hlaupári) samkvæmt gregoríska tímatalinu. 133 dagar eru eftir af árinu.

Atburðir

• 1612 - Nornafárið í Pendle: Átta konur og tveir karlmenn voru hengd fyrir galdur í Lancaster-kastala.
• 1672 - Hollenski stjórnmálamaðurinn Johan de Witt var myrtur ásamt bróður sínum af æstum múg í Haag.

• 1888 - Þingvallafundur var haldinn um stjórnarskrármálið.

• 1898 - Á Þingvöllum var vígt veitinga- og gistihúsið Valhöll og dró það nafn af búð Snorra Sturlusonar. Húsið var reist þar sem búðin stóð forðum, en var síðar flutt á annan stað þar sem það stóð þar til það eyðilagðist í eldi árið 2009.
• 1906 - Grettisbeltið var veitt á Akureyri í fyrsta sinn fyrir sigur í glímu.
• 1914 - Fyrri heimsstyrjöldin: Þjóðverjar náðu Brussel á sitt vald.
• 1933 - Fyrsta ferð á bíl farin yfir Sprengisand og komu ferðalangar að Mýri í Bárðardal eftir fimm daga leiðangur úr Landsveit.

• 1944 - Reykjavíkurborg tók við rekstri Strætisvagna Reykjavíkur í fyrra sinn.
• 1960 - Senegal klauf sig út úr Malísambandinu.
• 1968 - Vorið í Prag var brotið á bak aftur af 200.000 hermönnum og 5.000 skriðdrekum frá Varsjárbandalaginu.
• 1975 - Fjallið Mont Blanc (Hvítafjall) var klifið af íslenskri konu í fyrsta sinn og var það Ólafía Aðalsteinsdóttir.
• 1982 - Átján manna hópur kleif Eldey í fyrsta sinn síðan 1971. Í hópnum var ein kona, Halldóra Filippusdóttir, og var hún fyrst kvenna til að klífa eyjuna. Eldey var fyrst klifin árið 1894.

• 1982 - Marsvínavaða, yfir tvö hundruð dýr, stefndi á land við Rif á Snæfellsnesi, en það tókst að snúa þeim frá landi og reka á haf út. Ekki hefur fyrr tekist að bjarga svo stórum hópi.

• 2008 - 154 manns létust í flugslysi í Madrid.

Fædd

• 1625 - Thomas Corneille, franskt leikskáld (d. 1709).
• 1779 - Jöns Jakob Berzelius, sænskur efnafræðingur (d. 1848).
• 1833 - Benjamin Harrison, Bandaríkjaforseti (d. 1901).
• 1875 - Ágúst H. Bjarnason, sálfræðingur (d. 1952).
• 1935 - Ron Paul, bandarískur stjórnmálamaður.
• 1941 - Slobodan Milošević, forseti Serbíu og Svartfjallalands (d. 2006).
• 1942 - Isaac Hayes, bandarískur sálartónlistarmaður (d. 2008).
• 1949 - Phil Lynott, írskur rokksöngvari (d. 1986).
• 1971 - Jonathan Ke Quan, bandarískur leikari.
• 1977 - Ivar Ingimarsson, íslenskur knattspyrnumaður.
• 1992 - Demi Lovato, bandarísk leik- og söngkona.

Dáin

• 1603 - Ahmad al-Mansur, soldán yfir Marokkó (f. 1549).
• 1611 - Tomás Luis de Victoria, spænskt tónskáld (f. 1548).
• 1854 - Friedrich Wilhelm Joseph von Schelling, þýskur heimspekingur (f. 1775).
• 1938 - Guðrún Lárusdóttir, íslenskur rithöfundur og stjórnmálamaður (f. 1880).
• 1915 - Paul Ehrlich, þýskur örverufræðingur og nóbelsverðlaunahafi (f. 1854).
• 1971 - Kristín Ólafsdóttir, íslenskur læknir (f. 1889).
• 1980 - Björgvin Sæmundsson, bæjarstjóri Kópavogs (f. 1930).