23. september

Ágú – September – Okt
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30
2012 Allir dagar

23. september er 266. dagur ársins (267. á hlaupári) samkvæmt gregoríska tímatalinu. 99 dagar eru eftir af árinu.

Atburðir

• 1241 - Snorri Sturluson, skáld, rithöfundur, goðorðsmaður og lögsögumaður, var veginn í Reykholti í Borgarfirði.
• 1529 - Tyrkir settust um Vínarborg.
• 1846 - Plánetan Neptúnus var uppgötvuð.
• 1906 - Hornsteinn var lagður að húsi landsbókasafnsins á Arnarhólstúni í Reykjavík.
• 1906 - Elsta heildverslun Íslands tók til starfa, heildverslun Ó. Johnson og Kaaber.
• 1922 - Oddur Oddsson, 74 ára og Oddný Hannesdóttir, níræð, voru gefin saman í Reykjavík og varð hún þar með elsta brúður landsins.
• 1941 - Snorrahátíð haldin í hátíðarsal Háskóla Íslands í minningu 700 ára dánarafmælis Snorra Sturlusonar.

• 1943 - 270 kjósendur afhentu Alþingi áskorun um að ganga ekki frá sambandsslitum við Dani eins og á stæði.
• 1963 - Eggert Gíslason skipstjóri á Sigurpáli GK, setti met í síldarafla. Á einu sumri hafði hann aflað 31.439 mál og tunnur.
• 1973 - Yfir Suðvesturland gengu leifar fellibylsins Ellenar og olli veðrið miklu tjóni á húsum, bátum og bílum. Í Reykjavík náði vindhraði 200 kílómetrum á klukkustund.
• 1981 - Hornsteinn var lagður að Þjóðarbókhlöðunni í Reykjavík.
• 1993 - Nýr flugvöllur var tekinn í notkun á Egilsstöðum. Flugbrautin er 2000 metra löng og kostaði völlurinn 790 milljónir króna.
• 1994 - Á Öxnadalsheiði var afhjúpað minnismerki í tilefni af því að bundið slitlag var komið á allan þjóðveginn á milli Reykjavíkur og Akureyrar.

Fædd

• 63 f.Kr. - Ágústus, Rómarkeisari (d. 14 e.Kr.).
• 1215 - Kúblaí Khan Mongólaveldisins (d. 1294).
• 1916 - Aldo Moro, ítalskur stjórnmálamaður (d. 1978).
• 1920 - Mickey Rooney, bandarískur leikari.
• 1930 - Ray Charles, bandarískur söngvari (d. 2004).
• 1937 - Martin West, enskur fornfræðingur.
• 1949 - Bruce Springsteen, bandarískur söngvari.
• 1956 - Paolo Rossi, ítalskur knattspyrnumaður.

Dáin

• 76 - Línus páfi.
• 1241 - Snorri Sturluson veginn í Reykholti (Borgarfirði).
• 1666 - Hannibal Sehested, fyrrum ríkisstjóri Noregs (f. 1609).
• 1870 - Prosper Mérimée, franskur rithöfundur (f. 1803).
• 1882 - Friedrich Wöhler, þýskur efnafræðingur (f. 1800).
• 1939 - Sigmund Freud, austurrískur geðlæknir (f. 1856).
• 1973 - Pablo Neruda, síleskt skáld (f. 1904).