16. nóvember

Okt – Nóvember – Des
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30
2012 Allir dagar

16. nóvember er 320. dagur ársins (321. á hlaupári) samkvæmt gregoríska tímatalinu.

Atburðir

• 1414 - Kirkjuþingið í Konstanz var sett af Sigmundi keisara (stendur til 1418).

• 1532 - Francisco Pizarro og menn hans unnu sigur á her Atahualpa í orrustunni við Cajamarca, tóku heiðursvörð hans af lífi og hann sjálfan til fanga.

• 1610 - Karl 9. undirritaði vopnahléssamning við Rússa í Ivangorod.

• 1621 - Páfi gaf út tilskipun um að 1. janúar skyldi vera fyrsti dagur ársins en fram að því hafði það verið 25. mars.
• 1624 - Dómkirkjan á Hólum í Hjaltadal, 230 ára gömul bygging, fauk af grunni og gjöreyðilagðist í aftaka norðanveðri.

• 1632 - Þrjátíu ára stríðið: Svíar unnu sigur á keisarahernum í orrustunni við Lützen en Svíakonungur, Gústaf 2. Adolf, féll.

• 1677 - Frakkar lögðu Freiburg undir sig.
• 1907 - Stytta af Jónasi Hallgrímssyni eftir Einar Jónsson myndhöggvara var afhjúpuð við Amtmannsstíg í Reykjavík í tilefni af því að öld var liðin frá fæðingu skáldsins. Styttan var sú fyrsta sem upp var sett í Reykjavík eftir annan Íslending en Thorvaldsen. Hún var síðar flutt í Hljómskálagarðinn.
• 1917 - Reykjavíkurhöfn var formlega tekin í notkun og afhentu danskir verktakar bæjaryfirvöldum í Reykjavík höfnina.

• 1930 - Austurbæjarskóli tók til starfa.

• 1930 - Lúðrasveitin Svanur var stofnuð á Íslandi.
• 1938 - Minnisvarði var afhjúpaður í Fossvogskirkjugarði á leiði óþekkta sjómannsins. Ríkharður Jónsson myndhöggvari gerði myndina.
• 1946 - Jarðneskar leifar Jónasar Hallgrímssonar voru jarðsettar í þjóðargrafreitnum á Þingvöllum, en upphaflega var hann grafinn í Kaupmannahöfn.
• 1957 - Nonnahús á Akureyri var opnað sem minjasafn þegar öld var liðin frá fæðingu Jóns Sveinssonar rithöfundar (Nonna).

• 1969 - Nokkrir meðlimir Æskulýðsfylkingarinnar réðust inn í myndver Keflavíkursjónvarpsins og unnu þar spjöll.
• 1972 - Heimsminjaskrá UNESCO var sett á stofn.

• 1993 - Gvæjana var 60. ríkið sem undirritaði Hafréttarsáttmála Sameinuðu þjóðanna og þar með voru öll skilyrði fyrir staðfestingu hans uppfyllt.
• 1996 - Auður Laxness, eiginkona Halldórs Laxness, gaf handritadeild Þjóðarbókhlöðunnar bréfasafn manns síns.

• 1996 - Dagur íslenskrar tungu var haldinn hátíðlegur í fyrsta skipti á fæðingardegi Jónasar Hallgrímssonar.
• 2007 - Þúsundir létust og milljónir misstu heimili sín í gífurlegum fellibyl sem gekk yfir Bangladess.

Fædd

• 42 f.Kr. - Tíberíus keisari (d. 37).
• 1717 - Jean le Rond d'Alembert, franskur heimspekingur (d. 1783).
• 1807 - Jónas Hallgrímsson, náttúrufræðingur, skáld og einn Fjölnismanna, (d. 1845).
• 1855 - Tommaso Tittoni, forsætisráðherra Ítalíu (d. 1931).
• 1857 - Jón Sveinsson (Nonni), rithöfundur og kaþólskur prestur, (d. 1944).
• 1899 - Warren McCulloch, bandarískur stýrifræðingur (d. 1969).
• 1901 - Ernest Nagel, tékkneskur heimspekingur (d. 1985).
• 1906 - Einar Sveinsson, íslenskur arkitekt (d. 1973).
• 1911 - Oddgeir Kristjánsson, íslenskur lagahöfundur (d. 1966).
• 1938 - Robert Nozick, bandarískur heimspekingur (d. 2002).
• 1958 - Marg Helgenberger, bandarísk leikkona.
• 1962 - Ásbjörn Óttarsson, íslenskur stjórnmálamaður.
• 1982 - Ólína Guðbjörg Viðarsdóttir, íslensk knattspyrnukona.

Dáin

• 1272 - Hinrik 3. Englandskonungur (f. 1207).
• 1603 - Pierre Charron, franskur heimspekingur (f. 1541).
• 1781 - Jón Teitsson, Hólabiskup (f. 1716).
• 1934 - Carl von Linde, þýskur verkfræðingur (f. 1842).
• 1945 - Sigurður Eggerz, forsætisráðherra Íslands (f. 1875).
• 1954 - Benedikt Sveinsson, íslenskur stjórnmálamaður (f. 1877).
• 1960 - Clark Gable, bandarískur leikari (f. 1901).
• 2006 - Milton Friedman, bandarískur hagfræðingur (f. 1912).

Hátíðisdagar

• Dagur íslenskrar tungu á Íslandi.